محبت کے موضوع پر اشعار!

زیرک

محفلین
اپنے اشعار شئر کریں۔
میں خود شاعر نہیں ہوں
صرف تبصرہ مت کریں ساتھ میں موضوع کی مناسبت سے کوئی شعر شامل کر دیا کریں
سن لیں گے چلو ہم بھی کچھ افکارِ محبت
یاں جاری و ساری ہے جو گفتارِ محبت
 

جان

محفلین
آنکھیں جو اٹھائے تو محبت کا گماں ہو
نظروں کو جھکائے تو شکایت سی لگے ہے
جاں نثار اختر
 

زیرک

محفلین
عشق میں دنیا گنوائی ہے نہ جاں دی ہے فراز
پھر بھی ہم اہلِ محبت کی مثالوں میں رہے
احمد فراز
 

زیرک

محفلین
مہرباں بھی ہیں محبت بھی ہے ان کو ہم سے
لوگ کہتے ہیں، مگر ہم کو پتا کچھ بھی نہیں
ابن انشا​
 

زیرک

محفلین
ابتدا وہ تھی کہ جینا تھا محبت میں محال
انتہا یہ ہے کہ اب مرنا بھی مشکل ہو گیا
جگر مراد آبادی​
 

زیرک

محفلین
بہت مشکل زمانوں میں بھی ہم اہلِ محبت
وفا پر عشق کی بنیاد رکھنا چاہتے ہیں
افتخار عارف​
 
Top