گستاخِ رسول ہم بھی ہیں ؟

سامے فواد

محفلین
فرانس کے ایک جریدے میں ایک ذہنی مریض (میں ایسے شخص کو ذہنی مریض ہی کہوں گا) نے نبیِ کریم ﷺ کا خاکہ شائع کیا۔ ساری مسلم دنیا نے اس کی مذمت کی جو کے ناکافی تھی خیر اس بارے میں بہت کچھ لکھا جا چکا ہے اور صرف لکھنا کافی نہیں آجکل جہاں بھی جاؤں بہت سے بینزز دیکھتا ہوں جن پر یہ الفاظ کثرت سے دیکھنے کو ملتے ہیں" گستاخِ رسولﷺ کی سزا سر تن سے جدا" یہ سب ہماری نبیِ کریم ﷺ سے محبت کا اظہار ہے لیکن سوچیں کیا محبت کا تقاضا صرف یہی ہے کہ نعرے لگا دیے جگہ جگہ بینزز لگوا دیا تو ہمارا فرض ادا ہو گیا ۔

اب کرتے ہیں بات گستاخی کی تو یہ گستاخی کہا کسے جاتا ہے،

اگر کوئی نبی ِ کریم ﷺ کی ذات کو نشانہ بنائے یہ گستاخی ہوگی ۔

اگر کوئی نبی کریم ﷺ کے احکامات کا مذاق اڑائے یہ گستاخی ہوگی ۔

اگر کوئی نبی کریم ﷺ کے اعمال کو فرسودہ کہے یہ گستاخی ہوگی۔

اگر کوئی ایسا کام کرے جس سے نبی کریم ﷺ نے منع فرمایا ہے یہ گستاخی ہوگی۔

غرض کہ ہر وہ کام جس سے نبی کریم ﷺ نے منع کیا ہو اور ہم وہ کریں تو یہ بھی گستاخی ہے اور یہ اس ذہنی مریض کے مقابلے میں زیادہ قبیح فعل ہے کیونکہ وہ تو جاہل ہدایت سے دور ایک ایسا شخص ہے جس کو نبی ِ کریم ﷺ کی ذات مبارکہ کے بارے میں کچھ پتا ہی نہیں ، جبکہ ہم جو نبی کریم ﷺ سے محبت کے دعوے دار ہیں ، ان کی سیرت مبارکہ کے بارے میں جانتے ہیں تمام دیے گئے احکامات کے بارے میں ہمیں علم ہے پھر بھی ہم جب وہ کام کریں جس سے نبی کریمﷺ نے منع فرمایا ہے تو یہی اصل گستاخی ہے ،

آج شراب عام پی جاتی ہے کوئی اسے برا نہیں سمجھتا اگر سمجھتا بھی ہے تو صرف لوگوں کے ڈر سے ، زنا اس قدر عام ہو گیا ہے ، گرل فرینڈ بوائے فرینڈز پرانی باتیں ہو چکی ، مولویوں کا مذاق اُڑایا جاتا ہے ، اسلامی تعلیمات کو اپنے مطلب کے لیے ہی اپناتے ہیں ہم لوگ، پردہ کرنا فرسودہ اور پینڈوؤں کی نشانی بن گیا ہے، سکولوں میں علمیت سے زیادہ اساتذہ کے فیشن پر زور دیا جاتا ہے ، ڈارھی رکھنے والا دہشت گرد سمجھا جاتا ہے ، بزرگانِ دین کا مزاح اُڑانا عام سے بات ہے حد تو یہ کہ اب والدین بھی ہمیں پینڈو ہی لگتے ہیں جبکہ حدیث مبارک ہے

جس نے میرے امت کے بوڑھے کا احترام کیا گویا اس نے میرا احترام کیا

پیسہ اور تعلق بنانے کے لیے ہم ہر وہ کام کرنے سے گھبراتے نہیں جس سے اسلام نے منع فرمایا ، سود ہماری معیشت کی بنیاد بن چکا ہے ، شادی بیاہ جیسے مقدس فریضے ہندؤں کی فرسودہ رسم و رواج کے بنا نامکمل تصور کیے جاتے ہیں ،
پھر بھی اگر ہم یہ نعرہ گائیں کے گستاخِ رسول ﷺ کی ایک سزا سر تن سے جدا تو ہم سا بڑا منافق اور زردیل اس دنیا میں کوئی بھی نہیں پہلے اگر گستاخِ رسول ﷺ کا سر تن سے جدا کرنا ہے تو خود کا کرنا ہوگا خود میں چھپے شیطان کا سر جدا کر دیں عشق و محبت رسولﷺ کے تقاضے پورے کریں تب یہ نعرہ لگائیں

مغزِ قرآں، روحِ ایماں ، جانِ دیں
ہست حبِ رحمت اللعالمیں
 

bilal260

محفلین
اس مضمون کی چند ایک باتیں قابل قبول نہیں۔ہر ایک کی اپنی اپنی سوچ ہوتی ہے۔
 
آخری تدوین:

bilal260

محفلین
اگر گستاخِ رسول ﷺ کا سر تن سے جدا کرنا ہے تو خود کا کرنا ہوگا قدرے عجیب سا جملہ ہے۔ جو کہ مضمون کے آخر میں لکھا گیا ہے۔
 
آخری تدوین:

x boy

محفلین
بہت اعلی مضمون ہے اور تفصیلات لاجواب، جزاک اللہ
اطیعواللہ اطیعوالرسول محمد العربی صلی اللہ علیہ وسلم، علیکم بسنتی سنتۃ الخلفاء الراشدین
images


page-06-5.gif
 
اپنی سستی اور غفلت کی وجہ سے نبی کریم صلی اللہ علیہ وسلم کی عظیم تعلیمات پر عمل نا کرنا اور ان تعلیمات کا مذاق اڑانا میں فرق ہوتا ہے۔ سستی کرنے والا گنہگار ہوتا ہے اور مذاق اڑانے والا گستاخ اور کافر۔ گنہگار اور گستاخ وکافر ایک جیسے نہیں ہوتے۔
جذبات میں آکر مختلف باتوں کو اکٹھا نہیں کرنا چاہئے اور ایک ہی فتوے کی تلوار سب پر نہیں چلا دینی چاہئے۔
رب کریم سب کو ہدایت عطا فرمائے۔
 
اپنی سستی اور غفلت کی وجہ سے نبی کریم صلی اللہ علیہ وسلم کی عظیم تعلیمات پر عمل نا کرنا اور ان تعلیمات کا مذاق اڑانا میں فرق ہوتا ہے۔ سستی کرنے والا گنہگار ہوتا ہے اور مذاق اڑانے والا گستاخ اور کافر۔ گنہگار اور گستاخ وکافر ایک جیسے نہیں ہوتے۔
جذبات میں آکر مختلف باتوں کو اکٹھا نہیں کرنا چاہئے اور ایک ہی فتوے کی تلوار سب پر نہیں چلا دینی چاہئے۔
رب کریم سب کو ہدایت عطا فرمائے۔
ماشااللہ۔
آپ نے بہت اچھی بات کی
 

bilal260

محفلین
اہل علم حضرات سے درخواست ہے کہ گستا خی کی تعریف کی جائے کہ کسے گستاخی کہتے ہیں؟
 

bilal260

محفلین
ایک باپ اپنے بیٹے کو کہتا ہے کہ سیگریٹ نہیں پینا اگر وہ چھپ کر سگریٹ پیتا ہے تو کیا یہ گستاخی کے زمرے میں آئے گا کیا؟
 
ایک باپ اپنے بیٹے کو کہتا ہے کہ سیگریٹ نہیں پینا اگر وہ چھپ کر سگریٹ پیتا ہے تو کیا یہ گستاخی کے زمرے میں آئے گا کیا؟
نہیں ، یہ گستاخی نہیں ہے :)
اگر باپ کے سامنے پئے اور کہے میں تو پی رہا تو نے جو کرنا ہے کر لے تو یہ گستاخی ہوگی۔
 

x boy

محفلین
ایک باپ اپنے بیٹے کو کہتا ہے کہ سیگریٹ نہیں پینا اگر وہ چھپ کر سگریٹ پیتا ہے تو کیا یہ گستاخی کے زمرے میں آئے گا کیا؟
یہ حکم کی گستاخی ہے ،، ایک بیٹا اپنے باپ سے بہت پیار کرتا ہے لیکن اس کا کہنا نہیں مانتا،،، کیا یہی پیار ہے یہ تو وہی لطیفہ ہوگیا
باپ نے کہا اگر تم اس سال فیل ہوگئے تو مجھے اپنا باپ نہیں کہنا
نتائج کے بعد جب باپ نے پوچھا کہ بیٹا آپکا نتیجہ کیا نکلا،، کہنے لگا ظفر صاحب پڑوس میں جو لڑکا عارف رہتا ہے وہ فیل ہوگیا۔
 

سامے فواد

محفلین
اہل علم حضرات سے درخواست ہے کہ گستا خی کی تعریف کی جائے کہ کسے گستاخی کہتے ہیں؟
مجھے جو لگا وہ کہ دیا نبیِ کریم صلی اللہ علیہ وسلم کی ذات ِمبارک اس کائنات میں سب سے بڑھ کر ہے تو یہاں ہر لفظ کے معانی جدا ہی ہیں
جیسے کہ حضرت اویس قرنی رضی اللہ نے جب سنا کہ نبی کریم صلی اللہ علیہ وسلم کے دندان مبارک شہید ہوئے ہیں تو اُنہوں نے اپنے سب دانت توڑ دیے
اب شریعت میں خود کو نقصان پہنچانا تو گناہ ہے پر یہ عشق تھا اور اس غیر شرعی عمل نے بھی اویس قرنی رضی اللہ کو صحابہ کے برابر کا درجہ دیا حالانکہ بدنی اعتبار سے آپ صحابی نہیں
عشق نبی صلی اللہ علیہ وسلم میں نہ تلقید ہے نہ تنقید
سمجھنے والے سمجھ سکتے ہیں صرف لا الہ الا اللہ سے کام نہیں چلتا چاہے کوئی دن رات پڑھتا رہے بنا محمد رسول اللہ پڑھے وہ کبھی جنت میں داخل نہیں ہو سکتا نہ ہی مسلمان کہلایا جا سکتا ہے
بات ذرا طوالت اختیارکر گئی ہے اور مضمون سے بھی دوری اختیار کر چکی اس لیے
فی امان اللہ
 

سامے فواد

محفلین
اگر گستاخِ رسول ﷺ کا سر تن سے جدا کرنا ہے تو خود کا کرنا ہوگا قدرے عجیب سا جملہ ہے۔ جو کہ مضمون کے آخر میں لکھا گیا ہے۔
اپنے اندر چھپے شیطان کا سر (محترم میں ایک اچھا لکھاری نہیں اس لیے اپنی بات شاید بہتر سمجھا نہیں سکتا
 

bilal260

محفلین
اپنے اندر چھپے شیطان کا سر (محترم میں ایک اچھا لکھاری نہیں اس لیے اپنی بات شاید بہتر سمجھا نہیں سکتا
آپ اپنے اس فقرے سے بالکل منسلک پہلے والا فقرہ پڑھ لے اس میں لکھا ہے خود کا کرنا ہو گا (سر قلم)،بعد والے فقرے میں آپ نے ٹھیک کہا مگر اس سے منسلک پہلا فقرہ قدرے عجیب تھا۔
 
Top