پاکستان کا آخری ٹرپ

زیک

زیک

مسافر
پسو سے ذرا شمال میں شاہراہ قراقرم کے کنارے بتورا گلیشیر آتا ہے۔ گلیشیر تو مورین (پتھروں) کے نیچے چھپا ہے لیکن اس کے پگھلنے سے یہ خوبصورت جھیل وہاں موجود ہے۔

 
زیک

زیک

مسافر
پسو میں ہم سرائے سلک روٹ رکے کہ اس کے پیچھے سے پسو گلیشیر راستہ جاتا تھا۔ اگرچہ یہ گلیشیر قراقرم ہائی وے سے بھی دور سے دیکھا جا سکتا ہے لیکن ہم کچھ قریب جانا چاہتے تھے۔

راستہ کچھ کانٹے دار تھا لیکن کافی چھوٹا اور آسان۔ ایک کلومیٹر جانا تھا۔

پسو گلیشیر قریب سے

 
زیک

زیک

مسافر


یہاں سے واپس چلے تو ایک جگہ پانی کے ساتھ چلتے پیر پھسلا۔ پکڑنے کو کچھ نہ تھا تو سیدھا ایک کانٹے دار جھاڑی پر گرا۔ بیک پیک کی وجہ سے کمر کی بچت ہو گئی لیکن ہاتھوں میں کافی کانٹے لگے۔ واپس کھڑا ہوا تو بیوی نے کپڑوں سے کانٹے صاف کئے۔ ہاتھ میں ایک دو کافی اندر گئے تھے انہیں فرسٹ ایڈ کٹ کی مدد سے نکالا۔ ہوٹل والوں سے ہاتھ دھونے کو کہا۔ انہوں نے اپنے ایک کمرے کا ریسٹ روم کھول دیا۔ وہاں ہاتھ منہ دھویا۔ چند اور کانٹے نکالے۔ پھر اپنی فرسٹ ایڈ کٹ سے الکحل وائپس سے زخم صاف کئے اور ان پر مرہم لگایا۔

پاکستان میں اکثر نوٹ کیا کہ نہ گائیڈز کے پاس کوئی فرسٹ ایڈ کا سامان ہوتا ہے نہ سیاحوں کے پاس۔ ایک چھوٹی سی فرسٹ ایڈ کی ڈبیا ہر وقت آپ کے ساتھ ہونی چاہیئے۔
 
جواب دینے کے لیے داخل ہوں یا شمولیت اختیار کریں۔
Top