فرقان احمد
محفلین
یوسف سلطان ایسے محفلین میں شمار ہوتے ہیں جو صرف محبتیں بانٹنے پر یقین رکھتے ہیں۔ مثبت ریٹنگز دینے کے معاملے میں نہایت سخی واقع ہوئے ہیں اور ان کی مقبولیت میں اس 'خوبی' نے اضافی کردار ادا کیا ہے۔ بعض اوقات تو خواہ مخواہ ہی سخاوت کا مظاہرہ کرتے رہتے ہیں، اس لیے محفل میں نئے آنے والوں کو بہتر ریٹنگ درکار ہو تو محترم یوسف سلطان سے رابطہ قائم کریں۔ اطلاعات کے مطابق، نہایت درویش منش انسان ہیں اور ان کے ہر دوسرے تیسرے مراسلے سے عاجزی کا اظہار بھی نمایاں ہوتا دکھائی دیتا ہے جو فی زمانہ ایک بہت بڑی خوبی شمار کی جا سکتی ہے اور یہی سادہ مزاجی ان کی شخصیت کو چار چاند لگا دیتی ہے۔ ہم محترم یوسف سلطان کو تین ہزاری منصب کے حصول پر دل کی اتھاہ گہرائیوں سے مبارک باد کا نذرانہ پیش کرتے ہیں۔ 
قبول فرمائیے گا قبلہ!
قبول فرمائیے گا قبلہ!
آخری تدوین:
