فارسی شاعری می رقصم - شیخ عثمان مروَندی معروف بہ لال شہباز قلندر کی غزل

الف نظامی نے کہا:

یہ بھی ملاحظہ ہو:

بہ گردِ مرکزِ خود صورتِ پرکار می رقصم
محیطِ بے کرانم من قلندر وار می رقصم

چو اندر این وجودے خود مقامِ یار می بینم
ہزاراں پردہا چاکم ہزاراں‌ بار می رقصم

منم بے تاب و بے صبرم قتیلِ نظرِ‌ بے باکم
بچشمِ شوخِ آں‌ شوخے پئے دیدار می رقصم

حیائے شانِ بے چُونم متاعِ کنز مخفی ام
ز انوارِ تجلائے سرِ بازار می رقصم

اگرچہ رشتہ جانے و جاناں سر پنہانم
خوشا آں حلقہ گیسو کہ من بردار می رقصم

جلائے آبِ شمشیرم ضیائے درِ مکنونم
سراپا کیف و مستی ام قلندر دار می رقصم

ولی را خود نمی دانم نثارِ‌لذت ہوئم
اگرچہ لامکاں دارم پئے اظہار می رقصم

از ولی الدین

مزید نمائش کے لیے کلک کریں۔۔۔

سید لبید غزنوی نے کہا:

لاجواب۔۔۔۔۔دادی ماں ہاجرہ یاد آگئیں ۔۔۔فارسی سے بہت لگاؤ تھا اور ہماری پھوپھیاں ان سے پڑھا کرتی تھیں اور پھر غزلیں ہمارے کانوں میں اپنی رس گھولتی آواز میں ڈالتی تھیں ۔۔۔سمجھ تو آتی نہیں تھی ۔۔خیر تھوڑی سی کوشش کرلیتے ہیں ہم بھی اب فارسی کو پڑھنے کی ۔۔۔

مزید نمائش کے لیے کلک کریں۔۔۔

سید شہزاد ناصر نے کہا:

اوپر جو پوسٹ ہے اس میں لکھا ہے کہ لال شہباز قلندر کا کلام پیش کیا جائے مطلب کہ عثمان مروندی کا،لیکن سب نے عثمان ھارونی کا کلام لکھا ہے ذرا غور کیجئے گا​

مزید نمائش کے لیے کلک کریں۔۔۔

طارق شاہ نے کہا:

یہ عثمان ہارونی کا کلام ہے نہ کہ عثمان مروندی کا۔عثمان ہارونی وہ ہے جن کا قبر مکہ میں ہے۔اور لال شہباز قلندر یعنی عثمان مروندی ان کا مزار سندھ میں ہے۔بہر حال یہ کلام عثمان ہارونی کا ہے۔

مزید نمائش کے لیے کلک کریں۔۔۔

محمد وارث نے کہا:

شیخ سید عثمان شاہ مروَندی علیہ الرحمہ معروف بہ لال شہباز قلندر ایک جلیل القدر صوفی ہیں اور انکے نامِ نامی کی شہرت عالم گیر ہے۔ انکی ایک غزل بہت مشہور ہے جس کی ردیف 'می رقصم' ہے، اس غزل کا کچھ تذکرہ مولانا رومی کی ایک غزل جس کی ردیف 'می گردم' ہے لکھتے ہوئے بھی آیا تھا۔ اس وقت سے میں اس غزل کی تلاش میں تھا لیکن افسوس کہ نیٹ پر مکمل غزل کہیں نہیں ملی بلکہ اکا دکا اشعار ادھر ادھر بکھرے ہوئے ملے۔ کتب میں بھی تلاش کیا لیکن نہیں ملی۔

اس سلسلے میں ایک عرض یہ کرونگا کہ بعض مشہور و معروف غزلیات جو صدیوں سے زبان زد عام ہیں، کتب میں نہیں ملتیں، مثلاً امیر خسرو علیہ الرحمہ کی نعت، نمی دانم چہ منزل بود شب جائے کہ من بودم، انکی غزلیات کے پانچوں دیوانوں میں نہیں ہے (بحوالہ خسرو شیریں بیاں از مسعود قریشی، لوک روثہ اشاعت گھر، اسلام آباد) اسی طرح مولانا رومی کی مذکورہ غزل، نہ من بیہودہ گردِ کوچہ و بازار می گردم، انکی غزلیات کے دیوان 'دیوانِ شمس' میں موجود نہیں ہے، مولانا کے یہ کلیات ایران میں تصحیح کے ساتھ شائع ہو چکے ہیں اور اسی دیوانِ سمش کا آن لائن ورژن ویب پر بھی موجود ہے، جس میں یہ غزل موجود نہیں ہے اور اسی طرح شیخ عثمان کی مذکورہ غزل بھی کہیں نہیں ملتی لیکن عام طور سے یہی مشہور ہے کہ یہ غزل شیخ عثمان کی ہے۔ اس غزل کے چار اشعار مجھے ویب سے ملے تھے، باقی اشعار نصرت فتح علی خان قوال کی گائی ہوئی ایک قوالی (امیر خسرو کی نعت نمی دانم) سے ملے ہیں اور یوں سات اشعار کی ایک غزل بہرحال بن گئی ہے جو احباب کی خدمت میں پیش کر رہا ہوں، مجھے پورا یقین ہے کہ اس غزل کے مزید اشعار بھی ہونگے، بہرحال تلاش جاری ہے۔

غزل پیشِ خدمت ہے۔

نمی دانم کہ آخر چوں دمِ دیدار می رقصم
مگر نازم بہ ایں ذوقے کہ پیشِ یار می رقصم

نہیں جانتا کہ آخر دیدار کے وقت میں کیوں رقص کر رہا ہوں، لیکن اپنے اس ذوق پر نازاں ہوں کہ اپنے یار کے سامنے رقص کر رہا ہوں۔

تو ہر دم می سرائی نغمہ و ہر بار می رقصم
بہ ہر طرزِ کہ می رقصانیَم اے یار می رقصم

تو جب بھی اور جس وقت بھی نغمہ چھیڑتا ہے میں اسی وقت اور ہر بار رقص کرتا ہوں، اور جس طرز پر بھی تو ہمیں رقص کرواتا ہے، اے یار میں رقص کرتا ہوں۔

تُو آں قاتل کہ از بہرِ تماشا خونِ من ریزی
من آں بسمل کہ زیرِ خنجرِ خوں خوار می رقصم

تُو وہ قاتل کہ تماشے کیلیے میرا خون بہاتا ہے اور میں وہ بسمل ہوں کہ خوں خوار خنجر کے نیچے رقص کرتا ہوں۔

بیا جاناں تماشا کن کہ در انبوہِ جانبازاں
بہ صد سامانِ رسوائی سرِ بازار می رقصم

آجا جاناں اور دیکھ کہ جانبازوں کے گروہ میں، میں رسوائی کے صد سامان لیے سر بازار رقص کر رہا ہوں۔

اگرچہ قطرۂ شبنم نہ پویَد بر سرِ خارے
منم آں قطرۂ شبنم بہ نوکِ خار می رقصم

اگرچہ شبنم کا قطرہ کانٹے پر نہیں ٹھہرتا لیکن میں وہ قطرۂ شبنم ہوں کہ نوکِ خار پر رقص کرتا ہوں۔

خوش آں رندی کہ پامالش کنم صد پارسائی را
زہے تقویٰ کہ من با جبّہ و دستار می رقصم

واہ وہ رندی کہ جس کیلیے میں سیکنڑوں پارسائیوں کو پامال کر دوں، مرحبا یہ تقویٰ کہ میں جبہ و دستار کے ساتھ رقص کرتا ہوں۔

منم عثمانِ مروندی کہ یارے شیخ منصورم
ملامت می کند خلقے و من بر دار می رقصم

میں عثمان مروندی کہ شیخ منصور (حلاج) میرے دوست ہیں، مجھے خلق ملامت کرتی ہے اور میں دار پر رقص کرتا ہوں۔

اس شعر کیلیے ایک وضاحت یہ کہ شیخ عثمان کا نام شیخ عثمان مروَندی ہے لیکن یہ شعر نصرت فتح علیخان نے عثمان ہارونی کے نام کے ساتھ گایا ہے۔ میں نے اپنی سی کوشش ضرور کی کہ کہیں سے یہ علم ہو جائے کہ صحیح شعر کیا ہے اور یہ 'ہارونی' کیوں آیا ہے مصرعے میں لیکن افسوس کہ میرے پاس ذرائع محدود ہیں، یہ بھی علم نہیں ہو سکا کہ کیا 'ہارون' انکے کسی مرشد کا نام تھا جس کی طرف انہوں نے نسبت کی ہے۔

بہرحال تحقیق کے دروازے کھلے ہیں، اس شعر بلکہ اس غزل کے دیگر اشعار کیلیے میں بھی سرگرداں ہوں اور دیگر اہلِ علم و فن و ہنر کو بھی دعوتِ عام ہے۔

مزید نمائش کے لیے کلک کریں۔۔۔

فائضہ خان نے کہا:

آپ نے جو بھی فرمایا بجا فرمایا،لیکن آپ کو ایک بات بتاؤ میں کہ یہ کلام عثمان ہارونی کا ہے،اور عثمان ہارونی معین الدین چشتی کے استاد ہے جو خراسان میں پیدا ہوئے تھے۔ان کا قبر مکہ مغظمہ میں ہے۔اسی لئے نصرت فتح علی خان نے کلام میں عثمان ہارونی پڑھا تھا۔اور بہت سے لوگوں کو اس میں غلط فہمی ہوتی ہے۔حالانکہ عثمان مروندی المعروف لال شہباز قلندر جو ہے ان کا مزار سندھ میں ہیں۔اور یہ ان کا کلام نہیں ہے۔شکریہ

مزید نمائش کے لیے کلک کریں۔۔۔