گمرہی

[La Alma]

گمرہی

ریگزارِ خیال میں
شوریدہ حال پھروں
گمانِ غالب یہی تھا
کہ اب کےلوحِ ذہن پہ میں نے
سروشِ غیب کی پکار پر
جو تیرے مراتب لکھے تھے
وہ ہونگے دائمی، سرمدی
مگر جب صحرائے خیال میں
فکر کی ہلچل سے
یقین کے ٹیلوں سے ریت پھسلی
تو میں نے اسے نجانے کیوں
ترے وجود کے عدم ثبات سے قیاس کیا
اسی ندائے غیب کی سرزنش سے
قرطاسِ ذہن پہ بکھرے
اب وہ سارے وہم و گماں
تادیب کے لائق ٹھہرے ہیں

 

[رومانہ چوہدری]

خوبصورت خیال

اب وہ سارے وہم و گماں
تادیب کے لائق ٹھہرے ہیں

تعزیرات سے کوئی دفع بھی لگا دینی تھی۔
ازراہ تفتن

 

[La Alma]

خوبصورت خیال

تعزیرات سے کوئی دفع بھی لگا دینی تھی۔
ازراہ تفتن

یہ تو نقاد لگائیں گے

 

[رومانہ چوہدری]

یہ تو نقاد لگائیں گے

محو انتظار

 

[محمد خرم یاسین]

عمدہ خیالات ہیں

 

[فلک شیر]

گمرہی

ریگزارِ خیال میں
شوریدہ حال پھروں

ابھی سفر جاری ہے ؟
دوسرا سوال یہ کہ نجانے کیوں کہہ کر جسٹیفائی کیا جا رہا ہے یا خود کو گنجائش دی جا رہی ہے ؟
نوائے غیب پھر کس کی پروردہ ہے . . . ؟
تین طالب علمانہ سوال

 

[La Alma]

عمدہ خیالات ہیں

مشکور ہوں .

 

[La Alma]

ابھی سفر جاری ہے ؟

علم الیقین اور حق الیقین کے بیچ ایک لمبی مسافت ہوتی ہے جو عمومًا عمر کے فاصلے پر محیط ہوتی ہے .راستے میں کئی ایسے موڑ بھی آتے ہیں جب انسان راہِ راست سے بھٹک بھی سکتا ہے .اس لیے کون جانتا ہے کہ وقت کے کس پڑاؤ پہ انسان اپنی اصل منزل سے دور ہو جائے لہٰذا یہ سفر تو زندگی کی آخری سانس تک جاری ہے..

نوائے غیب پھر کس کی پروردہ ہے . . . ؟

نوائے غیب اسی آواز کی بازگشت ہے جب انسان سے یوم الست پوچھا گیا تھا " أَلَسْتُ بِرَبِّكُمْ" کیا میں تمہارا رب نہیں ہوں ، جس کے جواب میں سب نے اقرار کیا تھا "بَلَى شَهِدْنَا " ، کیوں نہیں ، ہم گواہی دیتے ہیں .

نجانے کیوں کہہ کر جسٹیفائی کیا جا رہا ہے یا خود کو گنجائش دی جا رہی ہے ؟

اس سوال کا جواب نہایت ہی پچیدہ ہے . سارا کھیل ہی اس "نجانے کیوں " کا ہے جب اقرارِ ربوبیت انسان کے خمیر میں رکھ دیا گیا ہے تو پھر منکرینِ خدا کا تصور ہی ناپید ہونا چاہیے .لیکن معاملہ اس کے برعکس ہے .
خود کو جسٹیفائی تو با آسانی کیا جا سکتا ہے کہ اپنا سب کیا دھرا شیطان کے کھاتے میں ڈال دیا جائے .انسان ازلوں سے یہی تو کرتا آیا ہے .

 

[فلک شیر]

علم الیقین اور حق الیقین کے بیچ ایک لمبی مسافت ہوتی ہے جو عمومًا عمر کے فاصلے پر محیط ہوتی ہے .راستے میں کئی ایسے موڑ بھی آتے ہیں جب انسان راہِ راست سے بھٹک بھی سکتا ہے .اس لیے کون جانتا ہے کہ وقت کے کس پڑاؤ پہ انسان اپنی اصل منزل سے دور ہو جائے لہٰذا یہ سفر تو زندگی کی آخری سانس تک جاری ہے..


نوائے غیب اسی آواز کی بازگشت ہے جب انسان سے یوم الست پوچھا گیا تھا " أَلَسْتُ بِرَبِّكُمْ" کیا میں تمہارا رب نہیں ہوں ، جس کے جواب میں سب نے اقرار کیا تھا "بَلَى شَهِدْنَا " ، کیوں نہیں ، ہم گواہی دیتے ہیں .


اس سوال کا جواب نہایت ہی پچیدہ ہے . سارا کھیل ہی اس "نجانے کیوں " کا ہے جب اقرارِ ربوبیت انسان کے خمیر میں رکھ دیا گیا ہے تو پھر منکرینِ خدا کا تصور ہی ناپید ہونا چاہیے .لیکن معاملہ اس کے برعکس ہے .
خود کو جسٹیفائی تو با آسانی کیا جا سکتا ہے کہ اپنا سب کیا دھرا شیطان کے کھاتے میں ڈال دیا جائے .انسان ازلوں سے یہی تو کرتا آیا ہے .

متن سے متعلق اپنے خیالات کی وضاحت کے لیے شکریہ، گو کہ شاعر کو اس کے لیے مجبور کرنا کچھ بدذوقی سے معلوم ہوتی ہے ۔

 

[حسن محمود جماعتی]

بہت اچھے۔

مگر جب صحرائے خیال میں
فکر کی ہلچل سے

صحرا کا سفر گھوڑے پر کرنا یا گھوڑے پہ بن راہی کے کرنا، صحرا میں گمراہ کر دیتا ہے۔

 

[La Alma]

بہت اچھے۔

صحرا کا سفر گھوڑے پر کرنا یا گھوڑے پہ بن راہی کے کرنا، صحرا میں گمراہ کر دیتا ہے۔

شکریہ .
یہ تو تنہا ذات کا سفر ہے ننگے پاؤں ہی طے کرنا پڑتا ہے .

 

[حسن محمود جماعتی]

شکریہ .
یہ تو تنہا ذات کا سفر ہے ننگے پاؤں ہی طے کرنا پڑتا ہے .

ویسے آدھی بات کا جواب دیا ہے۔ دوم، تنہا ذات کی طرف سفر ہے۔ تنہا جائیں گے تو گمراہی ہے۔۔۔۔۔