اک حرف نیم رس کی تگ و تاز دیکھنا

عباد اللہ

محفلین
اس انجمن میں صورتِ اعجاز دیکھنا
اک حرفِ نیم رس کی تگ و تاز دیکھنا
.
اس چشمِ نیم وا کا بصد ناز دیکھنا
دل تھام کر مرا سوئے دمساز دیکھنا
.
اس رشکِ حور کا غلط انداز دیکھنا
مجھ ایسے تیرہ بخت کا اعزاز دیکھنا
.
اک پیکرِ جمال کی تجسیم کے لیے
مجھ بے ہنر کی ندرتِ الفاظ دیکھنا
.
ہم کو ہے سِحر ہائے دو عالم میں آرزو
اس شمع رو کا شعلہ ء آواز دیکھنا
.
وا حسرتا کہ فکر و ہنر کا نصیب ہے
اس عہدِ کج نہاد کا اغماض دیکھنا
.
ق
ہے خود میں انہماک بھی اچھا پہ یک نظر
روئے زمیں کی حالت ناساز دیکھنا
.
کچھ چاک میں کمی تھی خدایا کہ خاک میں؟
اس واقعے کو از سر آغاز دیکھنا
.
ہم کو بھی شک نظامِ خدایانِ زر پہ ہے
دب جائے کب ہماری بھی آواز دیکھنا
عباد اللہ
 

عباد اللہ

محفلین
اس رشکِ حور کا غلط انداز دیکھنا
مجھ ایسے تیرہ بخت کا اعزاز دیکھنا

واہ
شکریہ
بھئی واہ، بہت خوب، مطلع ہی کمال کا ہے۔
:redheart:
ارشد چوہدری بھائی، ہم اکیلے ہی بادہء نوش نہیں میخانے میں


دونوں احباب نے شاید مومن کی زمیں میں طبع آزمائی کی ہے
مومن - غیروں پہ کھل نہ جائے کہیں راز دیکھنا
مومن ہی کی زمین برباد کی ہے :waiting:
 
وا حسرتا کہ فکر و ہنر کا نصیب ہے
اس عہدِ کج نہاد کا اغماض دیکھنا

بہت خوب عباد عمدہ
 
آخری تدوین:
Top