زم زم کا ایک گھونٹ

٭ زم زم کے متبرک پانی سے لاعلاج بیماریاں‘ پریشانیاں‘ تکلیفیں‘ دکھ درد ایسے دور ہوں جیسے کبھی ہوئے ہی نہ تھے۔ یہ عمل خاص طور پر تین امراض کیلئے بہت ہی کارآمد ہے۔​

3۔ ایسی لاعلاج بیماریاں جن کو ا سپیشلسٹ ڈاکٹروں نے لاعلاج قرا ر دے دیا ہو‘ ذہنی‘ جسمانی‘ ٹینشن ‘ایگزائٹی ایسٹریس‘ سر سے لے کر پاؤں تک کے ایسے روگ جو کسی سے بیان نہ کرسکتے ہوں یا بیان کرکر کے تھک گئے ہوں ان تمام مسائل کیلئے یہ عمل بہترین ہے ۔بس فائدہ صرف اس کو ہوگا جو یقین سے کرے گا‘ متواتر کرے گا ‘توجہ سے کرے گا ‘روز کرے گا اور واقعی اعتماد سے کرے گا۔
طریقہ عمل:ایک گھونٹ خالص زم زم کا پانی اس طرح پینا ہے کہ چند قطروں کی چسکی منہ میں لیتے ہوئے دعا پڑھنی ہے۔ آپ کو رزق کا مسئلہ ہے تو رزق والی دعا پر توجہ ڈالیں‘ علم کے مسائل ہیں تو علم والی دعا پر توجہ ڈالیں اور بیماری کے مسائل ہیں تو بیماری والی دعا پر توجہ ڈالیں پھر دوسری چسکی لیں اور اسی طرح دعا پڑھیں اور اپنی مطلوبہ مشکل کا تصور کریں‘ اسی طرح ایک گھونٹ کو چالیس چسکیاں بنائیں اور چالیس دفعہ یہ دعا بھی ساتھ پڑھیں۔ اس طرح یہ عمل صبح و شام کریں‘ چاہیں تو دن میں کئی بار بھی کرسکتے ہیں جتنا گڑڈالیں گے اتنا میٹھا۔
دعا یہ ہے:۔اَللّٰھُمَّ اِنِّیْ اَسْئَلُکَ عِلْمًا نَافِعًا وَرِزْقًا وَاسِعًا وَشِفَآءً مِنْ کُلِّ دَا ئٍ۔ (مستدرک حاکم) ۔یہ عمل چالیس‘ ستر یا نوے دن جاری رکھیں۔ ساری زندگی کا عمل بھی بناسکتے ہیں۔
زم زم کی فضیلت: زم زم کا چشمہ اسماعیل علیہ السلام کے قدموں سے جاری ہوا۔اس مبارک پانی سے حضورﷺ کے قلب اطہر کو دھویا گیا(صحیح بخاری)۔ آپ ﷺ نے اپنا لعاب مبارک زم زم کے کنوئیں میں ڈالا۔(طبرانی‘ مسنداحمد)۔ حدیث کے مطابق زم زم کا پانی ہر بیماری سے شفاء ہے(طبرانی‘مجمع الزوائد)۔ زم زم کو دیکھنا بھی عبادت ہے اور گناہ صغیرہ دھونے کا ذریعہ ہے(جامع صغیر‘ نسائی)۔ یہ مبارک پانی کائنات کا بہترین پانی ہے بھوک اور پیاس دونوں کو مٹاتا ہے ۔ (ابن حبان‘ طبرانی)۔ زم زم پینا نفاق کا علاج ہے اور اس کو دیکھنا بینائی کو بڑھاتا ہے۔(المقاصد الحسنۃ)
٭ زم زم اور جدید سائنس: آب زم زم میں درج ذیل معدنی اجزاء کا مرکب موجود ہے:۔ میگنیشیم سلفیٹ‘ سوڈیم کلورائڈ‘ کیلشیم کاربورنیٹ‘ پوٹاشیم نائٹریٹ‘ ہائیڈروجن سلفائیڈ‘ سوڈیم سلفیٹ۔
بااجازت: شیخ الوظائف حضرت حکیم محمد طارق محمود مجذوبی چغتائی دامت برکاتہم العالیہ
دفتر ماہنامہ ’’عبقری ‘‘ لاہورفون نمبر:042-37552384-0322-4688313
دنیا بھر میں سکون‘ عافیت و امن پھیلانے کے لیے درس براہ راست سنیے۔www.ubqari.org​