اردو خطاطی اور تھری ڈی ایفیکٹس

جملہ احبابِ محفل کو السلام علیکم۔

میرا استفسار ہے کہ اگر ہم کسی اردو لفظ کو شفاف پی این جی فارمیٹ میں محفوظ کرلیں اور بعد ازاں اس پر
تھری ڈی ایفیکٹ اپلائی کرنا چاہیں تو اس کا آسان ترین حل کیا ہے۔
چونکہ میں کورل ڈرا سے نابلد ہوں اس لیے کسی اور سافٹ ویئر کا حوالہ دیں تو عنایت ہو گی۔
 

اسد

محفلین
آسان جواب: کوئی آسان طریقہ نہیں ہے۔

مشکل جواب: ٹیکسٹ پر 3D ٹیکسٹ ایفیکٹ ڈالنے کا آسان طریقہ یہی ہو سکتا ہے کہ اسے ٹیکسٹ ہی رکھا جائے۔ جب آپ نے اسے پی این جی فورمیٹ میں سیو کر دیا تو وہ ٹیکسٹ نہیں رہا بلکہ تصویر بن گئی۔ اب اگر آپ اس تصویر پر 3D ایفیکٹ ڈالیں گے تو وہ تصویر کا 3D ایفیکٹ ہو گا اور پوری تصویر پر لاگو ہو گا-

اگر کوئی پروگرام یہ کام کر بھی سکتا ہے تو وہ شاید ہی پی این جی فورمیٹ امپورٹ کرے، غالباً کسی ویکٹر فورمیٹ کی ضرورت ہو گی (مثلاً Xara 3D میں EMF اور WMF امپرٹ ہو سکتی ہیں)، اور اس فائل میں بِٹ‌میپ ڈیٹا نہیں ہونا چاہئیے۔

عام طور پر 3D ٹیکسٹ کے لئے لوگ آن لائن ٹولز استعمال کرتے ہیں، لیکن ان میں سے کوئی بھی کسی اردو فونٹ کو سپورٹ نہیں کرتا، یہاں تک کہ بعض سائٹس Arial فونٹ استعمال کرنے پر بھی اردو ٹیکسٹ پر 3D ایفیکٹ نہیں دے سکتیں۔

اگر تو یہ صرف ایک دفعہ کی بات ہے تو بہتر ہو گا کہ ٹیکسٹ اور پی این جی فائل اپلوڈ کر کے اس کا ربط فراہم کر دیں، جو 3D ایفیکٹ اپلائی کرنا چاہتے ہیں اس کی مثال فراہم کریں(کسی ویب پیج کا ایڈریس جس پر یہ ایفیکٹ استعمال ہوا ہو)، اور لوگوں سے درخواست کریں کہ اس سلسلے میں آپ کی مدد کریں۔ لیکن اگر یہ ایک دفعہ کی بات نہیں ہے تو میں یہ مشورہ دوں گا کہ آپ گمپ(GIMP) استعمال کرنا سیکھیں اور اس میں پلگ انز استعمال کر کے اپنا کام سرانجام دیں۔ گمپ فری سوفٹویئر ہے، اس کے اپنے پلگ انز بھی ہیں اور یہ فوٹوشاپ کے بہت سے پلگ انز بھی استعمال کر سکتا ہے۔ بیشتر کمرشل گرافک ایپلیکیشنز کے بر عکس گمپ اردو کو مکمل طور پر سپورٹ کرتا ہے۔
 
آخری تدوین:

اسد

محفلین
گمپ میں تیار کردہ چند مثالیں:
uwo01.jpg

uwo02.jpg

uwo03.jpg

uwo04.jpg

uwo05.jpg
 
شکریہ اسد بھائی۔
درست فرمایا آپ نے کہ PNG فارمیٹ میں تبدیل شدہ ٹیکسٹ ، دراصل بٹ میٹ امیج میں تبدیل ہو جاتی ہے مگر میرا بنیادی استفسار یہ ہے کہ وہ اردو ٹیکسٹ جسے ہم شفاف بیک گراونڈ کے ساتھ محفوظ کر لیں ، کیا اس پر تھری ڈی ایفیکٹس استعمال ہو سکتے ہیں؟ فوٹو شاپ میں کیا گیا میرا کام اکثر وہ نتائج فراہم نہیں کرتا جو شاید ایک ویکٹر گرافکس پرگرام کرتا ہے۔
 

اسد

محفلین
وہ اردو ٹیکسٹ جسے ہم شفاف بیک گراونڈ کے ساتھ محفوظ کر لیں ، کیا اس پر تھری ڈی ایفیکٹس استعمال ہو سکتے ہیں؟
جی ہاں، ویکٹر گرافکس پروگرامز میں شفاف PNG پر 3D ایفیکٹس استعمال ہو جاتے ہیں۔ امپورٹ شدہ فائل میں شیپ ہو گی اور اس پر 3D ایفیکٹ استعمال ہو جائیں گے۔ لیکن یہ کام ٹیکسٹ پر ایفیکٹ استعمال کرنے سے زیادہ مشکل ہو گا۔ کیونکہ آپ اڈوبی فوٹوشاپ استعمال کر رہے ہیں لہٰذا آپ کے لئے اڈوبی السٹریٹر استعمال کرنا نسبتاً آسان ہو گا۔ آپ شاید خطاطی سکین کر کے اس پر ایفیکٹ استعمال کرنا چاہتے ہیں، ایسی صورت میں ویکٹر گرافکس پروگرام ہی کارآمد ثابت ہو گا۔
 

اسد

محفلین
گمپ میں:

3d-eff_01.jpg


3d-eff_04.jpg


3d-eff_07.jpg


میرے پاس صرف چند فلٹرز اور پلگ انز ہیں اور وہ بھی میں عام طور پر استعمال نہیں کرتا۔
ایک فلٹر 'Glossy Metal 3D Text' ہے اور http://gimpscripts.com/2013/05/glossy-metal-3d-text/ سے ڈاؤنلوڈ کیا جا سکتا ہے۔
دوسرا فلٹر '3D Metal Text' ہے اور http://gimpscripts.com/2012/01/3d-metal-text/ سے ڈاؤنلوڈ کیا جا سکتا ہے۔
زپ فائلوں کو ایکسٹریکٹ کر کے PY، SCM فائلوں کو گمپ کی پلگ ان ڈائریکٹری میں کوپی کر دیں۔ اگلی مرتبہ گمپ چلانے پر یہ فلٹرز مینیو میں 'Alpha to Logo' کے تحت دستیاب ہوں گے۔
 
آخری تدوین:
میں انکسکیپ تو استعمال کر رہا ہوں مگر صرف ٹیکسٹ ٹائپنگ کی حد تک۔ اس سے زیادہ اس کے بارے میں نہیں جانتا کہ اس میں یہ فلٹرز کیسے اپلائی کرتے ہیں۔ براہِ کرم راہنمائی کریں۔
 

اسد

محفلین
میں انکسکیپ تو استعمال کر رہا ہوں مگر صرف ٹیکسٹ ٹائپنگ کی حد تک۔ اس سے زیادہ اس کے بارے میں نہیں جانتا کہ اس میں یہ فلٹرز کیسے اپلائی کرتے ہیں۔ براہِ کرم راہنمائی کریں۔
انک سکیپ میں PNG فائل اوپن کریں، نمودار ہونے والی ونڈو میں embed سلیکٹ کر کے OK پر کلک کریں۔ امپورٹ ہونے والی امیج کو سلیکٹ کریں اور فلٹرز مینیو میں سے مختلف فلٹرز سلیکٹ کر کے دیکھیں۔

انک سکیپ میں بنائے ہوئے پہلے امیج میں فلٹر کرنے سے پہلے اس میں سرخ رنگ بکٹ-فل کیا تھا اور پھر سلیکٹ-آل کر کے گروپ کیا تھا۔
 
آخری تدوین:
Top