سنگ مرمر اور سے تراشا ہوا یہ شوخ بدن

سنگ مرمر سے تراشا ہوا یہ شوخ بدن
اتنا دلکش ہے کہ اپنانے کو جی چاہتا ہے

سرخ ہونٹوں پہ بھڑکتی ہوئی یہ رنگین شراب
جس کو پی پی کہ بہک جانے کو جی چاہتا ہے

نرم سینے میں دھڑکتے ہیں وہ نازک طوفاں
جن کی لہروں میں اُتر جانے کو جی چاہتا ہے

تم سے کیا رشتہ ہے کب سے ہے یہ معلوم نہیں
لیکن اس حسن پہ مرجانے کو جی چاہتا ہے

ہم سے بہتر ہے یہ پازیب جو اس پاؤں میں ہے
اسی پازیب میں ڈھل جانے کو جی چاہتا ہے

اپنے ہاتھوں سے سنوارا ہے تمہیں قدرت نے
دیکھ کر دیکھتے رہ جانے کو جی چاہتا ہے

رکھ لے کل کے لیے یہ دوسری پازیب بھی
کل اسی بزم پھر آنے کو جی چاہتا ہے

نا معلوم