یہ کس کی بات کرتے ہو صدا آئی ہے جنت سے

سر غزل برائے اصلاح
الف عین عظیم
مفاعیلن مفاعیلن مفاعیلن مفاعیلن

یہ کس کی بات کرتے ہو صدا آئی ہے جنت سے
تجھےجو گل بدن بولوں تو دیکھے حور حسرت سے
-------------
دعا ہے زندگی میں اب کوئی ایسا بھی دن آئے
وہ میرے سامنے بیٹھیں انہیں دیکھوں میں فرصت سے
-------------
نہیں ہمت کے اٹھ پاؤں مرے ہمدم سہارا دو
دلِ مرحوم کی اب تو اٹھا لے جاؤ تربت سے
-------------
میں توبہ توڑ کر اپنی چلا جاتا ہوں مے خانے
کبھی مجبور فطرت سے کبھی مجبور عادت سے
-------------
رکھا ہے ہاتھ سینے پر یہی کب سے کہے جائیں
یہیں ہے دردصدیوں سے ! یہی عالم ہے مدت سے
-------------
زمانے کو تو کہتا ہے ہمیں الفت ہے احمد سے
ہمارے پاس سے لیکن گزرتا کیوں ہے غفلت سے

انس معین نے کہا:

یہ کس کی بات کرتے ہو صدا آئی ہے جنت سے
تجھےجو گل بدن بولوں تو دیکھے حور حسرت سے

مزید نمائش کے لیے کلک کریں۔۔۔

شعر میں شتر گربہ ہے۔ دوسرے مصرع میں "تجھے" کو " تمہیں" ککردیجیے، درست ہو جائے گا۔

انس معین نے کہا:

نہیں ہمت کے اٹھ پاؤ مرے ہمدم سہارا دو
دلِ مرحوم کی اب تو اٹھا لے جاؤ تربت سے

مزید نمائش کے لیے کلک کریں۔۔۔

شعر میں غلط املا کے باعث یہ کہنا دشوار ہے کہ کیا لکھا ہے۔ یوں کرسکتے ہیں

نہیں ہمت کہ اُٹھ پاؤں، مرے ہمدم سہارا دو

انس معین نے کہا:

تھے اپنے شوق سے پالے گلہ کیا اب کے ثا نپوں سے
وہ نہ ڈستے ہمیں لیکن ہوئے مجبور فطرت سے

مزید نمائش کے لیے کلک کریں۔۔۔

پہلے مصرع کو یوں کرسکتے ہیں

"جب اپنے شوق سے پالے، گلہ کیا کیجے سانپوں سے"

انس معین نے کہا:

زمانے کو تو کہتا ہے ہمیں الفت ہے احمد سے
ہمارے پاس سے لیکن گزرتا کیوں ہے غفلت سے

مزید نمائش کے لیے کلک کریں۔۔۔

پہلے مصرع کے آخر میں الفاظ کی ترتیب بدل دیجیے

"زمانے سے تو کہتا ہے ہمیں احمد سے الفت ہے"

محمد خلیل الرحمٰن نے کہا:

شعر میں شتر گربہ ہے۔ دوسرے مصرع میں "تجھے" کو " تمہیں" ککردیجیے، درست ہو جائے گا۔



شعر میں غلط املا کے باعث یہ کہنا دشوار ہے کہ کیا لکھا ہے۔ یوں کرسکتے ہیں

نہیں ہمت کہ اُٹھ پاؤں، مرے ہمدم سہارا دو



پہلے مصرع کو یوں کرسکتے ہیں

"جب اپنے شوق سے پالے، گلہ کیا کیجے سانپوں سے"



پہلے مصرع کے آخر میں الفاظ کی ترتیب بدل دیجیے

"زمانے سے تو کہتا ہے ہمیں احمد سے الفت ہے"

مزید نمائش کے لیے کلک کریں۔۔۔

بہت شکریہ ۔خلیل بھائی ۔ بہتری کی کوشش کرتا ہوں

خلیل بھائی کی اصلاح کے بعد

یہ کس کی بات کرتے ہو صدا آئی ہے جنت سے
تمہیں جب گل بدن بولوں تو دیکھے حور حسرت سے
-------------
دعا ہے زندگی میں اب کوئی ایسا بھی دن آئے
وہ میرے سامنے بیٹھیں انہیں دیکھوں میں فرصت سے
-------------
نہیں ہمت کہ اُٹھ پاؤں، مرے ہمدم سہارا دو
دلِ مرحوم کی اب تو اٹھا لے جاؤ تربت سے
-------------
میں توبہ توڑ کر اپنی چلا جاتا ہوں مے خانے
کبھی مجبور عادت سے کبھی مجبور فطرت سے
-------------
رکھا ہے ہاتھ سینے پر یہی کب سے کہے جائیں
یہی ہے دردصدیوں سے ! یہی عالم ہے مدت سے
-------------
جب اپنے شوق سے پالے، گلہ کیا کیجے سانپوں سے
وہ نہ ڈستے ہمیں لیکن ہوئے مجبور فطرت سے
-------------
زمانے سے تو کہتا ہے ہمیں احمد سے الفت ہے
ہمارے پاس سے لیکن گزرتا کیوں ہے غفلت سے

یہ کس کی بات کرتے ہو صدا آئی ہے جنت سے
تمہیں جب گل بدن بولوں تو دیکھے حور حسرت سے
------------- بولوں؟ درست فعل نہیں۔ پکاروں بہتر ہو گا
پکاروں گلبدن تم کو....
کیا جنت میں ایک عدد حور ہی ہے؟

دعا ہے زندگی میں اب کوئی ایسا بھی دن آئے
وہ میرے سامنے بیٹھیں انہیں دیکھوں میں فرصت سے
------------- درست

نہیں ہمت کہ اُٹھ پاؤں، مرے ہمدم سہارا دو
دلِ مرحوم کی اب تو اٹھا لے جاؤ تربت سے
------------- دوسرا مصرع مجھے تو بے معنی لگ رہا ہے

میں توبہ توڑ کر اپنی چلا جاتا ہوں مے خانے
کبھی مجبور عادت سے کبھی مجبور فطرت سے
------------- درست

رکھا ہے ہاتھ سینے پر یہی کب سے کہے جائیں
یہی ہے دردصدیوں سے ! یہی عالم ہے مدت سے
------------- یہی کب سے... کنفیوزنگ ہے۔' یہی ہم کہتے رہتے ہیں' بہتر ہو گا

جب اپنے شوق سے پالے، گلہ کیا کیجے سانپوں سے
وہ نہ ڈستے ہمیں لیکن ہوئے مجبور فطرت سے
------------- نہ بطور نا مجھے قبول نہیں
نہ ڈستے وہ ہمیں..
کر دو

زمانے سے تو کہتا ہے ہمیں احمد سے الفت ہے
ہمارے پاس سے لیکن گزرتا کیوں ہے غفلت سے
ٹھیک

بہت شکریہ سر۔ بہتری کی کوشش کرتا ہوں ۔

دلِ مرحوم کو اب تو---
شائد کی غلطی سے لکھا گیا ہے

ارشد چوہدری نے کہا:

دلِ مرحوم کو اب تو---
شائد کی غلطی سے لکھا گیا ہے

مزید نمائش کے لیے کلک کریں۔۔۔

الف عین نے کہا:

نہیں ہمت کہ اُٹھ پاؤں، مرے ہمدم سہارا دو
دلِ مرحوم کی اب تو اٹھا لے جاؤ تربت سے
------------- دوسرا مصرع مجھے تو بے معنی لگ رہا ہے

مزید نمائش کے لیے کلک کریں۔۔۔

استادِ محترم شاید اس شعر میں شاعر نے کہنا چاہا ہے کہ اب مجھ میں اتنی ہمت باقی نہیں کہ آٹھ سکوں لہٰذا اے
مرے ہمدم مجھے سہارا دے کر دلِ مرحوم کی قبر سے اٹھا لے جاؤ۔

محمد خلیل الرحمٰن نے کہا:

استادِ محترم شاید اس شعر میں شاعر نے کہنا چاہا ہے کہ اب مجھ میں اتنی ہمت باقی نہیں کہ آٹھ سکوں لہٰذا اے
مرے ہمدم مجھے سہارا دے کر دلِ مرحوم کی قبر سے اٹھا لے جاؤ۔

مزید نمائش کے لیے کلک کریں۔۔۔

جی خلیل بھائی ایسا ہی کچھ کہنا چاہا