منصور محبوب چوہدری
محفلین
سر اس اصول کے لخاظ سے بغیر ردیف (بطور الفاظ) کے اشعار کہنا نہایت ہی مشکل کام ہے
آخری تدوین:
غزل برائے اصلاح
- صاحب لڑی محمد عظیم الدین
- تاریخ ابتداء
محمد عظیم الدین
محفلین
جی منصور محبوب چوہدری صاحب، میرا بھی یہ ہی خیال ہے۔سر اس اصول کے لخاظ سے بغیر ردیف (بطور الفاظ) کے اشعار کے کہنا نہایت ہی مشکل کام ہے
اور غلطی سے میں اس مشکل کام میں ٹانگ پھنسا بیٹھا
منصور محبوب چوہدری
محفلین
اس خاکسار کے خیال میں بغیر ردیف کے اشعار کے لیے ایسے قوافی چنیں جائے جن کے آخری حروف گرانے سے کوئی اور لفظ نہ بنتا ہو تو شاید کچھ مشکل آسان ہوجائے
آخری تدوین:
محمد عظیم الدین
محفلین
جی بہتر ہے، اس غزل کے ساتھ کشتی کرتا ہوں۔ ویسے اس حرکت سے ایک فائدہ تو ہوا ہے کہ حرف روی اور ردیف کے حوالے سے معلومات میں اضافہ ہو گیا اور کچھ غلط فہمیاں بھی دور ہو گئیں۔
محمد ریحان قریشی
محفلین
ان قوافی کو درست مانا جا سکتا ہے.
محمد عظیم الدین
محفلین
بہت شکریہ جناب محمد ریحان قریشی صاحب، ابھی تک اس بارے میں سوچ رہا تھا۔ آپ نے مہربانی فرمائی۔
محمد ریحان قریشی
محفلین
مجهے خود بهی اب اس پر تحقیق کرنی ہوگی. مصادر قوافی شوخ، گرم وغیرہ ہیں جن میں روی کا اختلاف موجود ہے. اس لیے میری رائے کو حتمی نہ سمجها جائے.
محمد عظیم الدین
محفلین
بہت شکریہ جناب ابن رضا صاحب، وضاحت کے لیے۔
اب کچھ کچھ سمجھ آرہی ہے اور کچھ کچھ جو آئی تھی پہلے وہ سمجھ جا رہی ہے۔
بقول جگر
عشق کی داستان ہے پیارے
اپنی اپنی زبان ہے پیارے
تو نہیں میں ہوں میں نہیں تو ہے
اب کچھ ایسا گمان ہے پیارے
معلوم نہیں یہ اس کا محل ہے کہ نہیں مگر نہ جانے کیوں یاد آگیا۔
محمد عظیم الدین
محفلین
شکریہ جناب محترم الف عین صاحب ، آپ کے الفاظ سند کا درجہ رکھتے ہیں میرے لیے۔
محمد عظیم الدین
محفلین
جناب محترم الف عین صاحب، محترم محمد ریحان قریشی صاحب کیا یہ سارے الفاظ ردیف میں استعمال ہوسکتے ہیں یعنی ہم قافیہ ہے؟
شوخی ---- شوخیاں
بدلی ---- بدلیاں
گرمی ---- گرمیاں
تنہائی ---- تنہائیاں
چنگاری ---- چنگاریاں
خامی ---- خامیاں
تلخی ---- تلخیاں
سرگوشی --- سرگوشیاں
شوخی ---- شوخیاں
بدلی ---- بدلیاں
گرمی ---- گرمیاں
تنہائی ---- تنہائیاں
چنگاری ---- چنگاریاں
خامی ---- خامیاں
تلخی ---- تلخیاں
سرگوشی --- سرگوشیاں
الف عین
لائبریرین
درست۔ ماہرین عروض کے حساب سے بھی، کہ ما قبل با معنی الفاظ ہیں۔
میں تو با معنی نہ ہونے پر بھی اجازت دے دیتا ہوں کہ کانوں کو تو درست قافیہ محسوس ہوتا ہے۔ اصل قافیہ ہے ’خیاں، لیاں۔ ریاں جو درست ہیں۔ سارے قوافی ’بدلیاں، جھولیاں، بولیاں، گالیاں ہوتے یا چنگاریاں، دوریاں۔ بکریاں ہپوتے تو غلط تھے۔ یا شاید میں اب بھی اپنا ما فی الضمیر واضح کرنے میں ناکام ہوں۔
محمد عظیم الدین
محفلین
محترم جناب الف عین صاحب بہت مہربانی آپ کی شفقت اور راہنمائی کے لیے، اس حساب سے اگر اس غزل کو یوں لکھا جائے تو آپ کی کیا رائے ہے؟
فتنہ گر ہیں تری زلف کی شوخیاں
چاند سے چہرے پر چھائی ہوں بدلیاں
تیری چنچل نظر میں ہے مستی بھری
تیرے انفاس میں عشق کی گرمیاں
تیری صورت بنا کر میں قرطاس پر
دور کرتا ہوں اب اپنی تنہائیاں
پاس جاتا نہیں شمعِ رخسار کے
میں نے دیکھیں ہیں جب سے وہ چنگاریاں
خام ہے اب تلک تیری حسنِ طلب
ڈھونڈتی ہے نظر عشق میں خامیاں
وصل سے قبل تھی کتنی شیریں زباں
تیرے لہجے میں اب آگئیں تلخیاں
مجھ کو تنہائی کا ڈر نہیں ہے مگر
روگ، ماضی کی ہیں چند سرگوشیاں
فتنہ گر ہیں تری زلف کی شوخیاں
چاند سے چہرے پر چھائی ہوں بدلیاں
تیری چنچل نظر میں ہے مستی بھری
تیرے انفاس میں عشق کی گرمیاں
تیری صورت بنا کر میں قرطاس پر
دور کرتا ہوں اب اپنی تنہائیاں
پاس جاتا نہیں شمعِ رخسار کے
میں نے دیکھیں ہیں جب سے وہ چنگاریاں
خام ہے اب تلک تیری حسنِ طلب
ڈھونڈتی ہے نظر عشق میں خامیاں
وصل سے قبل تھی کتنی شیریں زباں
تیرے لہجے میں اب آگئیں تلخیاں
مجھ کو تنہائی کا ڈر نہیں ہے مگر
روگ، ماضی کی ہیں چند سرگوشیاں