فرقان احمد اور محمد عدنان اکبری نقیبی !
جزاک اللّہ خیرا کثیرا۔
اللہ آپ دونوں کو ہمیشہ اپنی امان میں رکھے۔ اپنے پیارے بندوں میں شامل کرے۔ کبھی کوئی دکھ، کوئی آزمائش میں نہ ڈالے۔ آمین!
مجھے جو چیز اپنے مزاج کے اعتبار سے زیادہ بہتر لگی، وہ پینٹنگ کے امیجز علیحدہ سے لے کے وہاں اشعار کو ٹانکنا۔۔۔
مثلاً میں نے اگر امیر مینائی کا کوئی ایسا شعر لیا کہ جس میں قلم کا ذکر ہے تو ایسی پینٹنگ ڈھونڈ لی اور اس میں وہ شعر چپکا دیا۔
اس طرح اپنی پسند کے مطابق نتائج مل رہے ہیں الحمداللہ۔
آپ کی مدد کے لیے ممنون ہوں۔ صبح فجر کے بعد سے خود کو ڈانٹ رہی ہوں کہ فرقان کا شکریہ ہی ادا نہ کیا۔ اسی وقت دعا دی تو اطمینان ہوا۔:)
جزاک اللہ خیرا اجر کثیرا۔
آپی آپ کی شفقت اور محبت ہم محفلین کا قیمتی اثاثہ ہے۔
اللہ کریم آپ کو اور آپ سے وابستہ آپ کے عزیز و اقارب کو دونوں جہانوں میں کامیابی اور راحتیں عطا فرمائیں۔ آمین
 

جاسمن

لائبریرین
بچوں کے امتحانات ہیں، خاص طور پہ بیٹے کے میٹرک کے پرچے ہیں۔
ان کے لیے اور بیٹے کے لیے خاص دعاؤں کی درخواست ہے۔
 

محمد وارث

لائبریرین
محمد وارث بھائی!
آپ نے اپنے بچوں کا بورڈ تبدیل کروایا ہے؟
یعنی ان کے ادارے بدلنے کا ارادہ ہے یا نہیں؟
بڑے بیٹے کا بورڈ میڑک کے بعد فیڈرل سے گوجرانوالہ بورڈ تبدیل کروایا تھا۔ چھوٹے کا بھی انشاءاللہ امسال میٹرک کے بعد بدل جائے گا۔
 

جاسمن

لائبریرین
بڑے بیٹے کا بورڈ میڑک کے بعد فیڈرل سے گوجرانوالہ بورڈ تبدیل کروایا تھا۔ چھوٹے کا بھی انشاءاللہ امسال میٹرک کے بعد بدل جائے گا۔

بورڈ تبدیل کروانے سے کوئی مسئلہ تو نہیں ہوا؟ بچوں کو رٹے کی عادت نہیں تو وہ کوئی مشکل تو محسوس نہیں کر رہے؟
 

محمد وارث

لائبریرین
بورڈ تبدیل کرنے کا مقصد تعلیمی معیار میں بہتری ہے؟
جی نہیں۔ عام طور پر پنجاب کے سارے تعلیمی بورڈز اور فیڈرل بورڈ کا نصاب ایک جیسا ہی ہے۔ بورڈ کا انحصار اس بات پر ہے کہ تعلیمی ادارہ کس بورڈ سے الحاق شدہ ہے۔ میرے بچے آرمی پبلک اسکول میں پڑھتے تھے اور پڑھتے ہیں، ان کا الحاق فیڈرل بورڈ کے ساتھ ہے (کسی اور بورڈ کے ساتھ بھی ہوتا تو میں کیا کر لیتا)۔ بڑے بیٹے کو میڑک کے بعد پنجاب کالج میں سو فیصد سکالر شپ مل رہی تھی سو اس کو وہاں داخل کروا دیا اور ان کا الحاق پنجاب کے گوجرانولہ بورڈ سے ہے۔ (ظاہر ہے اس میں میرا معاشی فائدہ بھی تھا اور یوں بھی پنجاب گروپ آف کالجز کی شہرت اچھی ہے)۔

بورڈ تبدیل کروانے سے کوئی مسئلہ تو نہیں ہوا؟ بچوں کو رٹے کی عادت نہیں تو وہ کوئی مشکل تو محسوس نہیں کر رہے؟
جی نہیں کوئی مسئلہ نہیں ہوا۔ جو خدشہ آپ کو ہے وہی میرے بیٹے کو بھی تھا کہ فیڈرل بورڈ کے مقابلے میں دوسرے بورڈز کا چیکنگ کا نظام وغیرہ مشتبہ ہے لیکن گیارہویں کے نتیجے کے بعد اس کو ذہنی سکون ہو گیا۔ ویسے میرے بچے خود ہی پڑھتے ہیں، نویں دسویں میں کچھ عرصہ مجھ سے ریاضی فزکس وغیرہ پڑھتے رہے ہیں لیکن بعد میں خود ہی پڑھنا شروع کر دیا اور اب ایف ایس سی میں بھی خود ہی پڑھتا ہے۔ (اور اسی بہانے میں بھی اللہ کا شکر ادا کرتا ہوں کہ ٹیوشنوں کی فیسیں نہیں بھرنی پڑتیں)۔ :)
 

جاسمن

لائبریرین
فیڈرل بورڈ کے مقابلے میں دوسرے بورڈز کا چیکنگ کا نظام وغیرہ مشتبہ ہے
یہی خدشہ میرے بیٹے کو بھی ہے۔ بڑے ہوش ربا واقعات سنے ہیں اور کچھ ذاتی مشاہدے میں بھی آئے ہیں تو مجھے فکر سی لگی ہے کہ کیا کروں؟
 

یاقوت

محفلین
یہی خدشہ میرے بیٹے کو بھی ہے۔ بڑے ہوش ربا واقعات سنے ہیں اور کچھ ذاتی مشاہدے میں بھی آئے ہیں تو مجھے فکر سی لگی ہے کہ کیا کروں؟
جی آپا جی بجا فرمایا جہاں "رِبا" ہوگا وہاں "ہوش" تو اڑیں گے ہی۔۔بڑی ہوش رِبا بات ہے۔:p:p:p:LOL::LOL::LOL:
 
Top