اڈیک

اڈیک اڈیک راہ تیرے تھک گیاں اکھیاں
چھڈ دے اڈیکاں مینوں کہندیاں نے اکھیاں

کدوں نیند آوے ، کدوں چین مینوں آندا اے
تیرا اے وچھوڑا ڈھولا وڈ وڈ کھاندا اے

کینوں دساں دل والی۔ دل دیاں لگیاں
اڈیک اڈیک راہ تیرے تھک گیاں اکھیاں

دھک دھک دل جیوے ناں تیرا کہندا اے
جیویں میرے کول ہووے بھلکھا مینوں پیندا اے

تھاں تھاں چناں میں نے لیکاں مار رکھیاں
اڈیک اڈیک راہ تیرے تھک گیاں اکھیاں

مسیتی تیل پاواں، بلے پیر کول جانی آں
چڑیاں پاواں دانے، سورتاں پڑھانی آں

کٹ کٹ گنڈاں میں تے دتیاں نے پکیاں
اڈیک اڈیک راہ تیرے تھک گیاں اکھیاں
 
تیری وی اُڈیک مینوں، اودھی وی اُڈیک اے
تیرے نال پیار مینوں، اودھے نال پریت اے

ویکھناں ہاں کون مینوں جِت کے وکھاندی اے
تو پہلاں آندی ایں کہ موت پہلاں آندی اے
 

یوسف سلطان

محفلین
"چھڈ جاون والیا....!! "
تیری اُڈیک دے
دن نئیں لنگدے
کی کراں ......
میں کِدھر جاواں
کنج دیاں میں دل نوں تسّلی
کسے مزار تے چادر سُکھاں
یا دربارے جندرا ٹنگاں
پیر کسے توں
تعویز لیا کے
چرخے دے نال بن کے
پُٹّھا گھیڑ دیاں........!!!!

آصف انجم​
 
"چھڈ جاون والیا....!! "
تیری اُڈیک دے
دن نئیں لنگدے
کی کراں ......
میں کِدھر جاواں
کنج دیاں میں دل نوں تسّلی
کسے مزار تے چادر سُکھاں
یا دربارے جندرا ٹنگاں
پیر کسے توں
تعویز لیا کے
چرخے دے نال بن کے
پُٹّھا گھیڑ دیاں........!!!!

آصف انجم​
ہائے۔۔۔۔۔۔۔۔۔۔۔۔۔۔۔۔۔۔
 

یوسف سلطان

محفلین
مینوں نت اڈیکاں تیریاں گھر آ پیا میں تیریاں...
مینوں تیرا جیا نہ ہور کوئی.. میرے جیان نے ہور بتہریاں...
جاسمن پہناں
اک گل پوچھنی سی کہ ایہہ شعر وی ٹھیک اے جدے ایچ لفظ "اڈیکاں " اوے کہ صرف لفظ "اڈیک" الے ہی اشعار ہون؟
 

یوسف سلطان

محفلین
(نثار احمد)
عِشق نُوں لائ ..... لِیک ملنگا !
ایہہ تے گَل نہیں ٹھِیک ملنگا !
خط پَتَر، نہ سُکھ سنیہا
طعنے دین شرِیک ملنگا !
ایتھے کَون کِسے دی سُن دا
جِناں مرضی .. چِیک ملنگا !
ماڑیاں آخر ... مِدھے جانا
بچ سن کِتھوں تِیک ملنگا !
ہنجو جیو یں پِیڑ سمندر
پی جا لا کے۔۔۔۔۔۔۔۔ ڈیِک ملنگا !
تیرے اندر ..... ہور بولیندا
نُکتہ بڑا ... بارِیک ملنگا !
کار ملنگی سَوکھی تے نہیں
ایہہ تے نِری .. فٹِیک ملنگا !
دل چوں دُکھڑے کیویں کَڈھاں
مُڈھ لا دے ... وَسنِیک ملنگا !
یار نثار .... اُس نہیوں آنا
تُوں وی چھَڈ اُڈِیک ملنگا !​
 

یوسف سلطان

محفلین
مٹھی اڈیک تہ اڈیک نالوں یار مٹھا
مٹھا یار تہ یار نالوں عشق مٹھا
مٹھا عشق تہ عشق نالوں مٹھی ساڈی یاری
اس توں مٹھا کجھ نئیں لبھنا، لبھ لے تو دنیا ساری
(نہ معلوم)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نال سلوک دے بول وے ماہی، اسی ہاں پردیسی پکھی
تئیں محبوب دے ویکھن کارن، بیٹھے بوہت اُڈیک رکھی
جد تک ساکوں نظر نہ آوے ، ساڈی تھک تھک جاون اکھی
یار فرید اوہ فیر کد مُڑدے۔ جنہاں لذت عشق دی چکھی
(بابا فرید )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

دل دِیاں لگراں تے بُور جدوں پے جائے
پل دی وی دُوری کولوں دل اے تریہہ جائے

ہجر والا ناگ جدپنڈے نال کھہہ جائے
چُوری والا چھنّاں فیر ہتھ وچ رہ جائے

اُڈّن توں پہلاں اِک کاں کُجھ کہہ جائے
آس دا بنیرا آپوں ہولی ہولی ڈھہہ جائے

جند اِنج وعدے والی سُولی اُتّے ڈول دی
رُوح وی ناں نکلے پواڑا جیہا پے جائے

ہور گلّاں دل پاویں ساریاں ہی سہہ جائے
چندری اُڈیک ربّا کسے نوں ناں پے جائے

تنویر شاہدؔ​
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسیں مُجرم عشق دے جرم دے، اسیں سُفنے لیے اُڈیک
ساتھے لگن روز عدالتاں ،سانو پے جاے روز تریک
نِت آساں لا لا بیٹھئے، نِت دل تے ماریے لیک
کدی چِھکے چَن آسمان تے، کدی مِٹی لوے دَھرِیک

(نا معلوم )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نال جوگ کر۔۔۔ کالا ویس
رانجھا ٹُریا ۔۔۔رنگ پور دیس
ہِیرنَمانی۔۔۔ پئی اُڈیکے
آوے رانجھا۔۔۔ بن درویش

(نا معلوم )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اَساں بیجے رُکھ انار دے سانوں لبّھے تُمّے کَوڑ
اَساں مرن دیہاڑ اُڈیک دے ساڈی ود دی جاوےَ سوڑ​
(نا معلوم )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمود اعوان

تینڈے ناں دی روز چنبیلڑی
مینڈے سُکّے سینے جاگدی
تینڈے سورج نال سویلڑے
تینڈے ویڑھے کھیڈدے ویلڑے
نِت ہولی ہولی کھولدے
مینڈے ساہواں وجّی تاکڑی
تینڈی نیلی ساوی چُنیاں
تینڈے ہوٹھیں کِھڑدی چمیاں
آ دور سمندر رُنیاں
تینڈے ساہواں پانی گیڑیا
دِن اوکھا آن سہیڑیا
مینڈی رات اداس اکیلڑی
مینڈا بستر پَینڈے ٹوردا
میں سُتا ہور دے ہور دا
مینڈے پِنڈے اندر بَھوندیٔے
مینڈے خاباں دے وچ روندیٔے
نی بُوہا بند کریندیٔے
مینوں تھوڑا ہور اُڈیک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جیہناں اُڈیک تیری دیاں تانگھاں درد جھلے مُشتاقاں
چل ہُن وقت دراز ہویا ای تیریاں وچ فراقاں

مولوی غلام رسول عالمپوری​
 

الشفاء

لائبریرین
اڈیک ہو یا اڈیکاں یا تانگاں۔۔۔۔
آپ نے تو ڈھیر سارا کلام شئیر کر لیا۔ جزاک اللہ!

ہر ویلے تانگاں یار دیاں تے میں بیٹھی کاگ اڈاواں
فالاں پاواں کہ میں قاصد بھیجاں مینڈا تھی گیا حال بیماراں
یار بنا ہُن جیون کُوڑے تے ہن اندر درد ہزاراں
یار فریدا میں روواں ایویں جیویں وچھڑی کونج قطاراں
 
Top