داعش نے یرغمال بنائے گئے اردنی پائلٹ کو زندہ جلادیا، امریکہ کی مذمت

حسینی نے کہا:

اب اپنی لگائی آگ خود تک پہنچتی محسوس ہورہی ہے تو چیخ وپکار کا کیا فائدہ؟؟
اب بھی امریکہ اک طرف رائے عام کو دھوکہ دینے کے لیے ان دہشت گردوں کے خلاف لڑرہا ہے۔۔۔ جبکہ دوسری طرف ان کی بھر پور مدد کررہا ہے۔۔ اسلحے پھینک رہا ہے۔۔۔
اللہ کرے ان لعین دہشت گردوں سے اسلام اور مسلمانوں کی جان چھوٹ جائے۔

مزید نمائش کے لیے کلک کریں۔۔۔

حسینی نے کہا:

اردن، سعودی عرب ، ترکی اور امریکہ کا شمار ان ممالک میں ہوتا ہے جنہوں نے شروع سے لیکر اب تک بشار الاسد کی حکومت کو گرانے کے لیے ان دہشت گردوں کی ہر حوالے سے مدد کی۔
۔

مزید نمائش کے لیے کلک کریں۔۔۔

Fawad - نے کہا:

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

ايک جانب تو آپ خود يہ تسليم کر رہے ہيں کہ ہم آئ ايس آئ ايس کے خلاف حملے کر رہے ہيں تا کہ اس بڑھتے ہوئے خطرے کے خلاف عالمی رائے عامہ کو مضبوط کيا جا سکے۔ اور پھر آپ اس بات پر بھی بضد ہيں کہ ہم آئ ايس آئ ايس کے جنگجوؤں کے ليے ہتھيار پھينک رہے ہيں۔ آئ ايس آئ ايس کے قائدين کس منطق کے تحت ہم سے ہتھيار لينا قبول کريں گے جبکہ آپ خود يہ مان چکے ہيں کہ ہم ان کے محفوظ ٹھکانوں کو ختم کرنے کے لیے تابڑ توڑ حملے کر رہے ہيں؟

آپ کا يہ خدشہ بالکل بجا ہے کہ اردن کے پائلٹ کو جلانے کا واقعہ اور آئ ايس آئ ايس کی جانب سے غير انسانی حملوں کے جاری تسلسل کے باعث عالمی سطح پر اسلام کے تشخص کو نقصان پہنچ رہا ہے۔ تاہم امريکہ پر نقطہ چينی کی بجائے آپ اس سوچ اور ان بے حس مجرموں پر اپنا غم و غصہ کيوں نہيں نکالتے جو دانستہ مذہب کا استعمال کر کے اپنے اقدامات کی توجيہہ پيش کرنے کی کوشش کرتے ہيں۔

اپنی بات کی وضاحت کے ليے ميں چاہوں گا کہ آپ آئ ايس آئ ايس اور ديگر دہشت گرد تنظيموں کے اس تشہيری مواد پر ايک سرسری نگاہ ڈاليں جنھيں يہ تنظيميں اپنی سوچ کی ترويج کے ليے استعمال کر رہی ہيں اور پھر خود اس بات کا فيصلہ کريں کہ کون مذہب کو "استعمال" کر رہا ہے؟

جہاں تک امريکی حکومت کا تعلق ہے تو ميں اس تجزيے سے شديد اختلاف کروں گا کہ اسلام کو دہشت گردی سے منسوب کرنے کے ليے امريکہ ذمہ دار ہے۔ ياد رہے کہ يہ خود آئ ايس آئ ايس ہے جو اسلام پر عمل پيرا ہونے کی داعی ہے۔

ايک سے زائد مواقعوں پر صدر اوبامہ نے يہ بيان ديا ہے کہ آئ ايس آئ ايس، ٹی ٹی پی اور ديگر دہشت گرد تنظيموں کی جانب سے دہشت گردی کی جو کاروائياں کی جا رہی ہيں، ان کا اسلام سے کوئ تعلق نہيں ہے۔ انھوں نے اسی بات کا اعادہ چند روز قبل سی اين اين کو ديے گئے اپنے ايک انٹرويو ميں بھی کيا

اس انٹرويو کا متعلقہ حصہ پيش ہے۔

http://www.cnn.com/2015/02/01/politics/obama-radical-islam-terrorism-war/


آئ ايس آئ ايس کی جانب سے اپنے پيغام کی تشہير کے ليے جو بصری مواد استعمال کيا جا رہا ہے اس سے يہ واضح ہے کہ ان کے پروپيگنڈے کا محور امريکہ سے نفرت کا اظہار ہے اور اس ضمن ميں مذہب کو دانستہ جذبات کو بھڑکانے کے ليے "ہتھيار" کے طور پر استعمال کيا جا رہا ہے۔

جب آپ امريکہ پر آئ ايس آئ ايس کی مدد کرنے کا لغو الزام لگاتے ہيں تو پھر ميرا آپ سے سوال ہے کہ کوئ بھی ملک اور اس کی انتظاميہ کيونکر ايک ايسے پروپيگنڈے کی تشہير کے ليے وسائل اور مدد فراہم کرے گی جس کی کاميابی کی صورت ميں خود اس کی اپنی ہی سيکورٹی کو زک پہنچے گی اور صرف يہی نہيں بلکہ آئ ايس آئ ايس کو اگر کسی بھی درجے ميں کوئ کاميابی ملتی ہے تو اس صورت ميں دہشت گردوں کی ايک ايسی نئ فوج سامنے آئے گی جنھيں امريکی شہريوں سميت دنيا بھر ميں عام شہريوں کو بڑی تعداد ميں ہلاک کرنے کے ليے باقاعدہ برين واش کيا جا چکا ہو گا۔ آئ ايس آئ ايس اپنی ہر نئ ويڈيو ميں اسی ارادے اور دھمکی کو دہراتی ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov

https://twitter.com/USDOSDOT_Urdu

http://www.facebook.com/USDOTUrdu

مزید نمائش کے لیے کلک کریں۔۔۔

Fawad - نے کہا:

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

سب سے پہلے تو ميں يہ واضح کر دوں کہ اسد کی حکومت کے خلاف ہمارا اصول پر مبنی موقف صرف ہماری ہی پاليسی نہيں ہے۔ بلکہ حقيقت تو يہ ہے کہ يہ ايک ايسی ظالم حکومت کے خلاف اجتماعی عالمی کوشش ہے جو زبردستی اپنی طاقت مسلط کرنے کے ليے خود اپنے ہی لوگوں کو بے دردی سے قتل کر رہی ہے۔

صدر اوبامہ نے حال ہی ميں امريکہ اور پانچ عرب ممالک کے اشتراک سے شام ميں آئ ايس آئ ايس کے محفوظ ٹھکانوں پر فضائ بمباری کے موقع پر امريکہ کے اس موقف کا اعادہ کيا کہ "امريکہ اس لڑائ ميں تنہا نہيں ہے"۔

"اپنی مشترکہ سيکورٹی کو ملحوظ رکھتے ہوئے امريکہ ان اقوام کے شانہ بشانہ کھڑا ہو کر فخر محسوس کرتا ہے"۔

چاليس سے زائد اقوام کی جانب سے شام کے لوگوں کی مدد کا فيصلہ ہمارے موقف کو مضبوط کرنے کے ساتھ ساتھ اسے درست بھی ثابت کرتا ہے۔

يہ تاثر بالکل لغو اور بے بنياد ہے کہ شام ميں اپوزيشن کو مستحکم کرنے کے ليے ہم کسی بھی طور آئ ايس آئ ايس کے جنگجوؤں کی مدد يا حمايت کر رہے ہيں۔

حقيقت يہی ہے کہ امريکی حکومت خطے ميں اپنے اسٹريجک اتحاديوں کے ساتھ آئ ايس آئ ايس کے محفوظ ٹھکانوں کو نشانہ بناتی رہے گی – چاہے وہ شام ميں ہوں يا عراق ميں۔

شام ميں آئ ايس آئ ايس کے ٹھکانوں پر حاليہ امريکی فضائ بمباری کے چند مناظر پيش ہيں جو اس تاثر کو زائل کرنے کے ليے کافی ہيں کہ ہم شام ميں آئ ايس آئ ايس کو مدد فراہم کر رہے ہيں۔

http://www.cbsnews.com/pictures/u-s-fires-on-isis-in-syria/

شام کی صورت حال کو لے کر عالمی اور امريکی سازشوں کے ضمن ميں لاحاصل گفتگو کو ايک طرف رکھ کے اس صورت حال کو ذہن ميں رکھيں جہاں کسی بھی عالمی ردعمل اور دباؤ کے بغير ايک جابر آمر کو اس بات کی چھوٹ حاصل ہو جائے گی کہ وہ اپنی مرضی سے جب اور جہاں چاہے طاقت اور ہتھياروں کا استعمال کر سکے تو اس کے کيا نتائج نکليں گے۔

امريکی حکومت کو شام ميں جاری پرتشدد واقعات اور اسد حکومت کی جانب سے اپنی ہی عوام پر ڈھائے جانے والے مظالم پر شديد تشويش ہے۔ قتل وغارت اور عدم استحکام کی اس صورت حال ميں امريکہ سميت عالمی برادری کا بغير کسی ردعمل کے خاموش رہنا ممکن نہيں ہے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov

https://twitter.com/USDOSDOT_Urdu

http://www.facebook.com/USDOTUrdu

مزید نمائش کے لیے کلک کریں۔۔۔

حسینی نے کہا:

کوئی تو ہے جو داعش کو ہتھیار فروخت کر رہا ہے۔۔ کیوں نہیں روکتے ؟؟؟
۔

مزید نمائش کے لیے کلک کریں۔۔۔

حسینی نے کہا:

ورنہ امریکہ اور آئی ایس آئی اک ہی سکے کے دو رخ ہیں۔۔۔ بار بار آئی ایس آئی کے لیے ہتھیار پھینکنا۔۔۔ غذائی مواد پھینکنا۔۔ کیا معنی رکھتا ہے؟؟
۔۔

مزید نمائش کے لیے کلک کریں۔۔۔

Fawad - نے کہا:

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

يہ بات دلچسپی کا باعث ہے کہ جو رائے دہندگان آئ ايس آئ ايس کے دہشت گردوں کے خلاف امريکی عزم اور ارادوں کے حوالے سے شکوک وشہبات کا اظہار کرتے ہيں اور امريکی ميزائلوں کی زد ميں آئ ايس آئ ايس کے محفوظ ٹھکانوں پر حملوں کی ويڈيوز پر مشتمل ثبوت کو بھی ماننے سے انکار کر ديتے ہیں، وہی رائے دہندگان محض غلطی کی بنياد پر کچھ امريکی ہتھياروں کی آئ ايس آئ ايس کے جنگجوؤں کے ہاتھ لگنے کی خبر کو بنياد بنا کر نا صرف يہ کہ اپنی رائے بھی قائم کر ليتے ہيں بلکہ اپنی مخصوص سوچ کی تشہير بھی کرنے لگتے ہيں۔ جو شخص بھی کسی بھی نوعيت کی فوجی کاروائ کی اونچ نيچ سے واقفيت رکھتا ہے وہ اس بات کی گواہی دے گا کہ انسانی غلطی، موسمی صورت حال يا جغرافيائ طور پر غلط معلومات سميت ايسے کئ عوامل ہيں جن کی بدولت دشمن کے ہاتھ ميں اسلحے يا ديگر سازوسامان کا چلے جانا کوئ غير معمولی يا انہونی بات نہيں ہے۔

يہ کوئ سازش نہيں بلکہ ايک ايسی دنياوی حقيقت ہے جو دنيا کی کسی بھی جنگ ميں کسی بھی فريق کے ساتھ پيش آ سکتی ہے۔

جو رائے دہندگان کچھ امريکی ہتھياروں کے آئ ايس کے ہاتھ لگنے کی حاليہ خبر کا حوالہ دے کر يہ تبصرہ کر رہے ہيں کہ ايسا کسی غلطی کی بنا پر ہونا "ناممکن" ہے انھيں چاہیے کہ جنگوں کے دوران "فرينڈلی فائر" سے متعلق واقعات اور اس ضمن ميں اعداد وشمار کا جائزہ ليں۔ يہ واقعات اسلحے اور سازوسامان کے دشمن کے ہاتھ لگنے کے مقابلے ميں کہيں زيادہ سنگين نوعيت کے ہوتے ہيں جن ميں غلطی کے نتيجے ميں آپ کے اپنے فوجی يا اتحادی حملے کے زد ميں آ جاتے ہيں۔

يہ امر کہ دنيا بھر ميں اس قسم کے واقعات اتنے تواتر کے ساتھ پيش آ چکے ہيں کہ اس حوالے سے ايک تکنيکی اصطلاح بھی موجود ہے، ان ناقدين کو مطمن کرنے کے ليے کافی ہے جو کچھ امريکی ہتھياروں کے دشمن کے ہاتھ لگنے کے واقعے کو نا قابل يقین غلطی قرار دينے پر بضد ہيں۔ تاريخ کے اوراق ميں ايسے سينکڑوں واقعات موجود ہيں جن ميں اسلحے اور سازوسامان کے دشمن کے ہاتھ لگنے سے کہيں بڑھ کر دشمن کی جانب کيا جانے والا حملہ غلطی سے اپنے ہی نقصان کا پيش خيمہ ثابت ہوا۔ تاريخی طور پر ايسے واقعات کا اکثر محرک دشمن کا جغرافيائ طور پر قريب ہونا سميت انسانی غلطی جيسے عوامل رہے ہيں جن پر مکمل طور پر قابو پانا ناممکن ہے۔

جہاں تک آئ ايس کے جنگجوؤں کے ہاتھوں ميں امريکی ہتھياروں کا سوال ہے تو اس ضمن ميں ٹی ٹی پی اور پاکستان کے قبائلی علاقوں ميں متحرک دہشت گرد تنظيموں کی تشہير کردہ بے شمار ويڈيوز ديکھيں جن ميں ان گروہوں کی جانب سے ان ہتھياروں کی نمايش کی جا رہی ہے جو مختلف مقابلوں کے دوران ان جنگجوؤں نے پاک افواج سے حاصل کيے ہيں۔

اب اگر کوئ ايسے طالبان ليڈر کی تصوير پوسٹ کرے جس ميں وہ پاکستانی ساخت کا اسلحہ تھامے ہوئے ہو يا پاک فوج سے چھينی ہوئ کوئ جيپ يا گاڑی چلا رہا ہو تو کيا اس سے فوری طور پر يہ نتيجہ اخز کيا جانا چاہيے کہ بغير کسی منطق کے پاک فوج خود اسی دشمن کو اسلحہ، سازوسامان اور نقل وحرکت کے ليے وسائل فراہم کر رہی ہے جس کے خلاف وہ نبردآزما ہے؟ اگر طالبان کے جنگجو پاکستانی اسلحے کو استعمال کرتے دکھائ ديں تو کيا اس کا يہ مطلب نکلتا ہے کہ پاکستان ان کو سپورٹ کر رہا ہے؟

اس ميں کوئ شک نہيں ہے کہ اسلحے اور ديگر سازوسامان کی ترسيل کے ضمن ميں کسی بھی طريقہ کار يا نظام ميں کمی يا کوتائ کا امکان موجود رہتا ہے اور امريکہ بھی اس سے مبراء نہيں ہے۔ تاہم يہ يقين رکھيں کہ اگر غلطی سے ہمارے کچھ ہتھيار آئ ايس آئ ايس کے جنگجوؤں کے ہاتھ لگيں بھی ہيں تو اس سے کہيں زيادہ نقصان ہم نے انھيں ان حملوں کے ذريعے پہنچايا ہے جو ہم ميزائلوں کی صورت ميں روزانہ ان کے محفوظ ٹھکانوں پر کر رہے ہيں۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov

https://twitter.com/USDOSDOT_Urdu

http://www.facebook.com/USDOTUrdu

مزید نمائش کے لیے کلک کریں۔۔۔

حسینی نے کہا:

اگر آپ داعش کو روکنے میں واقعی مخلص ہے۔۔۔ تو صرف اک کام کریں۔۔۔
ترکی جو نیٹو کا رکن ہے ۔۔۔ کو پابند کریں کہ وہ داعش سے بلیک میں تیل نہیں خرید سکتا۔۔۔ اگر ترکی ، اردن، عراق ، سعودیہ اور لبنان پنی سرحدوں کو سیل کردیں۔۔۔ تو یہ دہشت گرد کہاں سے داخل ہوں گے اور کہاں سے خارج؟؟
ساری دنیا کو معلوم ہے کہ یہ دہشت گرد کس ملک سے داخل ہوتے ہیں۔۔۔ کہاں سے ٹریننگ لیتے ہیں۔۔۔ اور کہاں سے پیسے لیتے ہیں اور کہاں سے ہتھیار۔۔۔۔
اگر واقعا امریکہ مخلص ہے تو اصل جڑ کو کاٹنے پر کام کریں۔۔۔ جبکہ اکثر ممالک جو داعش کی پشت پناہی کرتے ہیں۔۔۔ امریکہ کے پکے یار ہیں۔۔

امریکہ کی طرف سے داعش کے لیے اسلحہ پھینکنے کا واقعہ اک یا دود دفعہ پیش آتا تو ہم مان لیتے غلطی ہوگئی۔۔۔۔ لیکن ٹیکنالوجی میں اتنا آگے والا امریکہ کا بار بار اسلحہ پھینکنا۔۔ خاص طور پر جب بھی ان کا محاصرہ کیا جائے۔۔۔ کوئی غلطی نہیں ہوسکتی۔
بلکہ عمدا اور قصد اور ارادے کے ساتھ سب ہورہا ہے۔
یقینا امریکہ کے حق میں ہے کہ مسلمان آپس میں لڑتے رہیں۔۔۔ اور وہ دور سے تماشا دیکھتا رہے۔۔ اسلحہ بیچتا رہے۔۔۔ اسی میں اسرائیل کی بھی مصلحت ہے۔۔۔
اگر آئی ایس آئی واقعا امریکہ یا اسرائیل کے مخالف ہوتی۔۔۔ تو ابھی تک کم از کم اک گولی یا راکٹ اسرائیل کی طرف بھی پھینکتی۔۔۔ جب کہ اسرائیل کے سرحد پر ہی ان کا وجود ہے۔۔۔
بلکہ الٹا اسرائیل کے ہسپتالوں میں ان دہشت گردوں کا علاج ہوتا ہے۔۔۔ حقیقت سمجھنے کےلیے اشارہ کافی ہے۔

مزید نمائش کے لیے کلک کریں۔۔۔

عبدالقیوم چوہدری نے کہا:

ایک ورژن یہ بھی ہے

مزید نمائش کے لیے کلک کریں۔۔۔

حسینی نے کہا:

اگر واقعا امریکہ مخلص ہے تو اصل جڑ کو کاٹنے پر کام کریں۔۔۔ جبکہ اکثر ممالک جو داعش کی پشت پناہی کرتے ہیں۔۔۔ امریکہ کے پکے یار ہیں۔۔

مزید نمائش کے لیے کلک کریں۔۔۔

Fawad - نے کہا:

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

ريکارڈ کی درستگی کے ليے واضح کر دوں کہ امريکی حکومت نے تو دسبمر 17 2004 ہی کو آئ ايس آئ ايل نامی تنظيم کو اس وقت ايک بين الاقوامی تنظيم کا درجہ دے ديا تھا جب يہ تنطيم پہلی بار منظر عام پر آئ تھی جس سے امريکی حکومت کے اس مستقل موقف کو جلا ملتی ہے کہ ہم تشدد اور دہشت گردی کی آڑ ميں اپنے ايجنڈے کی تکميل کے ليے اس تنظيم کی جاری مہم کے شروع دن سے مخالف رہے ہيں۔


http://www.state.gov/j/ct/rls/other/des/123085.htm


سال 2004 ميں جہاں اس تنظيم کو دہشت گرد قرار ديا گيا تھا وہاں يہ حقيقت بھی واضح کر دی گئ تھی کہ يہ گروہ عراق ميں القائدہ کی باقيات پر مشتمل ہے۔ يقينی طور پر القائدہ کے خلاف دنيا بھر ميں جاری ہماری عالمی کوششيں اور جدوجہد نا تو کبھی مانند پڑی ہيں اور نا ہی انھيں کبھی ترک کيا گيا ہے۔ اس تناظر ميں يہ دعوی حقائق کے منافی ہے کہ آئ ايس آئ ايس کے حوالے سے ہم کبھی بھی غافل رہے ہيں يا اس خطرے کو کسی بھی موقع پر ہماری جانب سے نظرانداز کيا گيا ہے۔

اس گروہ کی تشکيل کے ساتھ ہی امريکی حکومت کی جانب سے تشويش کا اظہار اور اس خطرے سے آگہی کے ضمن ميں اہم معلومات کی دستيابی کا عمل عالمی دہشت گرد تنظيموں کے خلاف ہمارے مضبوط اور مستقل موقف کا آئينہ دار ہے اور اس حقيقت کو واضح کرتا ہے کہ امريکی حکومت نے ہميشہ ان تنظيموں کے خلاف کاروائ کی ہے جو دہشت گردی اور تشدد کی آڑ ميں مختلف ناموں کے ذريعے خود کو سياسی يا مذہبی اکائ کے طور پر پيش کرنے کی سعی کرتی ہيں۔

يہ امر قابل افسوس ہے کہ کچھ رائے دہندگان خطے ميں آئ ايس آئ ا‎يس کے بڑھتے ہوئے اثرات کے ليے ہماری مبينہ کوتائ کو مورد الزام قرار دے رہے ہيں باوجود اس کے کہ يہ عراقی افواج تھيں جنھوں نے موصل ميں اس تنظيم کے خلاف ہتھيار ڈال ديے تھے، نا کہ امريکی افواج جو سال 2011 ميں باضابطہ طور پر عراق سے واپس آ گئ تھيں۔

جيسا کہ صدر اوبامہ نے حال ہی ميں واضح کيا تھا کہ آئ ايس آئ ايس کے دہشت گردوں سے درپيش خطرات سے نبرد آزما ہونے کے ليے مقامی حکومتوں اور فريقين کو کليدی کردار ادا کرنا ہو گا۔

امريکی حکومت بدستور ان عالمی کوششوں کا اہم حصہ رہے گی جن کا مقصد خطے ميں اپنے اتحاديوں کو وہ وسائل اور مواقع فراہم کرنا ہيں جن کے ذريعے وہ اپنے آپ کو آئ ايس آئ ايس سے درپيش خطرات سے محفوظ رکھ سکيں۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov

https://twitter.com/USDOSDOT_Urdu

http://www.facebook.com/USDOTUrdu

مزید نمائش کے لیے کلک کریں۔۔۔

حسینی نے کہا:

ترکی کو روکنے، داعش کے لیے اسلحہ اور مال روکنے کی جو بات کی تھی اس کا جواب آپ نے نہیں دیا۔۔۔

مزید نمائش کے لیے کلک کریں۔۔۔

حسینی نے کہا:

کسی دہشت گردی تنظیم پر زبانی پابندی لگانا کوئی بڑی بات نہیں ہے۔۔۔۔

مزید نمائش کے لیے کلک کریں۔۔۔