ظہیراحمدظہیر
لائبریرین
میں عام طور پر کوئلے کے کاروبار سے دور ہی رہتا ہوں۔ لیکن کبھی کبھی نادانستگی میں کوئلوں کی دکان سے گذر ہو ہی جاتا ہے۔ کل کچھ ایسا ہی ہوا۔ میں کتابوں کی دکان سمجھ کر داخل ہوا لیکن اندر جا کر معلوم ہوا کہ کوئلوں کا کاروبار ہورہا ہے۔ واپس پلٹنے ہی لگا تھا کہ ایک چمکدار شے نظر آئی۔ سن رکھا تھا کہ کبھی کبھی کوئلے کی کان سے ہیرے بھی نکل آتے ہیں۔ اٹھا کر دیکھا تو واقعی ہیرا تھا۔ روشنی دیتا ہوا ، چمکدار، بہت قیمتی! بہت ہی قیمتی !! کوہ نور!!!!!
آپ بھی دیکھئے!
" زمین پر لکیروں کی مدد سے کچھ خانے بنائیں اور ان کے کچھ نام رکھ دیں پھر اپنی جھولی میں چند پتھر ، کوئلے ،گوبر، پلاسٹ، سبزی، لوہے، سونا ، چاندی کے ٹکرے رکھ کر اچھال دیں ۔ سونا جس خانے میں بھی گرے سونا ہی ہوگا، چاندی چاندی ہی رہے گی، گوبر ہر خانے میں گوبر ہی رہے گا۔ یہی مثال انسانوں کی ہے ۔ نیک دل ، منکسرالمزاج، بلند اخلاق، اعلیٰ دماغ کے لوگ ، انسانوں کی ایک قسم ہے ، یہ کہیں بھی پیدا ہوں کسی ملک میں رہیں ، کسی شہر میں پلیں بڑھیں ، کوئی بھی زبان بولتے ہوں یہ ایک ہی جماعت ہیں۔ سادہ لو، عوامی مزاج ، عمومی عقل سمجھ کی ایک اور جماعت ہے یہ بھی ہر قریہء زمین پر مل جاتی ہے۔ اسی طرح کئی قسمیں ہیں اچھوں کی بھی بُروں کی بھی ۔ اچھائی یا بُرائی، بدی اور بھلائی کبھی خطہء زمین سے متعلق نہیں ہوتیں بلکہ سوچ ، فکر اور رجحان سے علاقہ رکھتی ہیں۔ "
نمعلوم کون ہے ، کس نے لکھا ہے ، کس کے دل کی آواز ہے۔ کون سخی ہے کہ جس نے یہ ہیرا تراش کر کوئلوں میں رکھ دیا۔ مجھے نہیں معلوم۔
ہے کوئی جو کوہ نور کی خبر لائے ؟!
آپ بھی دیکھئے!
" زمین پر لکیروں کی مدد سے کچھ خانے بنائیں اور ان کے کچھ نام رکھ دیں پھر اپنی جھولی میں چند پتھر ، کوئلے ،گوبر، پلاسٹ، سبزی، لوہے، سونا ، چاندی کے ٹکرے رکھ کر اچھال دیں ۔ سونا جس خانے میں بھی گرے سونا ہی ہوگا، چاندی چاندی ہی رہے گی، گوبر ہر خانے میں گوبر ہی رہے گا۔ یہی مثال انسانوں کی ہے ۔ نیک دل ، منکسرالمزاج، بلند اخلاق، اعلیٰ دماغ کے لوگ ، انسانوں کی ایک قسم ہے ، یہ کہیں بھی پیدا ہوں کسی ملک میں رہیں ، کسی شہر میں پلیں بڑھیں ، کوئی بھی زبان بولتے ہوں یہ ایک ہی جماعت ہیں۔ سادہ لو، عوامی مزاج ، عمومی عقل سمجھ کی ایک اور جماعت ہے یہ بھی ہر قریہء زمین پر مل جاتی ہے۔ اسی طرح کئی قسمیں ہیں اچھوں کی بھی بُروں کی بھی ۔ اچھائی یا بُرائی، بدی اور بھلائی کبھی خطہء زمین سے متعلق نہیں ہوتیں بلکہ سوچ ، فکر اور رجحان سے علاقہ رکھتی ہیں۔ "
نمعلوم کون ہے ، کس نے لکھا ہے ، کس کے دل کی آواز ہے۔ کون سخی ہے کہ جس نے یہ ہیرا تراش کر کوئلوں میں رکھ دیا۔ مجھے نہیں معلوم۔
ہے کوئی جو کوہ نور کی خبر لائے ؟!
آخری تدوین:
