۱) اپ سب کی یہ گفتگو پڑھ کر اور زیادہ مجھے اپنی کم مائیگی کا احساس ہو نے لگاہے ۔ کاش میں ایک عورت نہ ہوتی ۔
۲) آپ سب کو کمزور عورت کی مجبوری کی کیا خبر ....یہ جس پر گزرتی ہے وہی جانتی ہے ۔ یہ تو آپ سب کو ماننا پڑے گا کہ یہ دنیا زور آوروں کی ہے اور عورت سدا کی کمزور تھی ، ہے اور رہے گی ۔
۳) رہی بات جاب کی تو عورتوں کی اکثریت جاب نہیں کرتی ۔ پھر بھی معاشرہ اخلاقی طور پر زوال کا شکار ہے ۔ اصل میں والدین نے اپنے بچوں کی تربیت کرنا چھوڑ دی ہے ۔ نہ صرف والدین بلکہ اساتذہ اور بڑوں نے بھی اپنی زمہ داری سے تقریبا تقریبا ہاتھ اٹھا لیا ہے ۔
۴) اگر خواتین پڑھانے والی نہ ہوں گی تو لیڈی ڈاکٹر، خواتین ٹیچرز اور نرس کہاں سے پڑھ کر آگے آئیں گی
۵) البتہ مخلوط دفاتر میں کام کرنے سے گریز کرنا چاہیے ۔
۶) رہی بات پردہ کی تو لڑکیوں /خواتین کو پردہ کرنے کی تلقین کے ساتھ ساتھ لڑکوں / مردوں کی تربیت کرنی چاہیے کہ خواتین کا احترام کرے ۔
۷) بامر مجبوری گھر سے نکلنا اسلام میں بھی جائز ہے ۔ یہ بات مجھے کہنی تو نہیں چاہیے کہ میرے رب نے تین مختلف گھرانوں کی کفالت کی زمہ داری مجھ کمزور و ناتواں کے کندھوں پر ڈال رکھی ہے ۔ یہ میرے لیے برے اعزاز کی اور سعادت کی بات ہے کہ اللہ نے مجھے اپنے بندوں کی خدمت و کفالت کے لیے چنا ہے ۔ وہ گھرانےمیری تنخواہ ملنے کے منتطر ہوتے ہیں ۔ ان کی کفالت کرنے والا کوئی نہیں سوائے ان کے رازق کے جس نے مجھے وسیلہ بنایا ہے ۔حالانکہ یہ گھرانے جس جس کمیونٹی میں آباد ہیں وہاں بڑے بڑے غیرت مند اور کماؤ مرد رہتے ہیں ۔
۸) اگر یہ معاشرہ مکمل اسلامی معاشرہ ہوتا تو بیواوں مسکینوں لاچاروں کی کفالت، ریاست ہی کی زمہ داری تھی ۔
۱) آپ کو عورت ہونے پر کم مائیگی کا احساس نہ ہونا چاہیے۔ اللہ کا شکر ادا کرنا چاہیے۔ خدا نے نہ تو عورت پر دنیا کی ذمہ داری ڈالی نہ آخرت بنانے کے لیے مردوں کی طرح پُر کٹھن اعمال دئیے۔ کہ مرد گھر سے باہر نکل کر پیسے کمانے کے لیے دھکے کھائے، کبھی باس کی، کبھی گاہکوں کی اوٹ پٹانگ سنے، منہ ماری کرے، گرمی کی تپتی ہوئی لو ہو یا بارش میں بھیگتے لڑکھڑاتے ہوئے گھر جانے والے راستے کو ٹٹول ٹٹول کر گھسٹنا ہو یا سردیوں کی ہڈیوں میں اتر جانے والی یخ بستہ ہواؤں میں گرم گھر کا آرام چھوڑ کر باہر سرد ہواؤں کے جھونکوں کی یلغار سے نبرد آزمانا ہو۔ یا پھر جہاد میں ہاتھ پاؤں کا اڑنا، جسموں کا جل کر راکھ ہونا، آنکھ ناک کٹنا ہو۔ اللہ تعالیٰ نےتو عورت کو ان تما گھٹناؤں سے بچا کر عزت و چین سے گھر بیٹھ کر زندگی گزارنے کا سکون دیا ہے۔۔۔
اگر کوئی عورت کو ایسا کرنے نہیں دیتا تو یہ اس کی طرف سے ظلم ہے!!!
۲) اس میں کوئی شک نہیں کہ عورت مرد کے لحاظ سے کمزور ہے اور رہے گی۔ مغرب میں آج بھی عورت کمزور ہے۔ اسی کمزوری کے باعث وہاں مردوں نے اسے بھنبھوڑ ڈالا ہے۔شکر ہے یہاں حالات اتنے برے نہیں ہیں۔ اگرچہ اسی مغربی روشن خیالی کا جھانسہ دے کر حالات اسی نہج پر لے جانے کی کوششیں ہورہی ہیں۔
۳) صرف جاب نہیں، تعلیمی اداروں میں لڑکے لڑکیوں کا اختلاط، سوشل میڈیا، الیکٹرانک میڈیا۔ یہ مرد اور عورت سب کے ذہن خراب کر رہا ہے۔ کیا آپ میڈیا کے حوالے سے کوئی ایسی مثال دے سکتی ہیں کہ یہ ہمیں اجتماعی طور پر نیکی و بھلائی کی طرف راغب کررہا ہے؟؟؟ یا فحاشی و عریانی پھیلانے، میاں بیوی کو ایک دوسرے سے نفرت دلانے، بڑے بزرگوں سے بدتمیزی کرنے کا سبق پڑھا رہا ہے؟؟؟
۴) ضرور پڑھیں۔ آگے بڑھیں۔ لیکن خود کو اور معاشرے کو خراب کرنے کی قیمت پر نہیں۔
۵) صحیح کہا۔ فساد کی جڑ یہی ہے۔
۶) صحیح بات ہے۔ برائی دونوں جانب سے ہوتی ہے، تنہا نہیں۔ تربیت دونوں کی ضروری ہے ورنہ کام نہیں بنے گا۔
۷) عورت کمانے لگے تو بے غیرت مردوں کو بھی ان کی کمائی کے مزے لگ جاتے ہیں۔ نتیجتاً وہ مزید ہڈ حرام ہوجاتے ہیں۔ خود گھر میں پڑے پلنگ توڑتے ہیں اور عورت کو در بدر کی ٹھوکریں کھانے اور مشقتیں اٹھانے کے لیے گھر سے نکال دیتے ہیں۔
۸) معاشرہ اسلامی ہوتا تو بہت بہتر تھا۔ لیکن ہم تو اسلامی ہوسکتے ہیں۔ اللہ کے احکامات پر عمل کرسکتے ہیں۔ ناممکن ہے کہ ہم اللہ کی مانیں اور وہ ہماری حاجت روائی نہ کرے۔
