1. اردو محفل سالگرہ دواز دہم

    اردو محفل کی یوم تاسیس کی بارہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

کوائف نامے

نبیل نے 'ضروری اعلانات' کی ذیل میں اس موضوع کا آغاز کیا، ‏مئی 24, 2017

  1. لئیق احمد

    لئیق احمد محفلین

    مراسلے:
    9,837
    جھنڈا:
    Pakistan
    موڈ:
    Cool
    ۔
     
    • زبردست زبردست × 1
  2. سید عمران

    سید عمران محفلین

    مراسلے:
    2,070
    جھنڈا:
    Pakistan
    :D:D:D
     
    • معلوماتی معلوماتی × 1
    • پر مزاح پر مزاح × 1
  3. اَبُو مدین

    اَبُو مدین معطل

    مراسلے:
    704
    پہلا سوال تو یہ اٹھتا ہے جس جس کو بھی معطل کیا گیا، اسے بتلایا گیا کہ یہ جرم ہے آپ کا؟ اسی سوال کو اگر ریورس کر لیں تو کیا انتظامیہ کوئی فرشتہ ہے کہ غلطی کی متحمل نہیں ہو سکتی؟ کوئی ایسا مراسلہ بتا دیں جہاں اس نے اعتراف کیا ہو۔ فیصلے یک طرفہ اور ون مین شو کی پالیسی پہ نہیں ہوتے، اس کے لیے مجرم کو اس کا جرم بتلا کر سزا سنائی جاتی ہے اور اسے پورا حق دیا جاتا ہے اس کو ڈیفنڈ کرنے کا۔ ایسا کب ہوا؟ تنبیہہ سے بھی کام چلایا جا سکتا تھا، ایسا بھی نہیں ہوا۔ میرے نزدیک محفل کی پالیسی کو بالکل نئے سرے سے جامع شکل دی جانی چاہیے تاکہ نظام کو بہتر طریقے سے آگے چلایا جا سکے۔
     
    • پسندیدہ پسندیدہ × 1
    • دوستانہ دوستانہ × 1
  4. زیک

    زیک محفلین

    مراسلے:
    27,061
    جھنڈا:
    UnitedStates
    موڈ:
    Amused
    لگتا ہے آپ کا موڈ کچھ اور ہے
     
  5. اَبُو مدین

    اَبُو مدین معطل

    مراسلے:
    704
    میرے موڈ سے آپ کو قطعی کوئی مطلب نہیں ہونا چاہیے۔ اگر کہی گئی بات کا جواب بن پڑے تو دے دیں۔
     
    • متفق متفق × 1
  6. عثمان

    عثمان محفلین

    مراسلے:
    8,314
    موڈ:
    Cheerful
    آپ توقع رکھیں کہ دنیا آپ کی توقعات کے مطابق تبدیل ہوجائے۔ گڈلک!
     
    • پسندیدہ پسندیدہ × 1
  7. فرقان احمد

    فرقان احمد محفلین

    مراسلے:
    1,785
    جھنڈا:
    Pakistan
    موڈ:
    Doubtful
    انتظامیہ کا لچک دار رویہ یہ ظاہر کرنے کے لیے کافی ہے کہ مناسب وقت پر دیگر محفلین بھی بحال ہو سکتے ہیں۔ بعض معاملات کو انتظامیہ کی صوابدید پر چھوڑ دینا چاہیے۔
     
    • پسندیدہ پسندیدہ × 3
  8. لاریب مرزا

    لاریب مرزا محفلین

    مراسلے:
    3,705
    ابو مدین صاحب!! آپ کی کیفیت ہمیں بالکل اپنی کیفیت جیسی معلوم ہو رہی ہے کہ جس کے ذہن میں بھی بہت سے سوالات چل رہے ہوں لیکن کوئی جواب نہ مل پا رہا ہو۔ کچھ سوالات ہمارے لیے بھی جواب طلب ہیں۔ امید ہے آپ سے جواب بن پڑا تو آپ بھی ہمیں مناسب جواب دیں گے۔

    کیا آپ کے علم میں نہیں ہے کہ جو لوگ معطل ہوئے وہ ہنگامہ آرائی کرنے اور ناشائستہ زبان استعمال کرنے کے سبب معطل ہوئے ہیں؟؟ محفل میں جس طرح ایک گروہ بنا کر محاذ آرائی کی گئی اس میں آپ انتظامیہ سے یہ توقع کیسے کر سکتے ہیں ایک ایک کو اپنے آپ کو ڈیفینڈ کرنے اور تنبیہ کرنے کے بعد اسے معطل کیا جائے گا؟؟

    معطل ہونے والے کچھ نفیس لوگ فیک آئی ڈیز بنا کر دوبارہ محفل پر وادر ہوتے رہے اور محفلین کے ساتھ بدکلامی کے مرتکب ہوئے۔ کیا ان کا یہ طریقہ اور رویہ درست تھا؟؟ وہ اپنے اس رویے کی کیا وضاحت پیش کرتے ہیں؟؟

    جہاں تک ہم سمجھ پائے ہیں محفل پہ دنیا بھر سے لوگ اکٹھے ہیں۔ اور کچھ لوگوں کا کچھ لوگوں سے شدید نظریاتی اختلاف ہے۔ کیا اس کا مناسب حل یہ ہے کہ محفل کے باشعور اور صاحبِ علم احباب اس اختلاف رائے کے نتیجے میں ایک گروہ بنا کر ہنگامہ آرائیوں پر اتر آئیں؟؟

    کالی ڈی میں کچھ مخصوص لوگ ایک پلاننگ کے تحت بھدے مذاق کر کے محفل کا ماحول خراب کرنے کی کوشش کرتے رہے۔ یہ احتجاج کی کونسی صورت ہے؟؟ اگر آپ ذرا غور کریں محفل پہ کچھ اور محفلین بھی ہیں جو اس نظریاتی جنگ اور چند مخصوص محفلین کے رویوں سے شدید اذیت سے دوچار ہیں۔

    جو پالیسی بارہ سال سے عمل میں ہے اسے ایک دم سے بدلنے اور ایک بالکل نئی پالیسی عمل میں لانے کا کہنے کے بجائے سب کو اپنے اپنے رویوں پر غور نہیں کرنا چاہیے؟

    اگر ہماری ان باتوں کے جواب میں کسی مناسب جواب کے بجائے آپ نے کوئی طنزیہ انداز اختیار کرنا ہے یا توپوں کا رخ ہماری طرف کر کے اندھا دھند گولہ باری شروع کرنی ہے تو بے شک آپ ہمارے اس مراسلے کو نظر انداز کر دیں۔ کیونکہ ذاتی طور پہ ہمیں کسی سے کوئی اختلاف نہیں ہے اور نہ ہم کسی سے محاذ آرائی چاہتے ہیں۔
     
    • پسندیدہ پسندیدہ × 9
    • متفق متفق × 1
  9. صائمہ شاہ

    صائمہ شاہ محفلین

    مراسلے:
    4,602
    جھنڈا:
    England
    موڈ:
    Cool
    لاریب
    آپ نے بہت جامع بات کی ، سب سے اہم بات جو اکثر محفلین بھول جاتے ہیں کہ محفل عالمی سطح پر اردو محفل ہے یہاں کسی ایک گروہ ، فرقے یا نظریے کی اجارہ داری نہ ہونی چاہیے نہ مناسب ہے اور یہ پلیٹ فارم ہے اردو کا نہ کہ مذہبی اور سیاسی نظریات کا۔ جو بھی اردو سے محبت رکھتا ہے وہ اپنے رنگ نسل اور عقیدے سے ماورا محفل کا رکن ہے اور یہی بنیاد ہونی چاہیے رکنیت کی اور احترام کی ۔
     
    • پسندیدہ پسندیدہ × 8
    • متفق متفق × 2
  10. اَبُو مدین

    اَبُو مدین معطل

    مراسلے:
    704
    توقع مجھے کسی سے بھی نہیں ہے اور نہ ہی ایسی خواہش کہ دنیا میری توقعات کے مطابق چلے لیکن معذرت خواہ ہوں میں آزادی اور انصاف کے دہرے پیمانے پہ یقین نہیں رکھتا۔ جو درست سمجھتا ہوں، آزادی اظہار رائے کے تحت کہنے کا حق رکھتا ہوں اور ڈرتا میں رب کے سوا کسی سے بھی نہیں۔ اگر مذہب یا مولوی پر تنقید کا حق حاصل ہے تو حکمران یا انتظامیہ اس سے بالاتر نہیں۔
     
  11. اَبُو مدین

    اَبُو مدین معطل

    مراسلے:
    704
    بالکل ضرور، آپ کے سوالات کے جواب جہاں تک مجھ ناچیز کو سمجھ آئے ہیں، حاضر ہیں۔
    کسی بھی فورم کی پالیسی رنگ، مذہب، نسل اور خوشامدی طبقے کی تفرق کے بغیر عمل در آمد کے لیے بنائی جاتی ہے، نہ کہ مخصوص وقت میں آپ سے اختلاف رائے رکھنے والے طبقے کو ٹارگٹ کرنے کے لیے، یہاں یہ عرض کرنا ضروری ہے کہ صورت حال عارف کریم صاحب کے کیفیت نامہ سے خراب ہوئی، اس کیفیت نامہ میں مذہب اسلام کے لیے انتہائی ناشائستہ زبان استعمال کی گئی تھی میرے ایمان کے مطابق، کسی بھی مذہب پر اگر آپ نے تنقید کرنی ہے تو ضرور کریں لیکن تنقید کی آڑ میں ناشائستہ زبان کسی بھی مذہب کے پیروکار کے لیے انتہائی تکلف دہ ثابت ہوتی ہے۔ اس مراسلے کو محفلین نے رپورٹ کیا جو طریقہ انتظامیہ نے طے کر رکھا ہے لیکن رپورٹ کرنے کے باوجود بھی اس پر ایکشن نہیں لیا گیا، کیوں؟ آزادی اظہار رائے؟ اگر ایسا ہے تو پھر محفلین نے بھی آزادی اظہار رائے کے تحت اپنے جذبات کا کھل کر استعمال کیا، اگر وہ مراسلہ درست تھا تو پھر یہی جواز باقی محفلین کے مراسلوں اور کیفیت ناموں کے لیے صحیح ہے، اگر وہ صحیح نہیں تھا تو پھر باقی کیفیت نامے اور مراسلے درست نہیں تھے، پیمانہ ایک ہونا چاہیے، نہ کہ اپنی پسند کے لیے کچھ اور اور دوسروں کے لیے کچھ اور۔ عرض کرتا چلوں کہ ماضی میں زیک صاحب بھی کئی دفعہ اس قسم کے مشتعل کیفیت نامے اور مراسلے کرتے آئے ہیں، انتطامیہ اس وقت کیوں خاموش رہی، ایکشن کیوں نہ لیا گیا؟ کیا ایکشن کے جملہ حقوق کسی خاص طبقے کے لیے ہیں؟ افسوس تو اس بات کا ہے چند محفلین کو معطل کرنے کے بعد بھی وہ کیفیت نامہ برقرار رہا اور اس پر تاخیر سے ایکشن لیا گیا۔
    ایک طرف تو یہ دعویٰ یا جاتا ہے کہ محفل گھر کی طرح ہے اور دوسری طرف اسی دعویٰ کے برعکس محفلین کو گھر بدر کیا جاتا ہے، اس سے بھی مناسب ایکشن انتظامیہ کے موجود تھے، تنبیہ یا وارننگ سے بھی کام چلایا جا سکتا تھا اور عارف کریم کا کیفیت نامہ حذف کر کے بھی ماحول کو ٹھنڈا کیا جا سکتا تھا۔ ایک لمحے کی غلطی یا غلط پرسیپشن کی سزا معطلی بہت بڑی سزا ہوتی ہے، آپ نے محفلین کی طرف سے دی گئی کنٹریبیوشن کو بالکل ہی نظر انداز کر دیا۔ یہ ہرگز درست عمل نہیں ہے اور نہ ہی میں اس کی حمایت کر سکتا ہوں۔
    جہاں تک محفلین کے ساتھ بدکلامی کا سوال ہے، بالکل اس پر مناسب ایکشن لیا جانا چاہیے لیکن کسی تفریق کے بغیر۔ آپ کو بتاتا چلوں شاید آپ نہ دیکھ پائی ہوں کہ بدکلامی ہرگز یک طرفہ نہیں تھی، انتظامیہ کی محبت میں حد سے تجاوز کرنے والے اور انتطامیہ کے خلاف، دونوں ہی طبقے شامل تھے، ایکشن صرف ایک ہی طبقے کے خلاف کیوں لیا گیا؟ کیا یہی انصاف کا پیمانہ ہے؟ نا انصافی کی کوئی بھی دلیل درست نہیں ہوتی۔
    اگر کوئی محفلین فیک آئی ڈی بنا کر محفل میں آیا تو میں اسے برا ہرگز نہیں سمجھتا، اگر آپ اپنے گھر میں گھر بدر ہو کر دیوار پھلانگ کر آتے ہیں تو اس میں کچھ بھی برا نہیں ہے۔ ان کو یہ کام کرنے پر مجبور کیا گیا، سر قلم سزا (گھر بدر کرنا) کسی بھی مسئلے کا حل نہیں بلکہ مزید مسائل کو جنم دیتی ہے۔ یہ تو محفلین کی اپنے گھر سے محبت ہے کہ وہ کھنچے چلے آتے ہیں ورنہ اگر ایسا نہ ہو تو ویرانوں میں زندگی کا وجود نہیں ہوتا۔ آپ سر قلم پالیسی برقرار رکھ کر محفلین سے فیک آئی ڈیز کی توقعات نہ رکھیں، یہ محض خواب و خیال ہے۔
    بالکل محفل پہ دنیا بھر سے لوگ اکٹھے ہیں، کیا شدید نظریاتی اختلافی اس بات کی اجازت دیتا ہے کہ آپ ناشائستگی سے کسی مذہب کو ٹارگٹ کریں۔ اس عمل کی کوئی بھی توجیہہ قابل قبول نہیں ہوتی چاہے آپ کتنے ہی باشعور کیوں نہ ہوں۔ تیلی لگا کر سائیڈ پہ ہو جانے والا عمل آپ کو قبول ہے؟ ہنگامہ آرائیوں سمیت نا انصافی اور آزادی پر قدغن کسی بھی مسئلے کا مناسب حل نہیں ہے۔
    صرف کالی ڈی پی میں ہی نہیں میری بہن، کالا رنگ پہ نظر چونکہ جلدی پڑتی ہے اور ذہن میں اپنا عکس چھوڑ جاتا ہے اس لیے آپ کو یہی یاد ہے۔ یہاں پہ تو چند محفلین ایسے بھی ہیں جن کی کنٹریبیوشن صفر اور نوے فیصد سے زائد تبصرے طنز پر مبنی ہیں، ان کے تبصرے آپ کی نظر سے نہیں گزرے۔ میں تو پھر دہرانا چاہوں گا کہ پالیسی سب کے لیے یکساں کیوں نہیں ہے؟ جو بھی محفلین کسی ناشائستگی کا مظاہرہ کرتا ہے اسے مناسب وارننگ یا سزا ملے لیکن کیا انتظامیہ یا آپ کو وہ مراسلے نظر نہیں آتے۔ غلط کا معیار ایک ہونا چاہیے، چاہے اس کی ڈی پی کالی ہو یا سفید، پیلی ہو یا نیلی، انتظامیہ اپنے اردگرد خوشامدی طبقے کو پہچاننے سے کیوں گریزاں ہے؟ کیا کچھ محفلین گروہ کی صورت میں مذہب کو ٹارگٹ کرنے میں سرگرم نہیں ہیں؟ وہ نظر کی حد سے باہر کیوں ہیں؟ یہ ایک فطری عمل ہے کہ ایک نظریہ سے محبت کرنے والے لوگ ایک گروہ میں ہی ہوتے ہیں اور وہی سب کچھ یہاں بھی ہے۔
    دوسری بات، بہتر احتجاج کی کوئی صورت آپ بتا دیجیے، باقی ہر محفلین کی مرضی ہے اس پر عمل کرے یا نہ کرے۔
    ایک چیز اگر ایک وقت میں طے ہوگئی تو اسے کبھی تبدیل نہیں ہونا چاہیے؟ قانون اور پالیسیاں وقت کے حساب بدلتے ماحول سے اپڈیٹ ہوتے رہتے ہیں تاکہ مستقبل میں کسی سانحہ سے بچا جا سکے اور معاشرے کے ساتھ قدم سے قدم ملا کر چلا جا سکے۔ کھڑا پانی بھی کچھ عرصے میں بدبودار ہو جاتا ہے۔ آپ ابھی بھی میری بات سمجھنے سے قاصر ہیں کہ پالیسی میں تبدیلی کیوں ضروری ہے، ہم کسی سانحے کا انتطار کرتے رہتے ہیں اور پھر اس کے بعد سوچنا شروع کر دیتے ہیں۔ محفل کی پالیسی موجودہ حالات اور وقت میں مکمل اور جامع نہیں ہے، اس میں بہت سی تبدیلیوں کی گنجائش ہے۔ اگر انتطامیہ اس بارے میں سنجیدہ ہے تو چند قابل محفلین کو یہ ذمہ داری سونپ کر اسے نکھار سکتی ہے اور اس میں کوئی قباحت والی بات نہیں۔ میری اس تنقید کو دل پہ ہرگز نہیں لیا جانا چاہیے، میں محفل کے بارے میں انتہائی مخلص ہوں اور ہر قسمی تعاون کی یقین دہانی کرانے کے لیے تیار ہوں لیکن نا انصافی اور آزادی کے معاملے میں اپنے موقف پر قائم ہوں۔
    وقت کی کمی کے سبب شاید بہتر جواب نہ ہو لیکن میرا پہلے بھی موقف انصاف اور آزادی کا یکساں معیار تھا اور اب بھی یہی ہے، میں کسی کے اچھے یا برے عمل کا ٹھیکیدار ہرگز نہیں لیکن جو محسوس کرتا ہوں بیان کرتا ہوں۔ میرا موقف ٹھیک ہونا یا آپ کا اتفاق کرنا ہرگز ضروری نہیں۔ ہر انسان خطا کا پتلا ہے مجھ سمیت، میں بھی کوئی فرشتہ نہیں ہوں اور نہ انتظامیہ اور نہ ہی محفلین۔
     
    آخری تدوین: ‏جولائی 17, 2017 3:28 شام
    • پسندیدہ پسندیدہ × 1
    • زبردست زبردست × 1
    • دوستانہ دوستانہ × 1
    • متفق متفق × 1
  12. لاریب مرزا

    لاریب مرزا محفلین

    مراسلے:
    3,705
    اَبُو مدین افسوس کی بات یہ ہے کہ آپ کی یہ ساری وضاحت بھی انتہائی جانبدارانہ نکلی۔ آپ اپنے ساتھیوں کے بہت سے انتہائی غلط اور قابل اعتراض کاموں کو پوری طرح سے درست قرار دے رہے ہیں جو سراسر غلط ہے۔ طنز اور بدکلامی میں واضح فرق ہے جو شاید آپ کو بھی نظر نہیں آیا۔ اگر انتظامیہ غلط ہے تو کالی ڈی پی والے احباب کا طرز عمل بھی کسی طور درست نہیں۔

    بہرحال اب آگے کی بات یہ ہے کہ چند احباب کی جانب سے کچھ مثبت رجحان دیکھنے کو ملا ہے۔ امید کرتے ہیں کہ مستقبل میں حالات بہتر ہوں۔ اس گفتگو کو یہیں سمیٹنا چاہیں گے۔ اس پہ مزید بات کرنے کا کوئی فائدہ نہیں ہے۔
     
    • پسندیدہ پسندیدہ × 2
  13. با ادب

    با ادب محفلین

    مراسلے:
    584
    جھنڈا:
    Pakistan
    موڈ:
    Persnickety
    پیاری بہن تمام لوگوں کو ایک کٹہرے میں مت کھڑا کر دیا کیا کیجیے .. کالی ڈی پی میں میں خود بھی شامل.تھی لیکن میں نے کہیں کوئی منفی کمنٹ نہیں کیا کوئی ناشائستہ بات نہیں کی از حد کوشش کی ہے ماحول.کو مثبت کرنے کی اسی طرح اور بھی بہت سے احباب تھے عاطف ملک ۔ چوہدری عبدالقیوم صاحب' لئیق احمد وغیرہ جنکی طرف سے کسی منفی کاروائی کو.میں نے نوٹس نہیں کیا ... ہاں اگر کچھ لوگوں نے ایسا کیا ہو تو یہ اچھی بات نہیں ہم.کسی کسی بھی غلط بات پہ جھوٹی تاویل دے کہ اسے فرشتہ نہیں ثابت کرتے ... لیکن گزارش فقط اتنی ہے کہ مثبت اقدامات اگر انتظامیہ کی جانب سے ہوں تو ہم امید رکھتے ہیں کہ حالت کی.مجموعی صورتحال.بہتر ہوگی ... باقی انتظامیہ اپنے فیصلے میں آزاد ہے جو مرضی آئے کرے .. ہم نے پر امن اور مثبت سوچ کے ساتھ ایک.تجویز دی تھی یہ نہیں کہا کہ جے آئی ٹی تشکیل دے کے معاملہ دلائل اور شواہد کی بنیاد پہ کھلی کچہری لگا کے حل.کیا جائے اور مجرمین کو سر عام.پھانسی دی جائے ..ایک.فورم.ہے جہاں اردو سے محبت رکھنے والے موجود ہیں .. خیالات کا تصادم.بھی بعید از قیاس نہیں ہو جاتا ہے ہوگیا ... اب جانے دی جائے.
    ہاں جہاں تک فیک آئی ڈیز کے معاملے کو ہر جگہ اچھالا جاتا ہے تو میری سمجھ.میں نہیں آتا کہ اس سے کیا ثابت کرن مراد ہوتا ہے؟ کہ آیا دیکھو یہ فورم.ہمارا ہے تم.اس کے بغیر نہیں رہ سکتے اس لیے ہم ذلیل کرتے رہیں گے یا پھر محفل.کے قوانین میں شامل.ہے کہ کوئی معطل ہوجائے تو دوسری آئی ڈی سے آنا گناہ کبیرہ ہے. کوئہ بھی کسی انسان کے تمام اعمال کو اپنی مرضی کے مطابق ڈرائیو نہیں کر سکتا ہر شخص کو اللہ نے آزاد پیدا کیا ہے وہ کسی کا غلام.نہیں .. اسلیے نفرت اور دشمنی کو ہوا دینے والی بات سے گریز کرنا بہتر ہے .. اللہ معاملات میں بہتری لائے اور ہم سب کو عقل.سلیم اور فطرت سلیم.عطا فرمائے ... آمین
     
    • پسندیدہ پسندیدہ × 8
  14. فرقان احمد

    فرقان احمد محفلین

    مراسلے:
    1,785
    جھنڈا:
    Pakistan
    موڈ:
    Doubtful
    اتنے طویل تبصرہ جات کون پڑھے! بس اتنی سی گذارش ہے کہ زمانے میں اس محفل کے سوا اور بھی بہت سے 'غم' ہیں، اس لیے جو چلے گئے، روٹھ گئے، اُن کو آخر کب تک منایا جائے۔ جنہیں معطل کیا گیا، وہ بھی کوئی 'ڈھنگ' کا کام کر لیں گے، محفل ہر ایک کو راس نہیں آتی ہے۔ یوں بھی دنیا کا نظام چلتا رہتا ہے۔ محفل میں لوگ آتے ہیں، چلے جاتے ہیں تاہم تجربہ یہی بتاتا ہے کہ محفل کی رعنائیاں کسی کے آنے یا جانے سے کم ہی ماند پڑتی ہیں۔ نبیل کے منتظم ہوتے ہوئے ہمیں یہ نہیں لگتا ہے کہ محفل میں مذہب پسندوں کے خلاف کسی قسم کی کوئی مہم چل سکتی ہے، اس لیے بدگمانیوں کا کوئی فائدہ نہیں۔ اس کے ساتھ ساتھ یہ بھی سچ ہے کہ اردو محفل کے ساتھ زیادہ جذباتی لگاؤ رکھنا بھی پرلے درجے کی نادانی ہے، کم از کم ہمارے نزدیک تو ایسا ہی ہے۔ تاہم، یہ اعتراف کرتے ہی بنے گی کہ اس محفل میں کچھ تو کشش ہے کہ ہم اس طرح کھنچے چلے آتے ہیں۔سو جب تک ہم معطل نہیں ہو جاتے تب تک 'چل سو چل'۔ :) :) :)
     
    • پسندیدہ پسندیدہ × 6
    • متفق متفق × 1
  15. حسن محمود جماعتی

    حسن محمود جماعتی محفلین

    مراسلے:
    2,298
    جھنڈا:
    Pakistan
    موڈ:
    Breezy
    چن کتھاں گزاری ائی رات وے
    مینڈا جی دلیلاں دے وات وے
     
    • پسندیدہ پسندیدہ × 2
    • زبردست زبردست × 1
  16. لاریب مرزا

    لاریب مرزا محفلین

    مراسلے:
    3,705
    حسن محمود جماعتی دینی تو پُرمزاح کی ریٹنگ تھی کہ اس لڑی میں یہ مراسلہ چہ معنی دارد؟؟ لیکن یہ نغمہ آج کل ہماری میوزک لسٹ میں سر فہرست ہے تو زبردست کی ریٹنگ دیتے ہی بنی۔ :)
     
    • پسندیدہ پسندیدہ × 1
  17. ABDUL AR

    ABDUL AR محفلین

    مراسلے:
    1,099
    جھنڈا:
    Pakistan
    موڈ:
    Cool
    واہ جی واہ معاملات تو یہاں پر چلتے ہیں سارے ہم یہ جاننا چاہتے ہین ایڈمن صاحب نے معطل ممبران کو بحال کرنے والی فائل بنا لی ہے کہ نہیں اب تو نائب وزیر نے بھی سفارش کر رکھی ہے
    محمد وارث بھائی کوشش جاری رکھیں کبھی تو برف پگھلے گی
     
    • پسندیدہ پسندیدہ × 2
  18. سین خے

    سین خے محفلین

    مراسلے:
    242
    جھنڈا:
    Pakistan
    موڈ:
    Sad
    آپ کی اس بات سے میں متفق ہوں کہ احتجاج کرنے والوں میں سب ہی سے منفی کاروائیاں سرزد نہیں ہوئیں۔ کچھ کی حرکات کی وجہ سے سب بدنام ہوئے۔ دو تین ایسے لوگ ہیں جن سے مجھے ذاتی طور پر بے انتہا شکایت ہے اور مجھے شک ہے کہ انھوں نے موقعے سے فائدہ اٹھایا اور بہتی گنگا میں ہاتھ دھوئے۔ ان کے مقاصد ہو سکتا ہے صرف مزہ لینے کے ہوں، کچھ کہا نہیں جا سکتا۔ ان میں سے ایک پر مجھے ذاتی طور پر شک ہے کہ ہو سکتا ہے ان کا مقصد شروع سے صرف محفل کو بدنام کرنا رہا ہو۔ یہ میرے ذاتی شکوک ہیں اور چونکہ میرے پاس کسی کے خلاف کوئی ٹھوس ثبوت نہیں ہے سو صرف کسی کے رویے کو جانچ کر، میں کسی کا نام لے کر الزام تراشی کرنا مناسب نہیں سمجھتی۔
    جہاں تک بات فیک آئی ڈیز کی ہے تو یہ غالباً محفل کی پالیسی میں ہے کہ جس کسی کو دائمی معطل کیا گیا ہے، وہ واپس نہیں آسکتا۔ یہ فورمز پر اس لئے کیا جاتا ہے کہ مثال کے طور پر کوئی شخص بے انتہا نازیبہ حرکات میں ملوث رہا ہو جیسا کہ خواتین سے بدتمیزی، غیر اخلاقی مراسلے پوسٹ کرنا وغیرہ، ایسے میں اس طرح کے لوگوں کی واپسی کی گنجائش نہیں رہتی۔ یہ پالیسی ایسی حرکات سے آئندہ بچنے کے لئے بالکل ٹھیک ہے۔ اور جہاں تک سو ہزار آئی ڈیز بنا کر ادھم بازی کرنے کی کی بات ہے تو اس طرح کا رویہ کسی صورت بھی قابل برداشت نہیں ہو سکتا۔ اگر انتظامیہ ایسی آئی ڈیز کا ایک ہی آئی پی دیکھے اور ان کو بین کرے تو انتظامیہ حق بجانب ہے۔
     
    • پسندیدہ پسندیدہ × 8
  19. فرقان احمد

    فرقان احمد محفلین

    مراسلے:
    1,785
    جھنڈا:
    Pakistan
    موڈ:
    Doubtful
    بعض دوست احباب شاید خود سے بھی بحال نہ ہونا چاہیں تو اس کا حل بھی بتا دیجیے۔ مثال کے طور پر، ڈاکٹر عامر شہزاد کو ہم نے منانے کی بھرپور کوشش کی تھی تاہم وہ ایک خاص پوزیشن لے چکے تھے اور وہ اس سے پیچھے ہٹنے کو تیار نہ تھے۔ اسی طرح ابو مدین بھائی کا لہجہ بھی بہت تلخ تھا۔ شاید یہ تلخی محفل کے ماحول کی مناسبت سے بہتر نہیں ہے، گو کہ ان کے نظریات ایسے ہیں کہ ان کو اپنانے میں ہمیں کوئی عار نہیں۔ معاملہ یہ ہے کہ اگر ایسے محفلین دوبارہ آئیں گے تو ایک بار پھر یہی افسوس ناک صورت حال پیدا ہونے کا قوی امکان ہے۔ اس متعلق بھی آپ غور کر لیجیے۔
     
    • پسندیدہ پسندیدہ × 1
    • دوستانہ دوستانہ × 1
  20. لاریب مرزا

    لاریب مرزا محفلین

    مراسلے:
    3,705
    سائرہ، ہم نے بھی سب کالی ڈی پی والے محفلین کو بیچ میں شامل نہیں کیا۔ ظاہر ہے جو منفی کاروائیوں میں ملوث نظر آئے ہیں انہی کی بات کی ہے۔ بلکہ کچھ محفلین کی تو ہم تعریف کرنا چاہیں گے جیسے کہ مریم افتخار اور عاطف ملک، انہوں نے اختلاف رائے کے باوجود اپنا رویہ بہت ہی مثبت رکھا اور محفل سے ناتا توڑے بغیر محفل پر متحرک بھی رہے اور ناپسندیدہ عناصر کو نظرانداز کیا۔
    جہاں تک فیک آئی ڈیز کی بات ہے تو اگر کوئی فیک آئی بنا کر محفل میں آنا چاہتا ہے تو شوق سے آئے۔ لیکن آتے ہی منفی ریٹنگز دینا اور مخصوص محفلین سے بدتمیزی کرنا غلط رویہ ہے۔
     
    • دوستانہ دوستانہ × 3
    • پسندیدہ پسندیدہ × 1
    • معلوماتی معلوماتی × 1

اس صفحے کی تشہیر