مالی کے شہر 'تمبکتو' پر ایک اجمالی نگاہ

یہ ساری تصاویر دی گارجین اخبار میں شائع ہوئی ہیں اور ان کے عکاس شَون اسمتھ ہیں۔ انہیں یہاں پیش کرنے کا مقصد اس شہر اور اس شہر کی زندگی کا تعارف دینا ہے نہ کہ کسی حقِ طبع و نشر کی تنقیص۔ تمام تصاویر مندرجہ ذیل ربط سے لی گئی ہیں۔
http://www.theguardian.com/cities/g...n-the-edge-of-existence-in-pictures?CMP=fb_gu

تمبکتو کی مٹی سے ساختہ جینگری بیر مسجد میں جمعے کی نماز کے بعد کا منظر۔ یہ مسجد بادشاہ موسیٰ اول کے حکم سے ۱۳۲۷ء میں تعمیر ہوئی تھی۔


تمبکتو کا ورودی راستہ۔۔ یہاں نقل و حمل زیادہ تر خروں کے توسط سے ہوتی ہے اور آبادی کے بارے میں گمان ہے کہ وہ پندرہ ہزار نفور سے نیچے جا چکی ہے۔


جینگری بیر مسجد کا ۷۶ سالہ موذن صبح کی اذان دینے کے بعد۔۔۔


شہر کی حدود کے باہر کھلی فضا میں واقع مذبح خانے میں شرکتِ قصاباں کا ۶۸ سالہ سربراہ


تمبکتو سے دریائے نائجر تک بارہ میل لمبی شکستہ حال سڑک کے ذریعے پہنچنے میں آدھا گھنٹا لگتا ہے۔ یہاں عالمی غذائی لائحۂ عمل (ورلڈ فوڈ پروگرام) کی بوریاں دریا کے راستے ضرورت مندوں کو پہنچانے کے لیے کشتی میں لادی جا رہی ہے۔


جینگری بیر مسجد کا موذن مسجد کے ایک داخلی دروازے کے سامنے کھڑا ہے۔


شہر کے وسط میں اقوامِ متحدہ پولیس پیدل گشت کرتے ہوئے۔۔۔ فرانس کی جنوری ۲۰۱۳ء میں فوجی مداخلت کے بعد، اقوامِ متحدہ نے بھی یہاں اپنے دس ہزار فوجی مستقر کیے ہیں۔


تمبکتو کا مذبح خانہ۔۔


تمبکتو میں مساجد اور پرانی عمارات پانی سے آمیختہ مٹی سے بنائی جاتی ہیں جسے 'بانکو' کہا جاتا ہے۔ عمارت سازی کی اس روش کو یونسیکو نے عالمی میراث کی فہرست میں شامل کیا ہوا ہے۔


یہ پینتیس سالہ عورت اپنے گھر کی بنیادی کفیل ہے۔ یہ برف اور مشروبات بناتی ہے اور کپڑے اور ملبوسات فروخت کرتی ہے۔


رضاکار مسجد کے قریب سے کچرا ہٹا رہے ہیں۔ شہر کا زیادہ تر کچرا صحرا میں پھینکا جاتا ہے۔
۔

شہر کے واحد باشگاہِ شبانہ (نائٹ کلب) کا ڈی جے آواز کا معائنہ کر رہا ہے۔

ایک بچہ شہر کے مضافات میں باقی ماندہ کنوئیں سے پانی لے کر جا رہا ہے۔


ایک آدمی 'بانکو' مٹی کے لیے کھدائی کرتے رہنے کے بعد سستاتے ہوئے۔۔۔


جاری ہے۔۔۔

گرمیوں میں درجۂ حرارت کے زیادہ رہنے کی وجہ سے شہر کے لوگ اکثر نصفِ شب تک باہر باہم وقت گزارتے ہیں۔


مرحوم کرنل قذافی کا ایک دہائی قبل خریدا ہوا ہوٹل۔۔۔ سابق لیبیائی رہنما نے ۲۰۰۶ء میں تمبکتو میں دریائے نائجر تک نہر کھدوائی تھی۔


دریائے نائجر کے کنارے مچھلیوں کے پکڑے جانے کا انتظار ہو رہا ہے۔


شہر کا مقامی تاریخ دان




ایک پرانے ٹرک میں لوگ، سامان اور مویشی ٹھونس کر تمبتکو لے جائے جا رہے ہیں۔


رمضان کے ابتدائی دنوں میں کچھ بچے مویشیوں کے سینگ پہن کر کھیل رہے ہیں۔


جینگری بیر مسجد کے سامنے سے دو بچے گذر رہے ہیں۔ اس مسجد کی سالانہ مرمت کے لیے بیس لوگ درکار ہوتے ہیں۔


اقوامِ متحدہ پولیس کے جوان خر کشیدہ اسباب جاتے دیکھ رہے ہیں۔


تمبکتو کے قرآنی مدرسے کا استاد چوبی تختی پر بچوں کے پڑھنے کے لیے مقدس کتاب کی کچھ آیات لکھ رہا ہے۔


اقوامِ متحدہ کی بکتربند گاڑی دریائے نائجر پر گشت کے بعد شہر کی حدود میں واپس داخل ہو رہی ہے۔


ایک بچہ کچے گوشت کو مذبح خانے سے بازار پہنچا رہا ہے جبکہ دوسرا بچہ کرسٹیانو رونالڈو کی قمیص پہنے اور ہاتھ میں ایک بڑی چھری لیے پیچھے چل رہا ہے۔


گلوکار اور رقاص تکراری مشق کرتے ہوئے۔۔۔


عمارتِ بلدیہ کے سامنے مظاہرین احتجاج کرتے ہوئے۔۔۔


جینگری بیر مسجد ریتی طوفان (سینڈ اسٹارم) کے دوران۔۔۔ صحرا آہستہ آہستہ شہر کی شمالی حدود تک پہنچ رہا ہے جس کی وجہ سے شہری زندگی کی مشکلات میں اضافہ ہو رہا ہے۔


ختم شد!

ہمیشہ کی طرح معلوماتی ، دلچسپ اور زبردست

زبردست شراکت، جیتے رہیے

بہت خوب، شکریہ

بہت خوب، زبردست شراکت جناب

بہت شکریہ حسان بھائی
ایک بات کوئی واضح کردے کہ افریقن عورتیں غربت میں بھی بہت موٹی ہوتی ہیں
جبکہ مرد نارمل کیا وجہ ہے؟

x boy نے کہا:

بہت شکریہ حسان بھائی
ایک بات کوئی واضح کردے کہ افریقن عورتیں غربت میں بھی بہت موٹی ہوتی ہیں
جبکہ مرد نارمل کیا وجہ ہے؟

مزید نمائش کے لیے کلک کریں۔۔۔

جینیاتی اثر ہے غالباً

حسان خان بھائی کی انتہائی اہم دریافت

لیجیے ہم بھی بی بی سی سے ایک اقتباس پیش کرتے ہیں

’’ٹمبکٹو کا نام سنتے ہی ذہن میں ایک پراسرار، رومانوی اور دیومالائی مقام کا تصور آ جاتا ہے۔

بہت سوں کا تو یہ خیال تھا کہ شاید یہ کسی جغرافیائی مقام نہیں بلکہ کوئی داستانوی نام ہے۔

اسی بارے میں

• مالی: اتحادی افواج کا ٹمبکٹو پر کنٹرول مکمل
• مالی میں اتحادی افواج کا ٹمبکٹو پر قبضہ
• ٹمبکٹو: تاریخی زیارت گاہ پر حملہ

متعلقہ عنوانات

• دنیا,
• افریقہ

لیکن آج کل خبروں میں ٹمبکٹو کا نام تواتر سے آنے کی وجہ سے بہت سے لوگوں کو پہلی بار یہ معلوم ہوا ہے کہ یہ افریقی ملک مالی کا اینٹ پتھر سے بنا ہوا شہر ہے جہاں ہماری آپ ہی کی طرح کے انسان رہتے ہیں۔

آکسفرڈ ڈکشنری میں ٹمبکٹو کا مطلب لکھا ہوا ہے ایسی جگہ جو بے حد دور افتادہ، دشوار گزار اور دنیا کے دوسرے کونے پر آباد ہو۔ مثال کے طور پر کہا جاتا ہے، ’ارے بھائی، دو ماہ سے تمھارا کوئی اتا پتا نہیں، کہیں ٹمبکٹو تو نہیں چلے گئے تھے؟‘

انگریزی زبان میں یہ لفظ انیسویں صدی میں ان معنی میں استعمال ہونا شروع ہوا۔ اس کے بعد سے الفریڈ ٹینی سن، ڈی ایچ لارنس اور اگاتھا کرسٹی جیسے مشاہیر نے اسے اپنی تحریروں میں استعمال کیا ہے۔

اب سوال یہ پیدا ہوتا ہے کہ آخر ٹمبکٹو کا یہ مطلب کیسے پیدا ہو گیا کیوں کہ دنیا میں اس سے بھی زیادہ دور افتادہ اور دشوار گزار جگہیں موجود ہیں؟

ٹمبکٹو شہر کو 12ویں صدی میں طوارق قوم نے آباد کیا تھا۔ یہ شہر سونے اور نمک کے تجارتی قافلوں کی گزرگاہوں کے سنگم پر واقع تھا، اس لیے کچھ ہی عرصے کے بعد یہ پھلنا پھولنا شروع ہو گیا اور تمام علاقے کا سب سے مالدار اور اہم شہر بن گیا۔

اس شہر کی ثروت مندی کے قصے جب یورپ پہنچے تو وہاں کے مہم جوؤں اس تک پہنچنے کے لیے کمربستہ ہو گئے۔

تاہم ٹمبکٹو چوں کہ صحرائے اعظم صحارا کے اندر واقع تھا اس لیے بہت سی مہماتی ٹیمیں یہاں تک پہنچنے میں ناکام رہیں اور صحرا میں بھٹک کر رہ گئیں۔

ٹمبکٹو: پراسراریت کی وجوہات

• ٹمبکٹو صدیوں تک یورپ کی پہنچ سے باہر رہا
• اس کی دولت کے قصے دور دور تک مشہور تھے
• آج کے ترقی یافتہ دور میں بھی ٹمبکٹو تک پہنچنا آسان نہیں
• لفظ ٹمبکٹو کی صوتیات ہی ایسی ہیں کہ جس سے ذہن میں ایک عجیب و غریب مقام کا تصور پیدا ہوتا ہے

آکسفرڈ یونیورسٹی کے ایڈیٹر رچرڈ شپیرو کہتے ہیں کہ سب سے پہلے یورپی 1830 میں ٹمبکٹو پہنچے۔ اس سے پہلے یورپ میں صرف اس شہر کا تذکرہ صرف ان مہم جو ٹیموں کے حوالے سے ہوتا تھا جو وہاں پہنچنے میں ناکام رہیں:

’1820 میں لوگ کہتے تھے کہ یہ طرابلس سے 60 دنوں کی مسافت پر واقع ہے جس میں سے چھ دن ایسے آتے ہیں جب پانی دستیاب نہیں ہوتا۔‘

شپیرو کہتے ہیں کہ انگریزوں کا خیال تھا کہ ٹمبکٹو سے انھیں ایسی مال و دولت ملے گی جیسے سپین کو جنوبی امریکہ میں حاصل ہوئی تھی۔ تاہم وہ صدیوں کی کوششوں کے باوجود وہاں پہنچنے میں ناکام رہے اس لیے اس شہر کا مطلب ہی کسی ناقابلِ حصول جگہ کے مترادف ہو گیا۔

ٹمبکٹو وسطی افریقہ میں اسلامی تہذیب کا مرکز رہا ہے۔ یہاں پر جامعہ سنکوری کے نام سے ایک دینی یونیورسٹی قائم تھی جہاں دور دراز سے طلبہ حصولِ علم کے لیے آتے تھے۔

یہاں کی 60 کتب خانوں میں سات لاکھ سے زائد صدیوں پرانی کتب موجود ہیں۔ اس کے علاوہ درجنوں تاریخی عمارات ہیں جن کا طرزِ تعمیر اپنی مثال آپ ہے۔ یونیسکو نے ٹمبکٹو کو عالمی ورثہ قرار دے رکھا ہے۔

2012 کے شروع میں مبینہ طور پر القاعدہ سے وابستہ انصار داعین گروہ نے شہر پر قبضہ کرنے کے بعد کئی تاریخی زیارت گاہوں کو مسمار کر دیا تھا۔ ان کا یہ کہنا تھا کہ شریعت چھ انچ سے زیادہ ابھری ہوئی قبروں کی اجازت نہیں دیتی۔

منگل کے روز مالی میں فرانس کی سربراہی میں مسلمان شدت پسندوں کے خلاف کارروائی کرنے والی افواج نے ٹمبکٹو کا محاصرے کے بعد شہر پر مکمل کنٹرول حاصل کر لیا۔‘‘

وقت اشاعت: منگل 29 جنوری 2013 ,‭ 12:52 GMT 17:52 PST
ربط

بہت خوب، اور بہت معلوماتی۔۔۔ بہت اچھی سیر کروا دی آپ نے ۔۔۔ ہمیشہ خوش رہئیے۔۔۔۔

واہ مزا آگیا
محمد خلیل الرحمن جناب

معلوماتی اور دلچسپ ۔۔

بہت معلوماتی۔۔۔ آپ دونوں کا شکریہ۔۔۔۔ مزید کا انتظار رہے گا۔۔۔۔
تصویروں سے بہت زیادہ غربت ٹپک رہی ہے۔۔۔۔

بہت خوب!

ہمیشہ کی طرح لازوال تحریر

صاحبو! نہ کمال ہمارا نہ تحریر ہماری۔ وہ تو حسان بھائی نے تمبکتو کی تصویریں لگا کر کمال کیا تو ہمارا ماتھا ٹھنکا کہ کہیں یہ وہی ٹمبکٹو تو نہیں جسے ہم ایک پراسرار اور دور دراز کی جگہ سمجھتے تھے۔ گوگل کیا تو بی بی سی کے الفاظ نے ہمیں اور بھی چونکا دیا۔

’’ٹمبکٹو کا نام سنتے ہی ذہن میں ایک پراسرار، رومانوی اور دیومالائی مقام کا تصور آ جاتا ہے۔
بہت سوں کا تو یہ خیال تھا کہ شاید یہ کسی جغرافیائی مقام نہیں بلکہ کوئی داستانوی نام ہے۔‘‘

یعنی یہ تو بقول شاعر وہی بات ہوئی
پورا مضمون پڑھ جائیے اور سوچتے رہ جائیے کہ یہ تو ہمارا بھی تصور تھا ٹمبکٹو کے بارے میں۔ کیا کہتے ہیں احباب و اربابِ اختیار؟

مالی کے مالی حالت آجکل کچھ ٹھیک نہیں ہیں۔ کسی زمانہ میں یہ بہت امیر ملک ہوا کرتا تھا۔

arifkarim نے کہا:

مالی کے مالی حالت آجکل کچھ ٹھیک نہیں ہیں۔ کسی زمانہ میں یہ بہت امیر ملک ہوا کرتا تھا۔

مزید نمائش کے لیے کلک کریں۔۔۔

برصغیر کی طرح اس کو بھی یورپی ممالک نے لوٹا، یہاں بھی کچھ لوگ برصغیر کی طرح ہونگے۔

x boy نے کہا:

برصغیر کی طرح اس کو بھی یورپی ممالک نے لوٹا، یہاں بھی کچھ لوگ برصغیر کی طرح ہونگے۔

مزید نمائش کے لیے کلک کریں۔۔۔

برطانیہ میں آنے والے صنعتی انقلاب کے بعد بہت سے قدیم ممالک کی معیشتیں ویسے ہی لُٹ گئیں تھیں کہ انسانوں کی جگہ اب مشین نے لے لی تھی۔ اسکام کیلئے کسی سازش کا ہونا ضروری نہیں۔
http://ur.wikipedia.org/wiki/صنعتی_انقلاب