سائنسی شاعری

جاسمن · مئی 22، 2019

میں نے سیکھا ہے ریاضی کے اصولوں سے
جو ناممکن ہو،اُسے فرض کر لیا جائے
محسن نقوی

مریم افتخار · مئی 22، 2019

دعویٰ بڑا ہے علم ریاضی میں آپ کو
طول شب فراق ذرا ناپ دیجئے

محمد تابش صدیقی · مئی 22، 2019

کلّیہ توحید کا معلوم جو تجھ کو نہیں
ٹھیک لگ سکتا نہیں تجھ سے حسابِ زندگی
نظرؔ لکھنوی

جاسمن · جولائی 13، 2019

اس پار سے آتا کوئی دیکھوں تو یہ پوچھوں
افلاک سے پیچھے ہوں کہ افلاک سے آگے
رفیع رضا

زیک · جولائی 13، 2019

استغفراللّٰہ

عرفان سعید · جولائی 13، 2019

زیک نے کہا:
استغفراللّٰہ

دوسرا مصرعہ؟

Gulmaily · جولائی 13، 2019

مریم افتخار نے کہا:
دعویٰ بہت بڑا ہے ریاضی میں آپ کو
طول شب فراق کو تو ناپ دیجئے

لیلی کی زلف سے رہا دور چار ہاتھ کم

Gulmaily · جولائی 13، 2019

جاسمن نے کہا:
اس پار سے آتا کوئی دیکھوں تو یہ پوچھوں
افلاک سے پیچھے ہوں کہ افلاک سے آگے
رفیع رضا

بس تھوڑا سا آگے ہیں

جاسمن · جولائی 15، 2019

ہر ایک ذرہ تھا گردش میں آسماں کی طرح
میں اپنا پاؤں زمیں پر جہاں بھی رکھتا تھا
عرفان صدیقی

سید عاطف علی · جولائی 15، 2019

عرفان سعید نے کہا:
دوسرا مصرعہ؟

نہ ہی پوچھیں۔

جاسمن · فروری 25، 2020

اک یہی دنیا بدلتی ہے فروغؔ
کیسی کیسی اجنبی دنیاؤں میں
رئیس فروغ

جاسمن · فروری 25، 2020

بدن سے جاں نکلنا چاہتی ہے
بلا اس گھر سے ٹلنا چاہتی ہے
نجیب احمد

جاسمن · فروری 25، 2020

یوں ہی آتش فشاں کب جاگتے ہیں
زمیں کروٹ بدلنا چاہتی ہے
نجیب احمد

جاسمن · فروری 25، 2020

ہواؤں میں نہیں قوت نمو کی
مگر ٹہنی تو پھلنا چاہتی ہے
نجیب احمد

جاسمن · اکتوبر 6، 2020

تمام عمر مسائل ہی حل نہیں ہوتے
ہمارا اور ریاضی کا مشترک دکھ ہے

شمشاد · اکتوبر 6، 2020

یہ ریاضی کا فارمولہ نہیں
قیمت دل کسی کو کیا معلوم

کتنا آسان ہو گیا ہوں میں
میری مشکل کسی کو کیا معلوم
(عمران شمشاد)

سیما علی · اکتوبر 6، 2020

کاش میں خود کو ریاضی کے سوالوں کی طرح
تجھ پہ تقسیم کروں، کچھ بھی نہ حاصل آئے

جمال احسانی

شمشاد · اکتوبر 6، 2020

حسابِ عمر کا اتنا سا گوشوارا ہے
تمہیں نکال کے دیکھا تو سب خسارا ہے
(امجد اسلام امجد)

سیما علی · اکتوبر 6، 2020

آئی سمجھ گھڑی قیامت کی
زلف سے ماپتے ہیں قد اپنا

(قاضی محمد عمر قضا

سیما علی · اکتوبر 6، 2020

دو منفیوں کی ضرب سے بنتی ہیں مثبتیں
تو بھی خدا کے واسطے کہہ دے نہیں‌ نہیں

شاعر نہیں معلوم