نعت رسول صلی اللہ علیہ وسلم

اے خدا کے دلارے رسول امیں تجھ سا کوئی نہیں تجھ سا کوئی نہیں
ماسوا اللہ کونین میں ہر کہیں تجھ سا کوئی نہیں تجھ سا کوئی نہیں

تیری الفت میں اب پابجولاں ہوں میں دور ہوکر بہت تجھ سے رنجاں ہوں میں
چین آتا نہیں اب کسی بھی قریں تجھ سا کوئی نہیں تجھ سا کوئی نہیں

خاکہ تصویر جنت ہے دربار کی کوئی تشبیہ نہیں تیرے دُربار کی
تو ہے فرمانروائے زمان و زمیں تجھ سا کوئی نہیں تجھ سا کوئی نہیں

ماورا دستگاہی سے توصیف ہے کیا بتاؤں کہ کیا ان کی تعریف ہے
تیرے در کا ہوں دریوزه گر، آفریں تجھ سا کوئی نہیں تجھ سا کوئی نہیں

عرش و کرسی سے ارفع ہے ذات آپ کی تاجدار حدیثاں ہے بات آپ کی
سارے پیغمبراں تیرے زیر نگیں تجھ سا کوئی نہیں تجھ سا کوئی نہیں

خال و خد آپ کے مرمریں مخملیں لب ہیں لعلِ یمن دانت در ثمیں
احمدؔ ناتواں کا یہی ہے یقیں تجھ سا کوئی نہیں تجھ سا کوئی نہیں


مودود احمد خان