دسمبر کی ایسی تیسی تو موسمی شعراء کرتے ہی رہتے ہیں۔ اب تو موسمی شعراء کی ایسی تیسی ہونی چاہیے۔
(سچے عاشقوں سے معذرت کے ساتھ)
کلامِ دسمبر کی ایسی کی تیسی
اور اس کے سخن ور کی ایسی کی تیسی
دوبارہ یہ چخ چخ اگر میں نے سن لی
تو قندِ مکرر کی ایسی کی تیسی
اسی ماہ محبوبہ بھاگی سبھی کی
تمھارے مقدر کی ایسی کی تیسی
محرم میں کرنا جو کرنا ہے ماتم
محرم سے باہر کی ایسی کی تیسی
ق
دعا ہے بدل جائے محور زمیں کا
اس اب والے محور کی ایسی کی تیسی
ہر اک سال راحیلؔ اپریل دو ہوں
دسمبر کے چکر کے ایسی کی تیسی
راحیلؔ فاروق
۷ دسمبر ۲۰۱۶ء
لیجیئے محمداحمد بھیا، آپ کی خوشی کے لئے اور آپ کی فرمائش پر
مہینوں کے ماہر کی ایسی کی تیسی
دسمبر کے شاعر کی ایسی کی تیسی
راحیل فاروق بھیا! دسمبر کے شاعر سے مراد موسمی شعراء ہیں
شکریه محمد احمد بھیا. کریڈٹ راحیل فاروق بھیا کو جاتا هے جنهوں نے اتنی زرخیز زمین مهیا کی. راحیل بھیا ایک بار پھر بهت ساری داد قبول فرمائیں.واہ واہ امجد بھائی!
آپ نے تو لگے ہاتھ 'باقی ماندہ' معاملات بھی نمٹا دیے۔
ایسی تیسی ہو کر رہ گئی۔
متفق علیہ۔
لوگوں سے اجازت کون لے گا؟
ہاہاہاہاہا۔ کسی کی دلآزاری مقصود نہ تھی، سرکار۔ یہ تو محض ازراہِ تفنن تھا۔
ہمارے ہاں کہتے ہیں کہ عادت سر کے ساتھ جاتی ہے۔ ملازمت تو بہت چھوٹی چیز ہے۔
آپ کے دل کی ترجمانی سے بڑا اعزاز کیا ہو گا فقیر کے لیے؟
چڑ چڑ ہوتی ہے۔ چاہے دسمبر سے ہو چاہے دسمبریوں سے!
ہاہاہاہاہاہا۔لیجیئے محمداحمد بھیا، آپ کی خوشی کے لئے اور آپ کی فرمائش پر
مہینوں کے ماہر کی ایسی کی تیسی
دسمبر کے شاعر کی ایسی کی تیسی
راحیل فاروق بھیا! دسمبر کے شاعر سے مراد موسمی شعراء ہیں
کیا ہی کہنے، مہاراجا!
سردی سردی ہوتی ہے۔ اصلی یا۔۔۔۔ ہاہاہاہاہا۔
واہ!
امجد بھائی!
زبردست کام کر دیا۔
واہ واہ امجد بھائی!
آپ نے تو لگے ہاتھ 'باقی ماندہ' معاملات بھی نمٹا دیے۔
ایسی تیسی ہو کر رہ گئی۔
آپ کا شکریہ کہ اس زرخیز زمین پر پھول کاشت فرمائے ورنہ ہم تو اپنے ببولوں سے خود ہی خوف کھائے بیٹھے تھے۔
ہمارے ہاں موت فوت پر کہا جاتا ہے کہ ہر کوئی اپنے مُردوں کو روتا ہے۔ یعنی تعزیت کرنے والے آپ کا نہیں اپنا دکھ بانٹنے آتے ہیں۔ یہ بات ہمیں آپ کی بھڑاس نکلتی دیکھ کر شدت سے یاد آئی ہے۔
آپ دسمبر کےشاعروں سے تنگ ہیں اور ہم کرپشن کے ماہروں سے ۔ آپ نےاپنی بھڑاس نکال لی ہم نے نے اپنی سو حساب برابر
