قطعات

دل کی بستی میں اک خالی بستی ہے
ویرانوں کے اندر بھی ویرانے ہیں
ذہن میں تانے بانے ٹوٹے لفظوں کے
لب تک جو نہ پہنچے وہ پیمانے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔

بال چھوٹے کرا لیے تم نے
رخ سے پہرے اٹھا لیے تم نے
پاس آتے ہوے میں ڈرتا ہوں
جب سے ناخن بڑھا لیے تم نے
۔۔۔۔۔۔۔۔۔۔۔۔۔۔۔۔۔۔۔۔۔۔

زیست کی تلخیوں سے گھبرا کر
اس نے منہ بھر کے پھانک لی چینی
زندگی میں مٹھاس کیا آتی
زندگی اس مٹھاس نے چھینی
۔۔۔۔۔۔۔۔۔۔۔۔۔۔۔۔۔۔۔۔۔
روز تمہارے چہرے پر جو کھلتے ہیں
اتنے اچھے پھول کہاں پر ملتے ہیں
تم نے حیا کا پیراہن جو پہنا ہے
اتنے اچھے کپڑے کہاں پر سلتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔​