کوئی فریاد تیرے دل میں دبی ہو جیسے:: فیض انور

کوئی فریاد تیرے دل میں دبی ہو جیسے
تو نے آنکھوں سے کوئی بات کہی ہو جیسے

جاگتے جاگتے اک عمر کٹی ہو جیسے
جان باقی ہے مگر سانس رکی ہو جیسے

ہر ملاقات پہ محسوس یہی ہوتا ہے
مجھ سے کچھ تیری نظر پوچھ رہی ہو جیسے

راہ چلتے ہوئے اکثر یہ گمان ہوتا ہے
وہ نظر چھپ کہ مجھے دیکھ رہی ہو جیسے

ایک لمحے میں سمیٹ آیا صدیوں کا سفر
زندگی تیز بہت تیز چلی ہو جیسے

اس طرح پہروں تجھے سوچتا رہتا ہوں میں
میری ہر سانس تیرے نام لکھی ہو جیسے

کوئی فریاد تیرے دل میں دبی ہو جیسے
تو نے آنکھوں سے کوئی بات کہی ہو جیسے
شاھد رضا ۔
وٹس ایپ

فی الحال اس میں کچھ ٹائپوز ہیں۔

پھر اس ک۔۔۔۔۔۔ے بعد یہ بازارِ دل نہ۔۔۔۔۔۔۔۔یں لگنا......!!

خرید لیجی۔۔۔۔۔۔۔۔۔ے صاحب غلام آخ۔۔۔۔۔۔۔ری ہے.......!!