ہجر میں ٹوٹ کے بکھرا تو سمجھ آئی ہے۔

حنیف خالد

محفلین
اساتذہ کی خدمت میں ایک نیا کلام پیش کرنے جا رہا ہوں ، اُمید ہے حوصلہ افزائی فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہجر میں ٹوٹ کے بکھرا تو سمجھ آئی ہے
تیری قربت سے تو بہتر مری تنہائی ہے

چپ اگر رہتے تو سر اپنا سلامت ہوتا
ہم نے حق بات کہی ہے، تو سزا پائی ہے

یوں لگا جب تجھے آنکھوں میں اُترتے دیکھا
ساری دنیا مری آنکھوں میں سمٹ آئی ہے

رتجگوں سے تری آنکھوں میں بھی اُتری لالی
تُو بھی اُس حُسن کا لگتا ہے کہ شیدائی ہے

وہ کسی موڑ پہ تنہا نہیں چھوڑے گا حنیف
آج کل جس سے مری خوب شناسائی ہے​
 
Top