برائے اصلاح و رہنمائی

الف عین صاحب

روح کی ہے وہاں غذا مخصوص
چلتی ہے طیبہ میں ہوا مخصوص

یوں تو ہیں سارے انبیا مخصوص
ہے مگر شان-مصطفی مخصوص

نہ ملے کوئی مرتبہ مخصوص
بس ملے آپ کی عطا مخصوص

اس کو سب شاہ ہیچ لگتے ہیں
وہ بنائیں جسے گدا مخصوص

سر-محشر بچائے گی ہم کو
جو ہے لجپال کی دعا مخصوص

عشق میں آپ کے صدا مچلیں
کر دو ایسی کوئی عطا مخصوص

سب مریضو چلو مدینے میں
بٹ رہی ہے وہاں شفا مخصوص

موت آئے تمھارے در پہ مجھے
میری ہے بس یہ التجا مخصوص

نعت کہنی شروع کی جب سے
ہر مرا شعر ہو گیا مخصوص

کبھی در چومنا کبھی چوکھٹ
عاشقوں کی ہے ہر ادا مخصوص

میں نے مانگی در-نبی پر جو
ہوگئی وہ مری دعا مخصوص

کر بلا میں اصول جینے کا
کر گیا ابن -فاطمہ مخصوص

اک نظر وہ کریں اگر عابد
نہیں رہتی کوئی وبا مخصوص
 
ہماری صلاح

روح کی ہے وہاں غذا مخصوص
چلتی ہے طیبہ میں ہوا مخصوص

دوسرے مصرع کو کچھ تبدیل کیجیے جیسے
آج طیبہ میں ہے ہوا مخصوص​
گرچہ ہمارے مصرع میں معنی بدل گئے ہیں، لیکن یہ صرف آپ کو متبادل مصرع سوچنے کے لیے تیار کرنا ہے۔

نعت کہنی شروع کی جب سے
ہر مرا شعر ہو گیا مخصوص
پہلا مصرع بحر میں نہیں۔ دوسرے کو یوں کردیجیے
میرا ہر شعر ہوگیا مخصوص

کبھی در چومنا کبھی چوکھٹ
عاشقوں کی ہے ہر ادا مخصوص
پہلے مصرع کو یوں کردیجیے
در کبھی چومنا کبھی چوکھٹ
 
ہماری صلاح



دوسرے مصرع کو کچھ تبدیل کیجیے جیسے
آج طیبہ میں ہے ہوا مخصوص​
گرچہ ہمارے مصرع میں معنی بدل گئے ہیں، لیکن یہ صرف آپ کو متبادل مصرع سوچنے کے لیے تیار کرنا ہے۔


پہلا مصرع بحر میں نہیں۔ دوسرے کو یوں کردیجیے
میرا ہر شعر ہوگیا مخصوص


پہلے مصرع کو یوں کردیجیے
در کبھی چومنا کبھی چوکھٹ
بہت نوازش سر
 

الف عین

لائبریرین
سر-محشر بچائے گی ہم کو
جو ہے لجپال کی دعا مخصوص
.... لجپال کیا لفظ ہے، میں واقف نہیں

عشق میں آپ کے صدا مچلیں
کر دو ایسی کوئی عطا مخصوص
.. صدا یا سدا کا محل ہے، صدا سے تو میں سمجھ نہیں سکا. اس کے علاوہ شتر گربہ بھی ہے۔ 'کر دو' کو 'کیجے' کیا جا سکتا ہے

عاشقوں کی ہے ہر ادا مخصوص
ہے ہر میں تنافر کی کیفیت ہے

کر گیا ابن -فاطمہ مخصوص
تکریم کے ساتھ کہنا بہتر ہے
کر گئے ابنِ فاطمہ مخصوص
 
سر-محشر بچائے گی ہم کو
جو ہے لجپال کی دعا مخصوص
.... لجپال کیا لفظ ہے، میں واقف نہیں

عشق میں آپ کے صدا مچلیں
کر دو ایسی کوئی عطا مخصوص
.. صدا یا سدا کا محل ہے، صدا سے تو میں سمجھ نہیں سکا. اس کے علاوہ شتر گربہ بھی ہے۔ 'کر دو' کو 'کیجے' کیا جا سکتا ہے

عاشقوں کی ہے ہر ادا مخصوص
ہے ہر میں تنافر کی کیفیت ہے

کر گیا ابن -فاطمہ مخصوص
تکریم کے ساتھ کہنا بہتر ہے
کر گئے ابنِ فاطمہ مخصوص
نوازش سر سدا ہی ہے غلطی سے صدا لکھ گیا۔۔
 
Top