کیا یہ زلزلہ تھا؟ ۔۔۔۔ نہیں یہ زلزلہ نہیں تھا

نوید

محفلین
کیا یہ زلزلہ تھا؟ ۔۔۔۔ نہیں یہ زل

3735_detail.gif

3736_detail.gif

3737_detail.gif
 
میرے خیال میں یہ ایک بھونڈی اور بغیر منظق کے تحریر ہے اگر یہ ایک ایٹمی دھماکہ تھا تو اسے بعد آنے والے جھٹکے صاحبِ تصنیف کہاں سے لائے ہیں۔ مجھے تو یہ پوری تحریر ہی نہایت غیر معیاری اور عامیانہ لگتی ہے اور صاحبِ تحریر سفارشی صحافی ہیں جنکا لکھا اچھا بُرا چھپ جاتا ہے۔
 

جیسبادی

محفلین
ظاہر ہے کہ مضمون نگار نے قیاس آرائی کی ہے اور اپنے کچھ درپردہ مقاصد حاصل کرنے کی کوشش۔ مگر اس طرح کے امکانات کو بغیر تحقیق کے رد کرنا بھی غلطی ہے۔
 

جہانزیب

محفلین
چاغی میں ہونے والے دھماکے کنٹرولڈ تھے جبکہ ان صاحب کے بیان کردہ دھماکے ایک مکمل طور پر اٹیمی دھماکے تھے۔ اگر ایسا تھا تو نا صرف یہ کہ پہاڑوں کا رنگ بدلنا چاھیے تھا بلکہ درجہ حرارت بھی انتہا تک جانا چاہیے تھا اور اٹیمی دھماکے کے بعد کے عوامل بھی ظہور پذیر ہونا چاہیے تھیں مگر ایسا کچھ نہیں ہوا۔۔ حیرت مجھے اس بات پر ہے کہ اردو پوائنٹ والوں نے یہ مضمون چھاپ کیسے دیا۔ حضرت کا تعلق مجھے اس طبقہ سے لگتا ہے جن کو ہر برائی کا آغاز امریکہ میں نظر آتا ہے۔ اس سے ایک لطیفہ یاد آ گیا۔ ایک صاحب کی اپنے گھر میں لڑائی ہو جاتی ہے اور وہ گھر میں غصے سے نکل پڑتے ہیں راستے میں کوئی دریافت کرتا ہے کیوں بھائی کیا ہوا ہے۔ تو بھنائے ہوئے بولتے ہیں بس جی سارا قصور امریکہ ہے۔ ویسے مضمون میں حد ہی کر دی ہے
 

جیسبادی

محفلین
کچھ چیزوں کو "ٹریگر"trigger بھی تو کیا جا سکتا ہے، ضروری نہیں کہ دھماکہ خود اتنا بڑا ہو۔ میں مضمون نگار کی صفائی پیش نہیں کر رہا، صرف بیان کر رہا ہوں کہ ہم میں سے اکثر کو سائینس واجبی طور پر ہی آتی ہے۔ ابھی امریکی سائینس دان اعلان کریں کہ یہ ممکن ہے تو ہم بےچون و چرا مان لیں گے
۔
 

الف عین

لائبریرین
آج ہی میں نے اردو کمپیوٹنگ گروپ میں ایک پوسٹ ریجیکٹ کی ہے۔ اس میں موصوف نے جیالاجی بگھارتے ہوئے ہندوستان کو زلزلے کا ذمےدار ٹھہرایا تھا۔ انھیں یہ خبر نہیں تھی کہ جیالاجی کے اعتبار سے ہند و پاک ہی نہیں برما، سری لنکا وغیرہ سبھی انڈین پلیٹ میں آتے ہیں۔
 
یہی تو ہمارے ساتھ مسلہ ہےکہ ہمارے لوگ خوامخواہ کی منطق بندی شروع کردیتے ہیں بھلے اسکا حقیقت سے دور کا بھی تعلق نہ ہو۔

اسی لیے کہاجاتا ہے کہ لکھنے والے کو بہت ہی محتاط رہنا چاہیے کہ لکھا ہوا تاریخ کا حصہ بن جاتا ہے اور اسی بات علامہ ابنِ خلدون جیسے تاریخدان بھی مستند حوالہ دیتے ہیں اور آخر میں ضرور لکھتے کہ میں نے وہی لکھا جو راوی نے بیان کیا۔
اور آج اللہ معاف کرے جو دل میں آیا لکھ دیا چاہے کہ تیرے من چلے کا سودا ہے یہ اسی لیے آج ایک ایک تحریر کو پھونک پھونک کر اور سوچ سوچ کر پڑھنا پڑتا ہے اور دیکھنا پڑتا ہے کہ مصنف کون سے کھیت سے بول رہا ہے۔
 

طالوت

محفلین
میرا خیال ہے کہ یہ تحریر کسی تبصرے کے قابل ہی نہیں ماسوائے اس کے کہ یہ صاحب خود کسی کے ایجنٹ معلوم ہوتے ہیں۔۔۔۔۔۔۔۔۔۔۔وسلام
 

ایم اے راجا

محفلین
اگر زلزلہ نہیں تھا تو ثبوت پیش کریں، کیا موصوف ہی اتنے عالم ہیں کہ انکے علاوہ کسی نے ایسا نہیں لکھا کہ وہ زلزلہ نہین تھا۔
 

نوید صادق

محفلین
دراصل یہ وہ لوگ ہیں جو بکری مرنے کا ذمہ دار بھی یا تو پرویز مشرف کو ٹھہراتے ہیں یا پھر امریکہ کو۔
اب اس تحریر پر اس سے زیادہ کیا کہا جا سکتا ہے۔
 

dxbgraphics

محفلین
یہ حقیقت ہے کہ اسلام آباد براستہ واشنگٹن۔ اور امریکہ کی ہر منصوبہ بندی 30 ، 50، حتیٰ کے سو سال کی بھی ہوسکتی ہے۔
 

dxbgraphics

محفلین
اجی بکری مرنے سے لیکر انسان کے مرنے تک کے یہ تمام حالات مشرف صاحب ہی کے پیدا کردا تو ہیں
 

dxbgraphics

محفلین
سب سے ضروری بات یہ کہ جب بھی امریکہ اور اسرائیل کی بات آتی ہے تو ہم منطق جیسی باتوں کا ڈھنڈورا پیٹتے ہیں اور اپنی سوچ کو امریکہ و اسرائیل کی طرف موڑنے سے روک لیتے ہیں۔
 

arifkarim

معطل
اوہو، کیا یہاں‌کسی نے H.A.A.R.P ٹیکنالوجی کے بارے میں سنا ہے؟
زلزلے پیدا کرنے کیلئے زمین میں گھسنے کی ضرورت نہیں ہے۔ سیٹلائیٹ کی مدد سے بھی مصنوعی بھونچال لایا جا سکتا ہے :grin:
 
Top