نعتَ رسول برائے اصلاح

افاعیل --مفاعلاتن مفاعلاتن مفاعلاتن مفاعلاتن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نبی ہمارے اگر نہ ہوتے کبھی یہ سارا جہاں نہ ہوتا
کبھی یہ دنیا بنی نہ ہوتی کبھی یہ سارا سماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدا نے ہم سے یہی کہا ہے نبی کی خاطر جہاں بنایا
اگر ہمارے نبی نہ ہوتے کبھی یہ کون و مکاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمیں ملی ہے یہ زندگی ہم خدا کی اپنے کریں عبادت
نبی نے ہم کو یہی بتایا خدا تو ورنہ عیاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ علم و حکمت کی روشنی تو ملی ہے ہم کو نبی سے اپنے
یہاں جہالت کا راج ہوتا یہ علم سارا یہاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نبی ہمارا خدا کی رحمت ملی ہمیں جو خدا سے اپنے
نبی کے دم سے جہاں میں رونق یہاں تو ایسا سماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفا کا ارشد یہی تقاضا رہے محبّت نبی کی دل میں
نبی کی خاطر بنا ہے سب کچھ نبی نہ ہوتے جہاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک مشہور حدیثِ قدسی ( لو لاک لما )یعنی اللہ کا نبی علیہ السلام سے یہ فرمانا کہ اے نبی اگر میں آپ کو نہ بناتا تو یہ زمین و آسمان بھی نہ بناتا

چودھری صاحب السلام علیکم !

آپ کے کلام میں دن بدن نکھار آرہا ہے ماشاء اللہ اور اس میں دخل ہے الف عین صاحب کی کاوشوں کا-اللہ ان کو جزائے خیر دے کہ ہر طرح کے کلام پہ مستقل مزاجی سے فوری اصلاحیں پیش کر دیتے ہیں -میں بھی کبھی کبھی متبادل تجاویز دے دیا کرتا ہوں مگر جب طبع مائل ہو اور تجویز دینا آسان بھی ہو - سو حاضر خدمت ہوں :

نبی ﷺہمارے اگر نہ ہوتے کبھی یہ سارا جہاں نہ ہوتا
کبھی یہ دنیا بنی نہ ہوتی کبھی یہ سارا سماں نہ ہوتا

آپ کہنا چاہتے تھے "یہ سارا جہاں کبھی نہ ہوتا " اور کہہ گئے " کبھی یہ سارا جہاں نہ ہوتا " -دونوں کے مفاہیم میں فرق ہے -مثالیں دیکھیں :

• "تم کبھی نہ ہوتے' میں کبھی نہ ہوتا " ایک صورت جملے کی
• "کبھی تم نہ ہوتے 'کبھی میں نہ ہوتا "دوسری صورت

فرق صاف ظاہر ہے پہلے جملے میں بالکل نفی ہے ہمارے ہونے کی جبکہ دوسرے جملے میں نفی کے ساتھ ساتھ ہمارے ہونے کا اثبات بھی ہے -

نبی ﷺ ہمارے اگر نہ ہوتے' بنا یہ سارا جہاں نہ ہوتا
نہ ہوتے دنیا و مافیہا سب 'یہ خوبصورت سماں نہ ہوتا

ارشد چوہدری نے کہا:

خدا نے ہم سے یہی کہا ہے نبی ﷺکی خاطر جہاں بنایا
اگر ہمارے نبی ﷺ نہ ہوتے کبھی یہ کون و مکاں نہ ہوتا

مزید نمائش کے لیے کلک کریں۔۔۔

واہ -یہاں کبھی ٹھیک لگ رہا ہے کیونکہ ایک ہی بار ہے -

ارشد چوہدری نے کہا:

یہ علم و حکمت کی روشنی تو ملی ہے ہم کو نبی ﷺسے اپنے
یہاں جہالت کا راج ہوتا یہ علم سارا یہاں نہ ہوتا

مزید نمائش کے لیے کلک کریں۔۔۔

ٹھیک

ارشد چوہدری نے کہا:

نبی ہمارا خدا کی رحمت ملی ہمیں جو خدا سے اپنے
نبی کے دم سے جہاں میں رونق یہاں تو ایسا سماں نہ ہوتا

مزید نمائش کے لیے کلک کریں۔۔۔

نبی ﷺہمارے سراپا رحمت عطا کئے ہیں خدا نے ہم کو
نبی ﷺکے دم سے جہاں میں رونق وگرنہ ایسا سماں نہ ہوتا(نہ ہوتے وہ یہ سماں نہ ہوتا )

ارشد چوہدری نے کہا:

وفا کا ارشد یہی تقاضا رہے محبّت نبی کی دل میں
نبی کی خاطر بنا ہے سب کچھ نبی نہ ہوتے جہاں نہ ہوتا

مزید نمائش کے لیے کلک کریں۔۔۔

ٹھیک-

اب میں یاسر شاہ کی اصلاح کروں؟
یاسر نے روانی بھی بہتر کر دی ہے، لیکن کچھ کمی یا خامی جہاں رہ گئی ہے، اسے دیکھ رہا ہوں
نہ ہوتے دنیا و مافیہا سب 'یہ خوبصورت سماں نہ ہوتا
ما فیہا کی ی گر کر ناگوار لگ رہی ہے۔
نہ چاند ہوتا، نہ تارے ہوتے
بہار ہوتی، نہ پھول ہوتے
یا اس قسم کا کوئی مصرع بہتر رہے گا

خدا نے ہم سے یہی کہا ہے نبی ﷺکی خاطر جہاں بنایا
اگر ہمارے نبی ﷺ نہ ہوتے کبھی یہ کون و مکاں نہ ہوتا
... یاسر نے تو قبول کر لیا ہے اسے لیکن مجھے 'کبھی' پسند نہیں آیا 'تو پھر' سے بات زیادہ واضح ہوتی ہے

ہمیں ملی ہے یہ زندگی ہم خدا کی اپنے کریں عبادت
نبی نے ہم کو یہی بتایا خدا تو ورنہ عیاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عیاں؟ خدا کی آیات تو ہر جگہ نمایاں ہیں۔ اور یہ تو قرآن میں موجود ہے کہ اس نے انسانوں اور جنوں کو صرف اپنی عبادت کے لیے بنایا ہے! اس کی عبادت سے عیاں ہو یہ بات سمجھ میں نہیں آ سکی

یہ علم و حکمت کی روشنی تو ملی ہے ہم کو نبی سے اپنے
یہاں جہالت کا راج ہوتا یہ علم سارا یہاں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

نبی ہمارا خدا کی رحمت ملی ہمیں جو خدا سے اپنے
نبی کے دم سے جہاں میں رونق یہاں تو ایسا سماں نہ ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یاسر کا مشورہ
نبی ﷺہمارے سراپا رحمت عطا کئے ہیں خدا نے ہم کو
نبی ﷺکے دم سے جہاں میں رونق وگرنہ ایسا سماں نہ ہوتا
پہلا مصرع بہتر ہے لیکن دوسرے میں بات پوری نہیں ہوتی، یوں کہیں
نبی ﷺکے دم سے جہاں میں رونق ہے، ورنہ ایسا سماں نہ ہوتا

وفا کا ارشد یہی تقاضا رہے محبّت نبی کی دل میں
نبی کی خاطر بنا ہے سب کچھ نبی نہ ہوتے جہاں نہ ہوتا
... یہ ہے تقاضا وفا کا ارشد
سے شاید بات مکمل ہو جائے
نبی کا لفظ بھی کئی بار دہرایا گیا ہے
انہیں کی خاطر.. ... کیا جا سکتا ہے

دونوں اساتذہ کا بے حد مشکور ہوں مشوروں کے مطابق تبدیلیاں کر لوں گا

الف عین نے کہا:

اب میں یاسر شاہ کی اصلاح کروں؟

مزید نمائش کے لیے کلک کریں۔۔۔

بالکل کریں کہ بقول جون ایلیا :

مجھ کو تو کوئی ٹوکتا ہی نہیں
یہی ہوتا ہے خاندان میں کیا؟

ارشد چوہدری نے کہا:

دونوں اساتذہ کا بے حد مشکور ہوں مشوروں کے مطابق تبدیلیاں کر لوں گا

مزید نمائش کے لیے کلک کریں۔۔۔

چودھری صاحب استاد الف عین صاحب ہیں -ظاہر ہے ان کا تجربہ زیادہ ہے اور جب ان کی شاعری کا آغاز ہوا تھا ہم ہنوز اپنے والد کے پاس تھے- ان کی آراء کے مطابق تبدیلی کریں -ہم ان کے معاون و مددگار ہیں -کبھی کبھی رائے مختلف بھی ہوسکتی ہے سو بڑی بات نہیں -

نذرانہ عقیدت بحضور تاجدار کائنات صلی اللہ علیہ و آلہ وبارک وسلم


اربوں کھربوں درود ہوں اُن پر، اربوں کھربوں سلام ہوں اُن پر

یا اللہ تیری کبریائی ہے، ہر سمت تیری ہی بڑائی ہے
اُن پہ تو بھی درود پڑھتا ہے، جن کے صدقے یہ سب خدائی ہے

تو نے یہ بات جو بتائی ہے، اِس کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

جتنے بادل ہیں اب تلک برسے، ہیں سمندر میں جتنے بھی قطرے
جتنے صحرائوں میں ہیں سب ذرے، جتنے منظر بھی آنکھ نے دیکهے

جتنی تعداد میں بھی جو کچھ ہے، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

جتنی تاروں کی جھلملاہٹ ہے، جو ہوائوں کی سرسراہٹ ہے
یہ جو پتوں کی کهڑکهڑاہٹ ہے، یا پرندوں کی چہچہاہٹ ہے

پس کہیں پر بھی کوئی آہٹ ہے، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

جتنی اب تک ہوئی ہیں تسبیحیں، جو بھی اب تک ہوئی ہیں تحمیدیں
جتنی اب تک ہوئی ہیں تکبیریں، یا جو اب تک ہوئی ہیں تہلیلیں

جتنے اذکار بھی لبوں پر ہیں، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

منظر آنکھوں میں ہے قیامت کا، ہر طرف تیری بادشاہت کا
لمحہ ہوگا میری ندامت کا، آسرا ہوگا اک شفاعت کا

تیرے محبوب کی عنایت کا، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

السلام علیکم ورحمتہ اللہ وبرکاتہ۔
ایک نعت شریف پیش خدمت ہے۔ محترم الف عین صاحب نے کرم فرما کر غلطیوں کی نشاندہی کی ہے۔ کچھ میں نے ٹھیک کرلی ہیں اور کچھ باقی ہیں۔ ان کا حکم تھا کہ محفل میں پیش کروں تاکہ سب ہدایت پائیں۔

نذرانہ عقیدت بحضور تاجدار کائنات صلی اللہ علیہ و آلہ وبارک وسلم

اربوں کھربوں درود ہوں اُن پر، اربوں کھربوں سلام ہوں اُن پر

یا خدا تیری کبریائی ہے، ہر طرف تیری ہی بڑائی ہے
تو بھی اُن پہ درود پڑھتا ہے، جن کے صدقے یہ سب خدائی ہے

تو نے یہ بات جو بتائی ہے، اِس کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

جتنے بادل ہیں اب تلک برسے، ہیں سمندر میں جتنے بھی قطرے
جتنے صحرائوں میں ہیں سب ذرے، جتنے منظر بھی آنکھ نے دیکهے

جتنی تعداد میں بھی جو کچھ ہے، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

جتنی تاروں کی جھلملاہٹ ہے، جو ہوائوں کی سرسراہٹ ہے
یہ جو پتوں کی کهڑکهڑاہٹ ہے، یا پرندوں کی چہچہاہٹ ہے

پس کہیں پر بھی کوئی آہٹ ہے، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

جتنی اب تک ہوئی ہیں تسبیحیں، جو بھی اب تک ہوئی ہیں تحمیدیں
جتنی اب تک ہوئی ہیں تکبیریں، یا جو اب تک ہوئی ہیں تہلیلیں

جتنے اذکار بھی لبوں پر ہیں، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر

منظر آنکھوں میں ہے قیامت کا، ہر طرف تیری بادشاہت کا
لمحہ ہوگا مری ندامت کا، آسرا ہوگا اک شفاعت کا

تیرے محبوب کی عنایت کا، سب کے بدلے مدام ہوں اُن پر
اربوں کھربوں درود ہوں اُن پر، اربوں کھربوں سلام ہوں اُن پر