شور تو ہےمگر مُبہم سا ہے ۔۔۔ اصلاح طلب (زنیرہ عقیل)

عظیم نے کہا:

اگر آپ نے 'فاعلاتن مفاعلن فعلن' بحر کا انتخاب کیا ہے تو یہ مصرع بحر سے خارج ہیں ۔

///شور تو ہے مگر مبہم سا ہے
///نہ ہی رشتوں میں شناسائی ہے

دوسرے مصرع کو یوں درست کیا جا سکتا ہے ۔

نہ ہی رشتوں میں ہے شناسائی ۔

مزید نمائش کے لیے کلک کریں۔۔۔

عظیم نے کہا:

اب تو لفظوں میں زیرو بم سا ہے
اور آنکھوں میں تھوڑانم سا ہے
///مطلع سمجھ میں نہیں آ سکا، لفظوں میں زیر و بم اور آنکھوں میں نم کا آپس میں کوئی ربط محسوس نہیں ہو رہا ۔

جانے یہ کیسا دور آیا ہے
مسکرانے میں ایک غم سا ہے
///دونوں مصرعوں کا اختتام 'ہے' پر ہو رہا ہے جو اچھا نہیں لگتا ۔
÷÷جانے یہ کیسا دور آ پہنچا
بہتر رہے گا ۔

نہ ہی رشتوں میں ہے شناسائی
اور قرابت میں ایک خم سا ہے
///پہلے مصرع بے معنی لگ رہا ہے، میں نے بھی صرف وزن پورا کرنے کے لیے یہ صورت ترتیب دے دی تھی، رشتوں میں شناسائی کچھ جچ نہیں رہا ۔

وہ جو اپنے تھے غیر ہیں سارے
غیر رشتوں میں کچھ تو دم سا ہے
///وہ جو اپنے تھے غیر بن بیٹھے ۔
اور دوسرے مصرع میں 'غیر رشتوں' بھی اچھا نہیں لگ رہا ۔

اب نہ احساس ہے کسی کو "گُل"
دل تو ہے پر دِلِ صنم سا ہے
///مجھے لگ رہا ہے کہ پہلے مصرع میں کس چیز کا احساس نہیں ہے، اس بات کی کمی ہے، شاید اس طرح بہتر ہوتا کہ 'اب کسی کو کسی کا احساس نہیں ہے' ، اور دوسرے مصرع میں'پر' کی جگہ 'لیکن' استعمال کریں کہ یہ زیادہ فصیح ہے، جیسے ۔
///دل ہے لیکن دلِ صنم سا ہے

مزید نمائش کے لیے کلک کریں۔۔۔

زنیرہ عقیل نے کہا:

بہت بہت شکریہ
ایک بات تو میری سمجھ میں آگئی کہ شاعری میرے بس کی بات نہیں

مزید نمائش کے لیے کلک کریں۔۔۔

الف عین نے کہا:

نہیں زنیرہ عقیل بیٹا۔ یہ بات غلط ہے۔ عظیم نے اچھے مشورے دئے ہیں، یہ نہیں کہا کہ درست نہیں، محض یہ کہا کہ 'اس طرح بہتر ہے'۔ اور یہ بہتر الفاظ ہر شخص پہچان سکتا ہے اگر جلد بازی میں جو پہلی بار مصرع سوجھے، اسی کو قبول کر لیا جائے تو ممکن ہے کہ شاعر دوسروں پر ہی منحصر ہو جائے کہ اصلاح کرنے والے ہی بہتر مصرع کا مشورہ دے دیں گے۔ ہر مصرع کے کئی کئی متبادل سوچنے چاہئیں، پھر بہترین کو قبول کر لیا جائے، یہی درست اپروچ ہے۔

مزید نمائش کے لیے کلک کریں۔۔۔

زنیرہ عقیل نے کہا:

شور تو ہےمگر مُبہم سا ہے
اور آنکھوں میں تھوڑانم سا ہے
جانے یہ کیسا دور آیا ہے
مسکرانے میں ایک غم سا ہے
نہ ہی رشتوں میں شناسائی ہے
اور قرابت میں ایک خم سا ہے
اب نہ احساس ہے کسی کا "گُل"
دل تو ہے پر دِلِ صنم سا ہے

زنیرہ گُل

مزید نمائش کے لیے کلک کریں۔۔۔