آپ کے پسندیدہ اشعار!

زیرک · دسمبر 13، 2018

یہ رہِ عشق ہے اور عشق میں یونس تحسین
گردنیں توڑتے پھندے نہیں دیکھے جاتے
یونس تحسین

زیرک · دسمبر 13، 2018

خبر نہیں ابھی دنیا کو میرے سانحے کی
سو اپنے آپ سے کرتا ہوں تعزیت اپنی
انجم سلیمی

رباب واسطی · دسمبر 13، 2018

اس شرط پہ جو لیجئیے ' تو حاضر ہے دل ابھی
"رنجش" نہ ہو ،" فریب" نہ ہو ، " امتحان" نہ ہو

رباب واسطی · دسمبر 13، 2018

ہر چند نظر نے جھیلے ہیں ہر بار سنہرے گھاؤ بھی
ہم آج بھی دھوکا کھا لیں گے، تم بھیس بدل کر آؤ تو

رباب واسطی · دسمبر 13، 2018

آتا ہے جسے رسم محبت کا وظیفہ
چلتا نہیں اس پر غم حالات کا جادو

رباب واسطی · دسمبر 13، 2018

اپنی اذاں تو کوئی مؤذن نہ سن سکا
کانوں پہ ہاتھ رکھے ہوئے بولتا رہا

رباب واسطی · دسمبر 13، 2018

یوں ہی دشمن نہیں در آیا مرے آنگن میں
دھوپ کو راہ ملی پیڑ کی عریانی سے

سلیم کوثر

زیرک · دسمبر 13، 2018

وہ مسیحا نہ بنا، ہم نے بھی خواہش نہیں کی
اپنی شرطوں پہ جیے اس سے گزارش نہیں کی

زیرک · دسمبر 13، 2018

اس نے اک روز کیا ہم سے اچانک وہ سوال
دھڑکنیں تھم سی گئیں وقت نے جنبش نہیں کی

زیرک · دسمبر 13، 2018

آج تو خواہش کہ چھلک جائے یہ پیمانۂ صبر
ہم تو ہاتھوں میں کئی جام لیے بیٹھے ہیں

زیرک · دسمبر 13، 2018

اگر وہ پوچھ لیں ہم سے، تمہیں کس بات کا غم ہے؟
تو پھر کس بات کا غم ہے، اگر وہ پوچھ لیں ہم سے

رباب واسطی · دسمبر 14، 2018

زندہ رہنے کے بہانے ڈھونڈیں
آؤ کچھ دوست پرانے ڈھونڈیں

زیرک · دسمبر 14، 2018

کہاں گئے وہ شناسا، وہ اجنبی چہرے
اجاڑ سی نظر آتی ہے ہر گلی اب تو

زیرک · دسمبر 14، 2018

تری کمی سے بکھرنے لگا ہے شیرازہ
تُو آئے گا تو تجھے ٹوٹ کر گلے ملیں گے
اسامہ خالد

محمد عدنان اکبری نقیبی · دسمبر 14، 2018

ممکن ہے کہ اب بھی ہونٹوں پر کوئی بھولا بسرا شعلہ ہو
میں جلتے جلتے راکھ ہوا لہجہ مدھم کرنے کے لیے

ساقی فاروقی

زیرک · دسمبر 14، 2018

یادیں

تنہائی کا اک اور مزہ لوٹ رہا ہوں
مہمان مرے گھر میں بہت آئے ہوئے ہیں

محمد عدنان اکبری نقیبی · دسمبر 14، 2018

حیرانی میں ہوں آخر کس کی پرچھائیں ہوں
وہ بھی دھیان میں آیا جس کا سایہ کوئی نہ تھا

ساقی فاروقی

زیرک · دسمبر 14، 2018

بادل تو بہت ہیں، مگر اس شہر میں ہم نے
آنکھوں کے سوا کچھ بھی برستے نہیں دیکھا

زیرک · دسمبر 14، 2018

ہر شخص دوڑتا ہے یہاں بِھیڑ کی طرف
پھر یہ بھی چاہتا ہے اسے راستہ ملے
وسیم بریلوی

رباب واسطی · دسمبر 14، 2018

‏تم کسی اور تجسُس میں پڑے ہو ورنہ
آئینہ دیکھنے والے تو سُدھر جاتے ہیں