السلام علیکم!
محترم
حمیر یوسف صاحب!
اردو محفل پر تصاویر اپلوڈ نہیں کی جاسکتیں۔ کیونکہ اگر اس بات کی اجازت دی گئی تو اس کام کے لیے پھر بہت زیادہ سپیس کا بھی تقاضا ہوگا اور پھر خرچہ بھی بڑھے گا۔ اس لیے تصاویر اپلوڈ کرنے کی اجازت نہیں دی گئی۔
اگر آپ کو فوٹو بکٹ ویب سائٹ پر تصویر اپلوڈ کرنی مشکل محسوس ہوتی ہے تو آپ کوئی بھی دوسری ویب سائٹ استعمال کرسکتے ہیں جو کہ تصاویر اپلوڈ کرنے کی سہولت مہیا کرتی ہے۔ گوگل پر تلاش کریں تو بہت سی ایسی ویب سائٹس مل جائیں گی۔ اگر آپ نے گوگل کا بلاگ سپاٹ استعمال کیا ہے تو اسے بھی تصاویر اپلوڈ کرنے کے لیے استعمال کرسکتے ہیں۔ اس کے علاوہ فیس بک پر بھی تصویر اپلوڈ کرکے شیئر کرسکتے ہیں۔
اور جہاں تک بات ہے سائنسی تصاویر کی یا ایسی تصاویر کی جو پہلے ہی کسی ویب سائٹ پر اپلوڈ ہوں تو انہیں دوبارہ سے اپلوڈ کرنے کے بجائے براہ راست اسی تصویر کو اردو محفل پر تصویر والے بٹن سے شیئر کردیں۔
اس کام کے لیے اس تصویر کا ربط کاپی کریں۔ اردو محفل پر تصویر شامل کرنے والے بٹن پر کلک کریں۔ کھلنے والے باکس میں ربط پیسٹ کریں اور تصویر داخل کردیں۔
امید ہے وضاحت ہوگئی ہوگی۔۔ اگر مزید کچھ پوچھنا چاہیں تو بندہ حاضر ہے۔
والسلام!
