عقیدتوں کے مدینے کا تاجدار درود - سید شاکر القادری چشتی نظامی

الف نظامی

لائبریرین
عقیدتوں کے مدینے کا تاجدار درود
عبادتوں کے قرینے کا اعتبار درود

"زہے نصیب کہ بزم فروغ نعت میں ہوں"
برنگِ شعر زباں پر ہے کیف بار درود

سجی ہے آج درود و سلام کی محفل
ہزار بار سلام اور صد ہزار درود

سلام چہرۂ انور پہ نور بار سلام
درود گیسوئےمشکیں پہ مشک بار درود

سلام گوشۂ ابرو پہ دلنشین سلام
درود عارضِ تاباں پہ گلعذار درود

سلام جنبشِ انگشتِ مہ شکن پہ سلام
درود دست سخا پر ہزار بار درود

خرامِ صبحِ محمدؐ پہ پُر خرام سلام
قیامِ لیلِ محمدؐ پہ استوار درود

عجب ہے خندہ نیمہ لبی کی رعنائی
تبسمِ ملکوتی پہ لالہ زار درود

دمِ تبسمِ قدسی وہ جھانکتے موتی
درود سلکِ جواہر پہ آبدار درود

اگر نہ آل محمد کا ذکر ہو اس میں
نگاہِ مصطفویؐ میں ہے بے وقار درود

سلام تشنہ لبانِ فرات پر ہر دم
شہیدِ کرب و بلا پر ہو اشکبار درود

سلام زینبؐ و کلثومؐ کی رداؤں پر
درود پردہ نشینوں پہ پردہ دار درود

سلام چھوٹے علیؓ کی بڑی شہادت پر
درود ننھی سکینہؓ پہ بے قرار درود

سلام راکبِ دوشِ نبی پہ نازاں ہے
سوارِ نیزہ پہ کرتا ہے افتخار درود

سلام قافلے والوں کی بے نوائی پر
درود عابدؓ بیمار پر ہزار درود

حسنؓ ، حسینؓ ، علیؓ اور سیدہ زھراؓ
نبیؐ کے سارے گھرانے پہ بیشمار درود

وفورِ جوشِ مودّت سے بھیجیے شاکرؔ
ریاضِ آلِ محمد پہ بربہار درود

(سیّد شاکر القادری چشتی نظامی)

 
عقیدتوں کے مدینے کا تاجدار درود
عبادتوں کے قرینے کا اعتبار درود

"زہے نصیب کہ بزم فروغ نعت میں ہوں"
برنگِ شعر زباں پر ہے کیف بار درود

سجی ہے آج درود و سلام کی محفل
ہزار بار سلام اور صد ہزار درود

سلام چہرۂ انور پہ نور بار سلام
درود گیسوئےمشکیں پہ مشک بار درود

سلام گوشۂ ابرو پہ دلنشین سلام
درود عارضِ تاباں پہ گلعذار درود

سلام جنبشِ انگشتِ مہ شکن پہ سلام
درود دست سخا پر ہزار بار درود

خرامِ صبحِ محمدؐ پہ پُر خرام سلام
قیامِ لیلِ محمدؐ پہ استوار درود

عجب ہے خندہ نیمہ لبی کی رعنائی
تبسمِ ملکوتی پہ لالہ زار درود

دمِ تبسمِ قدسی وہ جھانکتے موتی
درود سلکِ جواہر پہ آبدار درود

اگر نہ آل محمد کا ذکر ہو اس میں
نگاہِ مصطفویؐ میں ہے بے وقار درود

سلام تشنہ لبانِ فرات پر ہر دم
شہیدِ کرب و بلا پر ہو اشکبار درود

سلام زینبؐ و کلثومؐ کی رداؤں پر
درود پردہ نشینوں پہ پردہ دار درود

سلام چھوٹے علیؓ کی بڑی شہادت پر
درود ننھی سکینہؓ پہ بے قرار درود

سلام راکبِ دوشِ نبی پہ نازاں ہے
سوارِ نیزہ پہ کرتا ہے افتخار درود

سلام قافلے والوں کی بے نوائی پر
درود عابدؓ بیمار پر ہزار درود

حسنؓ ، حسینؓ ، علیؓ اور سیدہ زھراؓ
نبیؐ کے سارے گھرانے پہ بیشمار درود

وفورِ جوشِ مودّت سے بھیجیے شاکرؔ
ریاضِ آلِ محمد پہ بربہار درود

(سیّد شاکر القادری چشتی نظامی)

 
نہ کلیم کا تصور نہ خیال طور سینا
میری آرزو محمد ﷺ مری جستجو مدینہ
Na Kaleem ka tasawur na Khayal-e-Toor-e-Sina
Meri arzoo MUHAMMAD(SAWW), Meri arzoo Madinah

میں گدائے مصطفٰی ﷺ ہوں مری عظمتیں نہ پوچھو
مجھے دیکھ کر جہنم کو بھی آ گیا پسینہ
Main gadae-e-MUSTAFA hoon meri azmatei'N na pocho
Mujhe daikh ker jahanum ko bhi aa giya paseena

مجھے دشمنوں نہ چھیڑو مرا ہے جہاں میں کوئی
میں ابھی پکار لوں گا نہیں دور ہے مدینہ
Mujhe dushmanoo na chairro mera hai JahaN mein Koi
Main abhi pukaar lou'N ga, Nahi door hai Madinah

میں مریضِ مصطفٰی ﷺ ہوں مجھے چھیڑو نہ طبیبو
مری زندگی جو چاہو، مجھے لے چلو مدینہ
Main mareez-e-MUSTAFA hoon mujhe chairro na tabeebo
Meri zindagi jo chaho Mujhe ley chalo Madinah

مرے ڈوبنے میں باقی نہ کوئی کسر رہی تھی
کہا المدد محمد ﷺ تو اُبھر گیا سفینہ
Meray doobnay mein baqi na koi kasr rahi thi
Kaha Almadad MUHAMMAD(SAWW) to ubhar gaya safeenah

سِوا اس کے میرے دل میں، کوئی آرزو نہیں ہے
مجھے موت بھی جو آئے، تو ہو سامنے مدینہ
Siwa iss key meray dil mein koi arzoo nahi hai
Mujhe maut bhi jo aaye to ho samnay Madinah

کھبی اے شکیل دل سے، نہ مِٹے خیالِ احمد ﷺ
اِسی آرزو میں مرنا اِسی آرزو میں جینا
Kabhi aye Shakeel dil sey nah mittay Khayal-e-AHMED
Issi arzoo mein marna issi arzoo meiN jeena !!

شاعر: شکیل بدیوانی (شکیل احمد قادری)
Poet: Shakeel Badayuni (Shakeel Ahmed Qadri)
 
اَللّٰھُمَّ صَلِّ وَ سَلِّمْ وَ بَارِکْ عَلٰی سَیِّدِنَا وَ مَوْلٰنَا مُحَمَّدٍ مَعْدَنِ الْجُوْدِ وَالْکَرَمْ وَعَلٰی اٰلِہٖ وَ صَحْبِہٖ اَجْمَعِیْن۔
 
Top