نپولین علی بونا پارٹ کی فریاد بحضور سید الشہدا امام حسین علیہ السلام ۔ علامہ سید ضمیر اخترنقوی

فاتح

لائبریرین
حضرت علامہ پروفیسر ڈاکٹر سید ضمیر اختر نقوی مد ظلہ العالی نامور پاکستانی جید عالم و مذہبی رہنما و خطیب ہیں جو اردو شاعر بھی ہیں اور 50 سے زائد کتب کے مصنف بھی۔
انگریزی وکی پیڈیا پر علامہ سید ضمیر اختر نقوی کا صفحہ: https://en.wikipedia.org/wiki/Zameer_Naqvi
علامہ سید ضمیر اختر نقوی کی ویب سائٹ: http://allamazameerakhtar.com/

شہنشاہِ فرانس نپولین علی بونا پارٹ کی فریاد بحضورِ تاجدارِ سید الشہدا امامِ حسین ؒ۔ فرانسیسی سے اردو منظوم ترجمہ از حضرت علامہ پروفیسر ڈاکٹر سید ضمیر اختر نقوی مد ظلہ العالی

(فرانس کے پاس حسین پہلے ہی پہنچ چکے تھے اس لیے کہ سب سے مشہور بادشاہ کون ہے فرانس کا جس کا نام آپ فوراً لے سکتے ہیں؟
۔۔۔برطانیہ نے یعنی انگلینڈ حملہ کیا فرانس پر۔ فوجیں گھس رہی ہیں فرانس میں، انگریز لڑ رہا ہے فرانسیسیوں سے۔ اور نپولین کے ملک پر حملہ ہے اور قلعے میں وہ ہے۔ اب صبح لڑائی کا فیصلہ ہے۔ نپولین ایک مشہور بادشاہ فرانس کا جو ٹہل رہا ہے قلعے میں۔ اب وہ چرچ نہیں جا رہا کہ دعا مانگے۔ وہ یہ نہیں کہہ رہا "اے گاڈ میرے ملک کو بچا لے"۔ یعنی پوری رات ٹہل کے اس نے ایک فیصلہ کیا کہ میں کس کو پکاروں ۔
میری جو تمہید تھی وہ اب یہاں پر ختم ہو رہی ہے، میری تقریر ختم ہو رہی ہے۔۔۔
رات بھر ٹہل کے فرانسیسی زبان میں اس نے ایک درخواست امام حسین کو پیش کی۔ اب ظاہر ہے کہ فرنچ اگر میں سناتا تو وہ آپ کے کیا سمجھ میں آتی، اس کا منظوم ترجمہ جو نپولین نے امام حسین کی بارگاہ میں درخواست پیش کی ۔۔۔ فرانس کا مشہور بادشاہ۔۔۔ کیا مسلمان بات کر رہے ہیں۔۔۔ ارے ہم وہاں کی باتیں کر رہے ہیں کہ دیکھو تو حسین ہیں کہاں؟ نپولین، نپولین، نپولین)

شہنشاہِ فرانس نپولین بونا پارٹ کی فریاد بحضورِ تاجدارِ سید الشہدا امامِ حسین ؒ
تعریف کروں کیا تری احمد کے نواسے
نسبت ہے تری ذات کو محبوبِ خدا سے

تُو وہ ہے کہ جس کا نہیں ثانی دو جہاں میں
پہنچی ہے خبر ہم کو یہ شاہِ دو سرا سے

حسرت تھی رسولانِ گرامی کو بھی جس کی
ہے مرتبہ تجھ کو وہ ملا ذاتِ خدا سے​

(غور نہیں کیا؟ یعنی اس فرانس کے بادشاہ کو معلوم ہے کہ حسین کو وہ رتبہ ملا کہ جس کی ہوس انبیا نے کی کہ کاش ہمیں حسین والا رتبہ یعنی شہادت ملتی۔ آپ دیکھیے کہ وہ کہاں تک پہنچے ہوئے ہیں معرفت میں)

اے وہ کہ ترے ہاتھ میں کوثر کے پیالے
اے وہ کہ ترے دست میں تسنیم کے کاسے

اے وہ کہ ترے نام سے اعزازِ شہادت
فردوس میں جاتا ہے تُو مستانہ ادا سے

تو محسنِ اسلام ہے تو مشفقِ انسان
دیں تُو نے ہی آزاد کیا قیدِ جفا سے​

(دیکھیے! اور وہ بتا رہا ہے کہ کیا پیغام حسین نے دیا۔۔۔ دنیا کو کیا پیغام دیا، نپولین کہہ رہا ہے)

اقوام کو تُو نے ہے غلامی سے چھڑایا
ادیان کو ملی مخلصی آلام و بلا سے​

(اب کیا کمال کرتا ہے کہ عیسائی ہے نا وہ تو اس کا بھی تو ایک رہنما ہے لیکن حسین جب اس کی نظر میں آئے تو کیا کہتا ہے)

جو ہو نہ سکا تھا دمِ عیسیٰ سے شفایاب
پائی ہے شفا اس نے تری خاکِ شفا سے​

دیکھیے! عیسیٰ کا معجزہ رک گیا۔ جب تھے تو ہاتھ رکھتے تو مریض اچھا ہو جاتا تھا۔ حسین مرض کا علاج چھوڑ گئے خاکِ شفا کی شکل میں۔ تو اب کیا کہتا ہے)

کر مجھ پہ بھی کچھ لطف و کرم شاہِ شہیداں
کرتی ہے نظر تیری معاً شاہ و گدا سے

میں بندۂ ناچیز ہوں مولا ہے مرا تو
شاہی ہے ملی مجھ کو فقط تیری ولا سے​

(ارے مسلمان بادشاہ تو یہ کہتا نہیں کہ یہ تخت و تاج حسین کے صدقے میں ملا ہے اور فرانس کا بادشاہ یہ کہہ رہا ہے۔ میرا موضوع ہی یہ ہے کہ آپ موازنہ کر سکیں غیر اقوام میں اور مسلمانوں میں کہ ساری دنیا کے لوگ حسین کو مان کیسے رہے ہیں۔
میرا یہ موضوع شرم دلانے کے لیے ہے)


آلام نے گھیرا ہے مجھے چار طرف سے
دے مجھ کو نجات اے شہِ دیں، رنج و بلا سے

افرنگ کی افواج نے محصور کیا ہے
چھٹکارا دلا تو مجھے دشمن کی جفا سے​

(اور آخری شعر ہے، کہتا ہے نپولین۔۔۔)

دکھلا میرے اعدا کو وہی قوتِ بازو
ہے تجھ کو ملی جو کہ علی شیرِ خدا سے​

(یہ فرنچ میں بھی میرے پاس ہے۔ ترجمہ اس لیے کہ تا کہ بچوں کی سمجھ میں آئے۔
تو آپ نے دیکھا کہ حسین کہاں کہاں پہنچے ہوئے ہیں؟)




نپولین علی بونا پارٹ کی جانب سے حضرت امام حسین کی خدمت میں کی جانے والی اس فریاد کی بابت کچھ تفصیل انگریزی میں:
https://www.facebook.com/karvanemurtaza/posts/554486194593521
 
آخری تدوین:
کیا اس واقعہ کے بعد نپولین نے اپنے نام میں تبدیلی کر لی تھی

نپولین علی بوناپارٹ
 
آخری تدوین:

فاتح

لائبریرین
کیا اس واقعہ کے بعد نپولین نے اپنے نام میں تبدیلی کر لی تھی

نپولین علی بوناپورٹ
تمہیں بتایا تو تھا کہ فاتح بلا حوالہ کبھی کچھ نہیں کہتا۔۔۔
نپولین علی بونا پارٹ کے لیے میرے مراسلے میں دیا گیا آخری لنک بطور حوالہ پڑھو
نپولین علی بونا پارٹ کی جانب سے حضرت امام حسین کی خدمت میں کی جانے والی اس فریاد کی بابت کچھ تفصیل انگریزی میں:
https://www.facebook.com/karvanemurtaza/posts/554486194593521
 
کیا اس واقعہ کے بعد نپولین نے اپنے نام میں تبدیلی کر لی تھی

نپولین علی بوناپارٹ

ویسے نام تو واقعہ سے پہلے ہی تبدیل ہوگا۔
اس واقعہ کے بعد واٹرلو تاریخ سے نکل جائے گا اور فاتح نپولین نئےروپ میں معرفت کے جلوے دکھلاوے گا
 

فاتح

لائبریرین
ارے بھائی ابھی لوری دے کر سلایا ہے، پھر اٹھ پڑے؟
اوہ! وہ جو آپ نے سنایا تھا، اسے لوری کہتے ہیں؟
محفل کی رکنیت حاصل کرنے کے 4 سال بعدآج پہلا اور پھر دوسرامراسلہ۔۔۔ تعارف کے زمرے میں تعارف کروا دیجیے تا کہ باقی دوست بھی آپ کو جان سکیں۔ :)
 

سیدہ شگفتہ

لائبریرین
واہ، نامِ حسین عالم میں ہر جا

بہت خوبصورت کلام! اگر منظوم ترجمہ اس قدر خوب ہے تو اصل کلام کی خوبصورتی کس درجہ ہو گی! میں فرانسیسی سیکھنا شروع کی تھی لیکن پھر ادامہ نہ دے سکی، آپ نے یہ شیئرنگ کر کے پھر سے سیکھنے کی چنگاری کو ہوا دے دی ہے فاتح بھائی۔
علاوہ ازیں آپ کے اوّلین مراسلہ میں کیا دونوں وڈیوز ہیں؟ پہلے ربط پر کیا ہے؟ میرے پاس پہلا ربط/ وڈیو نہیں کھلی وہاں لکھا آ رہا ہے
Unable to resolve the server's DNS address
 

فاتح

لائبریرین
واہ، نامِ حسین عالم میں ہر جا

بہت خوبصورت کلام! اگر منظوم ترجمہ اس قدر خوب ہے تو اصل کلام کی خوبصورتی کس درجہ ہو گی! میں فرانسیسی سیکھنا شروع کی تھی لیکن پھر ادامہ نہ دے سکی، آپ نے یہ شیئرنگ کر کے پھر سے سیکھنے کی چنگاری کو ہوا دے دی ہے فاتح بھائی۔
علاوہ ازیں آپ کے اوّلین مراسلہ میں کیا دونوں وڈیوز ہیں؟ پہلے ربط پر کیا ہے؟ میرے پاس پہلا ربط/ وڈیو نہیں کھلی وہاں لکھا آ رہا ہے
Unable to resolve the server's DNS address
شکریہ!
دونوں ایک ویڈیو کے لنکس ہیں ۔ پہلا یو ٹیوب کا اور دوسرا فیس بک کا۔ آپ کے پاس یو ٹیوب بلاک ہونے کی وجہ سے نہیں کھلی ہے ویڈیو اور اسی لیے دوسرا لنک بھی شامل کیا تھا تا کہ جہاں یو ٹیوب بلاک ہے وہاں کمتر درجے ہی کی سہی لیکن کم از کم ویڈیو چل تو سکے۔
 

x boy

محفلین
واہ بھئی واہ
فرانس تو زبردست ملک اور قوم ہے
چارلی ہیپڈو میگزینکی قومیت بھی فرانسیسی ہے
منصور خلاج پر کتاب بھی فرانس میں کسی فرانسیسی نے لکھی اور اسکا ترجمہ بعد ازاں فارسی میں ہو (اس کی معلومات حصان خان نے دی تھی)۔
خمینی بھی فرانس سے ایران امپورٹ ہوا۔
ان سب باتوں کو دیکھا جائے تو ایران ایک چھوٹا فرانس ہے۔
 
Top