غزل برائے اصلاح : آ رہی ہیں آج یادیں اپنے گاؤں کی مجھے

عمران سرگانی نے کہا:

"آ رہی ہیں آج یادیں اپنے گاؤں کی مجھے "
"کیوں ؟ " "ضرورت ہے بزرگوں کی دعاؤں کی مجھے

مزید نمائش کے لیے کلک کریں۔۔۔

عمران سرگانی نے کہا:

خواب میں کشمیر کے اک گھر میں میں موجود تھا
واں سنائی دے رہی تھیں چیخیں ماؤں کی مجھے

مزید نمائش کے لیے کلک کریں۔۔۔

عمران سرگانی نے کہا:

کربلا سے آنے والے جوتیاں اپنی اتار
چاہئے ہے وہ مبارک دھول پاؤں کی مجھے

مزید نمائش کے لیے کلک کریں۔۔۔

عمران سرگانی نے کہا:

اس خلا میں اے دیے تجھ کو جلانے کے لئے
آ پڑی آخر ضرورت اُن ہواؤں کی مجھے

مزید نمائش کے لیے کلک کریں۔۔۔

عمران سرگانی نے کہا:

غیر کی باتوں میں آ کر دے رہا ہے وہ سزا
اَن کئے سارے گناہوں اور خطاؤں کی مجھے

مزید نمائش کے لیے کلک کریں۔۔۔

محمّد احسن سمیع :راحل: نے کہا:

پہلا مصرعہ آپ نے واوین میں لکھا ہے، کیا مصرعہ طرح ہے؟
اگر نہیں، تو یادیں کو کسی طرح بصورت یاد باندھیں، زیادہ بہتر لگے گا۔
دوسرے مصرعے کی ساخت آپ نے ایسی رکھی ہے کہ اگر سوالیہ نشان جیسی علامات استعمال نہ ہوں تو مصرعے مطلب بالکل ہی بدل جائے گا۔ سو بہتر ہے اس کو سمپلیفائی کریں۔


۔

مزید نمائش کے لیے کلک کریں۔۔۔

محمّد احسن سمیع :راحل: نے کہا:

پہلا مصرعہ آپ نے واوین میں لکھا ہے، کیا مصرعہ طرح ہے؟
اگر نہیں، تو یادیں کو کسی طرح بصورت یاد باندھیں، زیادہ بہتر لگے گا۔
دوسرے مصرعے کی ساخت آپ نے ایسی رکھی ہے کہ اگر سوالیہ نشان جیسی علامات استعمال نہ ہوں تو مصرعے مطلب بالکل ہی بدل جائے گا۔ سو بہتر ہے اس کو سمپلیفائی کریں۔


ایک تو یہاں "میں میں" کا تنافر کھٹک رہا ہے۔
دوسرے یہ کہ "اک گھر" بھی بھرتی کا معلوم ہوتا ہے۔ یوں سوچ کر دیکھیں۔
خواب میں تھا وادی کشمیر میں موجود میں
اور سنائی دے رہیں تھیں ماوں کی چیخیں مجھے


دوسرے مصرعے میں وہ کی بجائے یہ سے اشارہ کریں۔ وہ عموما دور کی چیز کی طرف اشارہ کرنے کے لئے استعمال کیا جاتا ہے۔ مزید یہ کہ کسی طرح "تیرے پاوں کی دھول" لاسکیں تو شعر اور بہتر ہوجائے گا۔


اے دیے اتنا اچھا نہیں لگ رہا۔ دوسرے مصرعے اگر ہوا کی طرف "اُن" کہہ کر اشارہ کریں گے تو پھر سوال اٹھے گا کہ "کن" ہواوں کی ضرورت پڑی؟؟؟ ویسے سوال تو یہ بھی اٹھ سکتا ہے کہ کون سا خلا اور کون سا دیا؟
ان خلاوں میں جلانے کے لئے روشن چراغ
آپڑی آخر ضرورت خود ہواوں کی مجھے


ان کئے روزمرہ کے خلاف ہے، یہاں ناکردہ گناہ کہا جائے گا۔ مزید یہ کہ گناہوں اور خطاوں کی تکرار بھی مناسب معلوم نہیں ہوتی، یوں محسوس ہوتا ہے کہ بس وزن پورا کیا جارہا ہے۔
جو کبھی کی ہی نہیں، ایسی خطاوں کی مجھے

دعاگو،
راحل۔

مزید نمائش کے لیے کلک کریں۔۔۔

عمران سرگانی نے کہا:

اگلے اشعار میں اگر " ماؤں کی چیخیں " اور " پاؤں کی دھول " لائیں تو قافیہ میں بگاڑ آتا

مزید نمائش کے لیے کلک کریں۔۔۔

محمّد احسن سمیع :راحل: نے کہا:

چیخیں ماوں کی مجھے ہی لکھنا تھا، لکھتے ہوئے دھیان نہیں رہا
اسکے علاوہ، کربلا والے شعر میں مطلب یہ تھا کہ دوسرے مصرعے میں کسی طرح "تیرے" لے آئیں۔

مزید نمائش کے لیے کلک کریں۔۔۔

الف عین نے کہا:

قوافی پر اعتراض کیا جا سکتا ہے ۔ چھاؤں پاؤں کی آوازیں جمع کے الفاظ دعاؤں، خطاؤں سے مختلف ہیں۔ پھر میری ترجیحات کے مطابق، ممکن ہے اسے میری سنک سمجھا جائے، پاؤں، چھاؤں بطور اسم محض بطور فعل باندھنا اور چھانا پانا مصدر سے بطور فعل verb کو فعلن باندھنا بہتر ہے

مزید نمائش کے لیے کلک کریں۔۔۔

عمران سرگانی نے کہا:

بہت شکریہ سر۔۔۔ معذرت آخری جملے کی تھوڑی وضاحت کر دیں کم علمی کی وجہ سے سمجھ نہیں پایا۔۔۔

مزید نمائش کے لیے کلک کریں۔۔۔

محمّد احسن سمیع :راحل: نے کہا:

غالباً استاد محترم کی مراد یہ ہے کہ چھاؤں، پاؤں، گاؤں کا وزن فِعْل ہوگا ۔۔۔ گویا کچھ اسطرح کی آواز آئے گی ۔۔۔ پاںوْ ۔۔۔گاںوْ ۔۔۔ چھاںوْ ۔۔۔
جبکہ خطا، دعا وغیرہ کی جمع غیرندائی کی آوازیں یوں بنیں گی ۔۔۔ خطا اوں ۔۔۔ دعا اوں ۔۔۔ واللہ اعلم

مزید نمائش کے لیے کلک کریں۔۔۔

عمران سرگانی نے کہا:

کربلا سے آنے والے جوتیاں اپنی اتار
چاہئے ہے دھول تیرے دونوں پاؤں کی مجھے

مزید نمائش کے لیے کلک کریں۔۔۔

عمران سرگانی نے کہا:

ان خلاوں میں جلانے کے لئے روشن چراغ
آ پڑی آخر ضرورت خود ہواؤں کی مجھے

اس شعر میں میں یہ کہنا چاہتا ہوں کہ ہوائیں چراغ بجھا دیتی ہیں مجھے اب چراغ جلانے کے لئے بھی انہی ہواؤں کی ضرورت پڑ رہی ہے۔۔۔ کیا یہ شعر اس بات کی مکمل وضاحت کرتا ہے یا متبادل لایا جائے۔ ایک متبادل لکھنے کی کوشش کی ہے مگر اتنا رواں نہیں ۔ دیکھئے
دیپ یاں پھر سے جلانے کو ، ضرورت پڑ گئی
جو بجھاتی تھیں دیے ان ہی ہواؤں کی مجھے

مزید نمائش کے لیے کلک کریں۔۔۔

عمران سرگانی نے کہا:

دھوپ مجھکو چاہئے عمران بڑھنے کے لئے
آرزو ہرگز نہیں پیڑوں کی چھاؤں کی مجھے

اس شعر کا متبادل سوچا ہے دیکھیں کون سا درست ہے؟؟؟
دھوپ مجھکو چاہئے عمران بننے کو شجر
آرزو ہرگز نہیں پیڑوں کی چھاؤں کی مجھے

مزید نمائش کے لیے کلک کریں۔۔۔

محمّد احسن سمیع :راحل: نے کہا:

دوسرے مصرعے کو یوں سوچ کر دیکھیں
چاہئے خاکِ مبارک تیرے پاؤں کی مجھے


ویسے یہ شعر اپنی اصل حالت میں بھی، بطور سائنس کے طالب علم، مجھے کافی سائنسی لگا کہ شعلہ بھڑکانے کے لئے ہوا (آکسیجن) کا ہونا لازمی ہے
دوسری صورت جو آپ نے لکھی ہے، اس میں واں بھرتی کا لگ رہا ہے۔ اس کے علاوہ دوسرے مصرعے میں اگر ’’ان‘‘ اور ’’ہی‘‘ متصل لائیں گے تو غیر فصیح ہوگا کیونکہ یہ ’’انہی‘‘ کا محل ہے۔
میرے خیال میں پہلی ہی صورت بہتر ہے (اگرچہ مفہوم کے ابلاغ پر اس میں بھی سمجھوتہ کرنا پڑتے گا)۔ میں یہ تو نہیں کہوں گا کہ شعر کو نکال دیں، کئی لوگ مفہوم تک پہنچ بھی سکتے ہیں۔
کچھ عرصہ بعد دوبارہ دیکھئے گا، ممکن ہے کوئی بہترصورت سجھائی دے جائے۔


پہلی صورت ہی بہتر لگ رہی ہے۔

دعاگو،
راحلؔ

مزید نمائش کے لیے کلک کریں۔۔۔

الف عین نے کہا:

عمران سرگانی مکمل ترمیم شدہ غزل لکھ دیں تو میں دیکھتا ہوں کہ کچھ اور اصلاح کی گنجائش ہے یا نہیں

مزید نمائش کے لیے کلک کریں۔۔۔

عمران سرگانی نے کہا:

سر الف عین متبادل مطلع بھی دیکھئے گا۔۔۔

آ رہی ہیں آج یادیں اپنے گاؤں کی مجھے
ہے گزارش آپ سے پیہم دعاؤں کی مجھے

مزید نمائش کے لیے کلک کریں۔۔۔

الف عین نے کہا:

باقی غزل بھی درست ہے
مطلع متبادل والا رکھو، مکالمے والا سمجھ میں مشکل سے آتا ہے

مزید نمائش کے لیے کلک کریں۔۔۔