اس صفحہ پر میں آپ کو بلاگر ڈاٹ کام پر اردو بلاگ سیٹ اپ کرنے کے متعلق بنیادی معلومات پیش کروں گا۔ تفصیلات کے لیے یہاں سے رجوع کریں۔

بنیادی معلومات

بلاگر پر اردو بلاگنگ شروع کرنے سے پہلے ذیل کا علم ہونا ضروری ہے:



HTML یا Hypertrext Markup Language ویب کی زبان ہے۔ ہر ویب پیج HTML کی مدد سے بنایا جاتا ہے۔CSS یا Cascading Style Sheets وہ سکرپٹنگ کی زبان ہے جس کی مدد سے ویب پیج کے ڈسپلے کے ہر پہلو کو تبدیل کیا جاسکتا ہے۔بلاگر ڈاٹ کام پر مؤثر اردو بلاگنگ کے لیے CSS کا علم خاص طور پر فائدہ مند ہے۔ بلاگر ڈاٹ کام کی ٹیمپلیٹس کو اردو کے سانچے میں ڈھالنے کے لیے CSS کا علم بنیادی اہمیت کاحامل ہے۔HTML اور CSS سیکھنے کے لیے ذیل کے لنکس ضروری معلومات مہیا کرتے ہیں۔

جاواسکرپٹ ویب پیجز کے استعمال کے نکتہ نظر سے ایک اہم زبان ہے اور اس کا علم بلاگ کے ٹیمپلیٹ کی customization میں بہت مددگار ثابت ہو سکتا ہے۔ ذیل کے لنکس جاوا سکرپٹ سے متعلق اہم معلومات فراہم کرتے ہیں۔



بلاگر ڈاٹ کام پر بلاگز کچھ مخصوص ٹیگز کا استعمال کرتے ہیں جن کی مدد سے کسی بھی بلاگ کے مختلف ڈیٹا تک رسائی ہوتی ہے۔ بلاگر کے ٹیگ دیکھنے میں HTML ٹیگز جیسے ہوتے ہیں۔ فرق یہ ہے کہ بلاگر کے ٹیگز case sensitive ہوتے ہیں۔ ذیل کے لنکس پر آپ کو بلاگرٹیگز کے بارے میں ضروری معلومات مل جائیں گی۔

بنیادی معلومات کے حصول کے بعد تفصیلات سے رجوع کریں۔



اب یہ تو ظاہر ہے کہ اردو بلاگنگ کا سب سے پہلا مرحلہ اپنے کمپیوٹر پر بنیادی اردو سیٹ۔اپ کرنا ہے۔ اس مقصد کے لیے یہاں اور یہاں سے رجوع کریں۔



اگرچہ بالا کی معلومات اردو بلاگنگ شروع کرنے کے لیےکافی ہیں، میری دانست میں مضمون نویسی کا بنیادی علم بھی بلاگنگ کے لیے مفید ہے۔ یہ سچ ہے کہ ہر ایک کے لکھنے کا اپنا انداز ہوتا ہے۔ مجھے بعض اوقات لکھنے کے بعد احساس ہوتا ہے کہ جو کچھ میں نے لکھا ہے اس کا تو کوئی سر پیر ہی نہیں ہے۔بلاگنگ بنیادی طور پر آن لائن صحافت ہے۔ عام صحافت کی مانند بلاگ بھی اپنے لکھے جانے کے انداز سے پہچانے جاتے ہیں۔ کسی خبر یا واقعہ پر تبصرے سے قبل اس کی کچھ تحقیق مناسب ہوتی ہے۔ مذہبی اور تاریخی نوعیت کے موضوعات خاص طور پر حساسیت کی حامل ہوتی ہیں اور ان کی اشاعت کے بعد عام طور پر بڑے پیمانے پر مثبت یا منفی ردعمل سامنے آتا ہے۔ اس کی ایک مثال آن لائن رسالہ چوک∞ ہے جہاں پاکستانی اور بھارتی مذہبی اور تاریخی موضوعات پر مسلسل برسرپیکار رہتے ہیں۔