حنیفؔ شاہجہاں پوری: ہے طلوعِ صبح اپنی شامِ غم آنے کا نام

عزیزانِ گرامی، تسلیمات!

میرے عمِ محترم جناب حنیف شاہجہاں پوری مرحوم کے مجموعہ ’’غمِ نیلگوں‘‘ سے منتخب ایک غزل آپ سب کی بصارتوں کی نذر۔

دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہے طلوعِ صبح، اپنی شامِ غم آنے کا نام
آمدِ شامِ غمِ ہجراں دھواں چھانے کا نام

منتشر ہو کر بیاباں جا بسے گھر گھر حنیفؔ
کوئی اب لیتا نہیں گھر سے نکل جانے کا نام

باندھ کر رختِ سفر، آنکھوں میں ہے ٹہرا ہوا
کیا کسی نے پھر لیا گھر سے نکل جانے کا نام؟

رنج و غم آئیں، سر آنکھوں پر، مگر مشکل یہ ہے
آکے پھر لیتے نہیں یہ میہماں جانے کا نام

چھانتے ہیں شہر ہی کی خاک برسوں سے حنیفؔ
کون لے صحرا کا نام اور کون ویرانے کا نام!
 
آخری تدوین:

عقل

محفلین
بھائی جان! میں بھی اپنا کلام بھجنے کا خواہاں ہوں؛ مگر میرے لیے کوئی راہ ہموار نہیں ہو رہی ہے برائے مہربانی مدد کردیں
 
بھائی جان! میں بھی اپنا کلام بھجنے کا خواہاں ہوں؛ مگر میرے لیے کوئی راہ ہموار نہیں ہو رہی ہے برائے مہربانی مدد کردیں
میں سمجھا نہیں؟ اگر آپ کو اصلاح مطلوب ہے تو گوشہ اصلاح سخن میں لڑی بنا کر پیش کردیں، وہاں محترمی و استاذی اعجار عبید (المعروف بہ الف عین) جیسے قابل اساتذہ موجود ہیں رہنمائی کے لئے۔

دعاگو،
راحل۔
 

عرفان سعید

محفلین
بھائی جان! میں بھی اپنا کلام بھجنے کا خواہاں ہوں؛ مگر میرے لیے کوئی راہ ہموار نہیں ہو رہی ہے برائے مہربانی مدد کردیں
اصلاح کے لیے یہاں نئی لڑی بنا کر بھیج سکتے ہیں۔
اِصلاحِ سخن
محفل کو استعمال کرنے کے حوالے سے رہنمائی درکار ہو تو یہاں دیکھیں
محفل فورم ٹیوٹوریل
 
Top