2016 کیا کھویا کیا پایا

[محمد احمد رضا ایڈووکیٹ]

قبلہ کیا قرآن کے مطابق مزاح غلط ہے ؟؟؟؟ چلیں اس پر گفتگو ہو گی، مجھے زمرہ جات سلیکٹ کرنے کی ترکیب کے فوٹو شوٹ بنا کر ای میل کر دیں، اس پر بھی تحریر ارسال کرتا ہوں۔ ان شاء اللہ

 

[محمد خرم یاسین]

اچھا ہے موضوع مگرمتفرقات میں؟

پچھلے سال ارادہ کیا تھا اچھی متوازن مثبت سوچ کو اپنانا ہے جس میں کافی حد تک کامیاب ہوں ۔ اس سال اِرادہ ہے کہ کچھ ایسا کام کرسکوں جس سے مجھے خود پر فخر نصیب ہو ۔ شاید کسی کی خدمت ، یا ایسی نیکی جس کی توفیق ہے ۔عملی میدان میں ترقی کی خواہش رکھی ہے ۔ آگے کی جستجو ہی زندہ رکھتی ہے ۔ اللہ مجھے کامیاب کرے ! آمین ۔

آمین۔

 

[محمد خرم یاسین]

اللہ

وَتِلْكَ الْأَيَّامُ نُدَاوِلُهَا بَيْنَ النَّاسِ
ہم دنوں کو لوگوں کے درمیان پھیرتے رہتے ہیں (القرآن)۔
سب سے پہلے تمام احباب کو سال نو مبارک ہو۔ آج آنکھ کھلی موبائل پر نظر پڑی تو حسب توقع سال نو کی مباکباد اور دعاؤں کے پیغامات منتظر تھے۔ ہمارے ہاں سال نو کا آغاز اسی طرح ہوتا ہے۔ پہلے زبانی کلامی، پھر فون کا دور آیا تو کسی کو فون کھڑکا دیا، موبائل آیا تو پیغامات اور اب سوشل میڈیا پر تصاویر دعاؤں اور سو طریقوں سے سال نو کی مبارکباد دی جاتی ہے۔ پاکستان میں عمومی طور پر سال کا بدلنا کچھ ایسا خاص نہیں ہوتا۔ یہ ایک معمول کا دن ہوتا ہے۔ جب سال گزشتہ کا سورج غروب ہوتا ہے، رات ڈھلتی ہے، ہم سوجاتے ہیں۔ اگلے دن تاریخ بدل کر نیا سال شروع ہوجاتا ہے۔ ہمارے معمولات جوں کے توں ہی ہوتے ہیں۔ پنجابی مقولے کا مفہوم ہے "وہی کلہاڑی اور وہی اسی کی ہتھی"۔ بڑے شہروں میں اب باقی دنیا کی طرز پر بحریہ ٹاؤن والے کچھ احباب کی تفریح کے لیے کچھ شغل کرتے ہیں جس سے انہیں نئے سال کے شروع ہونے کی نوید ملتی ہے۔
پیغامات کی بات کی جائے تو ملتے جلتے مبارکبادی اور دعائیہ پیغامات میں کچھ دلچسپ پیغام بھی ملے۔ جیسے ایک انگریزی پیغام تھا " ایک چھوٹی سی یاد دہانی۔ نئے سال کے آغاز پر بہت زیادہ پرجوش ہونے کی ضرورت نہیں ہے۔ کیلینڈر بدلنے کے علاوہ کچھ نہیں بدلے گا، وہی بیوی، باس، تنخواہ، نوکری اور اس کے ٹارگٹس ہوں گے"۔
کچھ کے نزدیک یہ غیر اسلامی سال ہے اور اس کی مبارکباد دینا بھی درست نہیں۔ کسی نے کہا آپ کی مبارکباد پرانی ہوچکی ہمارا سال تین ماہ پہلے شروع ہو چکا ہے۔ یہ تجربہ پیغامات سے ہٹ کر حقیقت میں پچھلے سال ہوا جب دفتر میں احباب کو نئے سال کی مبارکباد دی تو اس قسم کے جواب ملے۔ فقیر کی گزارش یہ ہے کہ کیا سال اور دن بھی مسلمان اور غیر مسلم ہوتے ہیں؟ حد ہوگئی بھئی۔ یہ شمسی اور قمری سال ہیں۔ پیمائش کے لیے ایک کا پیمانہ حضرت عیسی علیہ السلام کی پیدائیش اور دوسرے کا ہجرت نبوی ہے۔ کیا اسلام سے پہلے یہ دن اور مہینے نہیں تھے؟ یہودی دس محرم کا روزہ رکھتے تھے، حرمت کے مہینے تھے۔ یہاں تک کہ پیارے آقا کریم علیہ الصلوۃ والتسلیم کی پیدائش 12 ربیع الاول اور معراج کی تاریخ 27 رجب کسی طرح شمار کی گئیں؟
خیر قطع نظر اس بحث سے۔ آتے ہیں مدعا کی طرف۔ پچھلے سال ایک نئی بدعت دیکھی تھی۔ "میری نئے سال کی قرارداد"۔ جس میں لوگوں کو اپنے ٹارگٹ، وعدے اور بہت سے پختہ ارادے کرتے دیکھا گیا۔ عرض کی ہم جیسے نیستوں کے لیے یہ کیلنڈر بدلنے سے زیادہ کچھ نہیں ہوتا۔ اور ہم نے زندگی میں آج تک ایسا کوئی کارنامہ سرانجام دیا ہے کہ مزید کا ارادہ کریں۔ لہذا کیا کھویا کیا پایا کے تحت۔ 2015 کے اختتام پر ہم دفتر سے لوٹے، کمرے میں اوندھے منہ لیٹے، اگلی صبح جاگے تو 2016 تھا۔ "وہی کلہاڑی اور وہی ہتھی" کے مقولے کے تحت بستہ پکڑ دفتر کی راہ لی، یہ تھا آغاز۔ اس کے علاوہ کچھ خاص کرنے کی ٹھانی نہیں تھی سو نہیں کیا۔ کچھ نئے دوست ملے جن سے مل کر خوب ہلہ گلہ کیا۔ ایک خواہش جس کے تحت مزارات گھومنے کا عزم کیا تھا، ملتان، اچ شریف، بہاولپور، پاکپتن اور بابا بلھے شاہ کا قصور دیکھا۔ 2016 میں لاہور سے نوکری چھوڑ کر گھر کو پلٹے۔ نئی نوکری شروع کی۔ اور پھر حسب عادت کچھ نیا کرنے کے چکر میں سال کے ختم ہونے سے پہلے نوکری گئی۔
محفل کی نسبت گزشتہ سال کے حوالے سے کچھ کہا جائے تو دسمبر 2015 میں ہم یہاں وارد ہوئے۔ لیکن ورود کے ساتھ ہی غیابت عمل میں آئی۔ جب پلٹے تو جون 2016 رمضان کا مہینہ تھا۔ لہذا 2016 میں ہم اس فورم سے، یہ ہم سے آشنا ہوا۔ محفل پر شب و روز اک ہنگامہ رہتا ہے۔ کوئی آ رہا ہے کوئی جارہا ہے۔ کسی کے پاس نئی خبر ہے تو کسی کے پاس نثر و شاعری۔ کسی کے پاس اس کی تصویریں اور کسی کے پاس بونگیاں۔ لہذا خوب چہل پہل رہتی ہے۔ ہمارے لیے محفل پر دو مواقع بہت اہم تھے۔ جو مدتوں یاد رہیں گے۔ پہلا ہمارے پلٹنے کے چند دن بعد پیش آیا۔ وہ 27 جون کا ہنگامہ خیز دن تھا۔ اس دن کے لیے اتنا کہنا ہی اس کے تعارف کے لیے کافی ہے۔ پہنچنے والے پہنچ چکے ہیں۔ دوسرا مشاعرہ 2016۔
جی تو ہمار ے پاس سال گزشتہ کی نسبت کہنے کو یہی ہے۔ اگر آپ نے نئے سال کی قرارد پیش کی تھی تو کس حد تک اسے پورا کر سکے۔ آپ بھی اپنے احوال شریک محفل کرکے اس سلسلے کو دلچسپ بنا سکتے ہیں۔
دعا ہے رب العزت اس سال کو ہم سب کے لیے اور پوری انسانیت کے لیے امن و آشتی کا سال بنائے۔ ہم سب کو ایک دوسرے سے محبت کرنے اور محبت بانٹنے کی توفیق عطا کرے۔ ہم سب کو اپنے پیاروں کے ساتھ خوشیوں کے لمحات نصیب کرے۔

پچھلے سال کسی کا وٹس ایپ کیفیت نامہ تھا اس پرختم کرتے ہیں کہ،

اے سال گزشتہ پھر سے میری زندگی میں آ
اک شخص کھو گیا ہے تیرے موسموں کے بیچ

اللہ تعالیٰ آپ کے لیے یہ سال مبارک ثابت کرے۔ آمین

 

[محمد خرم یاسین]

اس سال اللہ تعالیٰ نے چاند سی پیاری بیٹی عنایت کی اور اسی کے نصیب کے صدقے نئی ملازمت بھی ملی ۔سیٹ چھوڑتے ہی چند دوستوں کے رویے تبدیل ہوگئے ، اس لیے انھیں خود سے کھودیا۔ باقی سارا سال ایسا ہی گزرا۔بقول شاعر وہی چال بے ڈھنگی سی کل بھی تھی اور آج بھی ہے۔

 

[شاہد شاہنواز]

2016 ۔۔۔ عجیب سال رہا۔۔۔
سارے رشتے ناطے ، سب تعلقات ایک طرف اور ہم دوسری طرف ہیں۔ خدا معلوم حق پر کون ہے اور باطل پر کون؟
بس چلتے جا رہے ہیں ۔۔۔

 

[حسن محمود جماعتی]

قبلہ کیا قرآن کے مطابق مزاح غلط ہے ؟؟؟؟ چلیں اس پر گفتگو ہو گی، مجھے زمرہ جات سلیکٹ کرنے کی ترکیب کے فوٹو شوٹ بنا کر ای میل کر دیں، اس پر بھی تحریر ارسال کرتا ہوں۔ ان شاء اللہ

حضرت قرآن کے مطابق مزاح غلط نہیں ہے۔ قرآن سے مزاح کی بابت عرض کیا تھا۔

 

[حسن داور سراج]

نیا سال انشاللہ خوشیاں لاے گا.....دعا ہے کے جو جہاں ہو محفوظ ہو

 

[فاخر رضا]

دریا پر تیرتے پتے کی طرح خود کو دنیا کی لہروں پر چھوڑ دیا ہے. اس کی مہربانی ہے کہ ڈوبنے نہیں دیتی. جو سامنے آجائے اسکاشکریہ اور جو نہ آئے اس کا بھی شکریہ. نہ کبھی پلاننگ کی نہ کرنے کا ارادہ ہے. جو جیسا چل رہا ہے اس کے ساتھ ساتھ چل رہے ہیں. خدا اسی طرح ایک دن پار لگا دے گا. بس مرنے سے پہلے اپنے محبوب سے ملنے کی خواہش ہے. اگر اس دنیا میں پوری نہ ہوئی تو اگلی دنیا میں تو سب ہی کو آنا ہے وہاں پوری ہو جائے گی. خدا سے کبھی امید نہیں توڑی
اس سال ایک چیز سیکھی اور وہ شئر کررہا ہوں. کبھی پیسے سے دل نہیں لگانا چاہیے. جس انسان کی جتنی مدد کرسکتے ہیں کریں. خدا جب خوش ہوتا ہے تو انسان کو بہت عزت دیتا ہے.

 

[سید لبید غزنوی]

کچھ کے نزدیک یہ غیر اسلامی سال ہے اور اس کی مبارکباد دینا بھی درست نہیں۔

کچھ کے نہیں شریعت کے نزدیک۔۔۔کیونکہ نا رسول مقبول نے منایا نا صحابہ نے اور نا ہی تبع تابعین نے ۔۔۔

پیارے آقا کریم علیہ الصلوۃ والتسلیم کی پیدائش 12 ربیع الاول

میرا خیال ہے آپ پرانے اخبارات کا مطالعہ فرمائیں تو دیکھیں گے پہلے یہ دن ( 12 ربیع الاول ) 12 وفات سے مشہور تھا اور درست بھی یہی ہے کہ آپ 9 ربیع الاول کو پیدا ہوئے تھے ۔۔

مزارات گھومنے کا عزم

یہ ثواب کی نیت سے تھا یا۔۔۔۔؟؟ نیت بتائیں ۔۔پھر میں حدیث پیش کروں گا۔۔۔۔

دعا ہے رب العزت اس سال کو ہم سب کے لیے اور پوری انسانیت کے لیے امن و آشتی کا سال بنائے۔ ہم سب کو ایک دوسرے سے محبت کرنے اور محبت بانٹنے کی توفیق عطا کرے۔ ہم سب کو اپنے پیاروں کے ساتھ خوشیوں کے لمحات نصیب کرے۔

آمین

 

[سید لبید غزنوی]

اچھا ہے موضوع مگرمتفرقات میں؟

پچھلے سال ارادہ کیا تھا اچھی متوازن مثبت سوچ کو اپنانا ہے جس میں کافی حد تک کامیاب ہوں ۔ اس سال اِرادہ ہے کہ کچھ ایسا کام کرسکوں جس سے مجھے خود پر فخر نصیب ہو ۔ شاید کسی کی خدمت ، یا ایسی نیکی جس کی توفیق ہے ۔عملی میدان میں ترقی کی خواہش رکھی ہے ۔ آگے کی جستجو ہی زندہ رکھتی ہے ۔ اللہ مجھے کامیاب کرے ! آمین ۔

متفق۔۔۔۔
اور ایسا کام جس پے آپ فخر کر سکیں ۔۔۔۔ٖآپ اس سال میں درود ابراہیمی پڑھنا شروع کريں اور ٹارگٹ ایک کروڑ رکھیں۔۔۔یہ ایک ایسا کام ہو گا جس پے فخر کر سکیں گی ۔۔
اور پتہ ہے ایک بار پڑھنے سے 10 رحمتیں نازل ہوتی ہیں 10 گنا ہ معاف اور 10 درجات بلند ہوتے ہیں۔۔۔

 

[حسن محمود جماعتی]

کچھ کے نہیں شریعت کے نزدیک۔۔۔کیونکہ نا رسول مقبول نے منایا نا صحابہ نے اور نا ہی تبع تابعین نے ۔۔۔

میرا خیال ہے آپ پرانے اخبارات کا مطالعہ فرمائیں تو دیکھیں گے پہلے یہ دن ( 12 ربیع الاول ) 12 وفات سے مشہور تھا اور درست بھی یہی ہے کہ آپ 9 ربیع الاول کو پیدا ہوئے تھے ۔۔

یہ ثواب کی نیت سے تھا یا۔۔۔۔؟؟ نیت بتائیں ۔۔پھر میں حدیث پیش کروں گا۔۔۔۔

آمین

شاہ جی انتہائی ادب سے گزارش ہے۔ میں پبلک فورمز پہ عوام کے سامنے ایسے مباحثے میں نہیں پڑتا۔ آپ نے جو بھی فتوی صادر فرمانا ہے، فرما دیں۔ فقیر کے لیے قابل قبول ہے۔ لیکن فقیر رائے برائے بحث و مناظرہ و مجادلہ و مقاتلہ میں نہیں پڑتا۔ باتیں اور دلائل بہت ہیں لیکن عوام کے سامنے ہر بات کرنے کی نہیں ہوتی۔ آپ احباب کو اس کا اگر ذرا سا بھی پاس نہیں ہے تو فقیر اس پر کچھ بھی عرض کرنے سے گریزاں و قاصر ہے۔
ہمیں خبر ہے محبت کے سب ٹھکانوں کی
شریک جرم نہ ہوتے تو مخبری کرتے

 

[سید لبید غزنوی]

2016 میں کھویا بہت کچھ ہے مگر امید یقین ہے کہ نیا سال آیا ہے۔تو یقینا بہت سی خوشیاں بھی لایا ہوگا۔ ان شاءاللہ

فَإِنَّ مَعَ الْعُسْرِ يُسْرًا ﴿الانشراح: ٥﴾
پس یقیناً مشکل کے ساتھ آسانی ہے
إِنَّ مَعَ الْعُسْرِ يُسْرًا ﴿الانشراح: ٦﴾
بیشک مشکل کے ساتھ آسانی ہے
لایا ہوگا نہیں ہم اپنی خوشیاں خود لیں گے ان شاء اللہ۔۔۔۔​

 

[سید لبید غزنوی]

شاہ جی انتہائی ادب سے گزارش ہے۔ میں پبلک فورمز پہ عوام کے سامنے ایسے مباحثے میں نہیں پڑتا۔ آپ نے جو بھی فتوی صادر فرمانا ہے، فرما دیں۔ فقیر کے لیے قابل قبول ہے۔ لیکن فقیر رائے برائے بحث و مناظرہ و مجادلہ و مقاتلہ میں نہیں پڑتا۔ باتیں اور دلائل بہت ہیں لیکن عوام کے سامنے ہر بات کرنے کی نہیں ہوتی۔ آپ احباب کو اس کا اگر ذرا سا بھی پاس نہیں ہے تو فقیر اس پر کچھ بھی عرض کرنے سے گریزاں و قاصر ہے۔
ہمیں خبر ہے محبت کے سب ٹھکانوں کی
شریک جرم نہ ہوتے تو مخبری کرتے

اچھا جواب ہے ۔۔۔خوش رہیں۔۔۔میرے پاس آ لیں پھر آپکے سارے کس بل نکالتا ہوں۔۔۔

 

[سید لبید غزنوی]

جیسی گزری، اچھی گزری
جیسی گزرے، اچھی گزرے

لاجواب ۔۔۔سدا اچھی ہی گزرے آپکی بھي ہماری بھی اور ہمارے اس محفل کے تمام ساتھیوں کی بھی ۔۔۔صرف انہی کی نہیں سب مسلمانوں کی ۔۔۔آمین

 

[سید لبید غزنوی]

2016 شاید میری زندگی کا سب سے بہترین سال تھا ۔۔ اس میں مجھے اللہ نے اپنی خاص رحمت کے لیے چُنا ۔۔ بقول شاعر
بیٹیاں سب کے مقدر میں کہاں ہوتی ہیں
گھر جو خُدا کو پسند آئے وہاں ہوتی ہیں
اگر اپنی زندگی پہ نظر دو ڑاوں تو سب سے خاص ، سب سے اہم اور سب سے پیارا تحفہ جو اللہ نے مجھے دیا وہی اس سال کے سب سے سپیشل ہونے کی وجہ ہے ۔۔

آپکے نیک خیالات جان کر بندہ ناچیز کو بہت خوشی ہوئی کہ بیٹی کو رحمت سمجھنے والے ابھي میرے آقاکے نام لیوا زندہ ہیں۔۔بیٹی رحمت ہے ۔۔۔اللہ آپکو غریق رحمت کرے اور اس بیٹی کو آپکے لیے توشہ آخرت بنائے آمین ۔۔۔۔خوش رہیں سلامت رہیں۔۔۔

 

[سید لبید غزنوی]

آپ شاید ایک سال پیچھے ہیں

مراسلے میں تدوین ہو چکی ہے خان صاحب خواب غفلت سے بیدار ہو گئے ہیں۔۔۔

 

[سید لبید غزنوی]

ایک حسرت تھی کھو دیا اُس کو
ایک ہی آرزو ہے، پا لیں گے

ان شاء اللہ وارث بھائی ۔۔۔غم زدہ نا ہوں ۔۔لگن سچی ہو تو اللہ ضائع نہیں کرتے ۔۔آپکو بھی ملے گا سب ان شاء اللہ بہت دعائیں آپکے لیے ۔۔

 

[سید لبید غزنوی]

اسکا تو ہمیں بالکل خیال نہیں تھا.

خان صاحب کوئی بات نہیں غلطیاں انسانوں سے ہی ہوتی ہیں۔۔مزاحیہ بات ہے ۔۔۔میں نے اپنے تعارف میں اپنی تاریخ پیدائش (2۔2۔19900) لکھ ڈالی تھی ۔۔مبارک دینے والے نے بھی کہا تھا ہم شاہ جی کو اپنی پیدائش سے 17885 سال قبل مبارک باد پیش کرتےہیں۔۔۔

 

[حسن محمود جماعتی]

اچھا جواب ہے ۔۔۔خوش رہیں۔۔۔میرے پاس آ لیں پھر آپکے سارے کس بل نکالتا ہوں۔۔۔

کرم نوازی شاہ جی آپ نے پاس رکھا۔

 

[نور وجدان]

متفق۔۔۔۔
اور ایسا کام جس پے آپ فخر کر سکیں ۔۔۔۔ٖآپ اس سال میں درود ابراہیمی پڑھنا شروع کريں اور ٹارگٹ ایک کروڑ رکھیں۔۔۔یہ ایک ایسا کام ہو گا جس پے فخر کر سکیں گی ۔۔
اور پتہ ہے ایک بار پڑھنے سے 10 رحمتیں نازل ہوتی ہیں 10 گنا ہ معاف اور 10 درجات بلند ہوتے ہیں۔۔۔

درود کا مطلب کیا ہے؟ ہر لفظ ایک معانی رکھتا ہے ، درود کے لفظی معانی کیا ہیں ؟