ڈیٹابیس آسان الفاظ میں ڈیٹا کا ایک منظم مجموعہ ہوتا ہے۔ یہ کمپیوٹر میں ترتیب دی ہوئی ایسی معلومات ہے جو حسب ضرورت اخذ کی جا سکے۔
ڈیٹابیس کا اطلاق ڈیٹا اور اس سے متعلقہ ڈیٹا اسٹرکچر (Data structures) پر ہوتا ہے نہ کہ ڈیٹابیس منتظم سسٹم (DBMS) پر۔ ڈیٹابیس، ڈیٹا اور ڈیٹابیس منتظم سسٹم (DBMS) مل کر ڈیٹابیس سسٹم کہلاتے ہیں۔
ڈیٹابیس کسی سادہ فائل پر بھی مشتمل ہو سکتی ہے مگر اسے استعمال کرنا دوسرے فارمیٹ کے مقابلہ میں مشکل ثابت ہو سکتا ہے اس لیے 1970 کی دہائی سے نسبتی ماڈل پر مبنی ڈیٹابیس کا دور دورہ ہے۔ آبجیکٹ اورینٹڈ اور کثیر جہتی ڈیٹابیس کی مقبولیت کے باوجود ابھی تک سب سے زیادہ مشہور اور قابل استعمال ڈیٹابیس ماڈل نسبتی ہی ہے اور اس پر مشتمل ڈیٹابیس منتظم نظام اور ڈیٹابیس۔ اس دھاگے میں اب جہاں بھی ڈیٹابیس کی بات ہوگی وہاں نسبتی ماڈل تصور ہو گا۔
ٹیبل(Table):
ڈیٹا محفوظ رکھنے لیے ڈیٹابیس میں بنیادی اکائی(entity) ٹیبل (table) ہے۔ڈیٹا ایک سے زیادہ ٹیبل میں محفوظ کیا جاتا ہے اور ان کے درمیان نسبت (relation)پائی جاتی ہے۔
ٹیبل مشتمل ہوتا ہے قطاروں(rows) اور کالموں پر۔
سادہ فائل کی شکل میں ڈیٹا اس طرح ہو سکتا ہے
یہی ڈیٹا ایکسل کی شیٹ میں اس طرح سے ہوگا
اور یہی ڈیٹا مائیکروسافٹ ایکسس (MS Access) ڈیٹابیس میں اس طرح سے ظاہر ہوگا۔
