پی ٹی سی ایل EVO اور فائبر آپٹک فراڈ سے بچیے

جمال خان

محفلین
EVOپروموشن فراڈ
PTCLکی EVO ڈیوائس کسی پرکشش پروموشن کے دوران خریدتے ہوئے یہ بات ذہن میں رکھیے کہ اس کی ڈاون لوڈ ۔ لمٹ کسی بھی وقت کم کی جا سکتی ہے جس کا اطلاق پرانے اور نئے سبھی صارفین پر کر دیا جاتا ہے راقم نے کچھ ماہ قبل آزادی پیکج کی پروموشن کے دوران EVO wingleڈیوائس خریدی اس وقت ڈاونلوڈلمٹ 75GB ماہانہ بتائی گئی اور پمفلٹ بھی اسی لمٹ کے ساتھ چھاپے گئے ۔ لیکن اسی ماہ جون 2014کے آغاز میں یہ لمٹ گھٹا کر 30GB کر دی گئی ہے میرے ایک دوست نے مئی2014 کے آخری ہفتہ میں یوم تکبیر کے موقع پر EVO کی پروموشن کے دوران ڈیوائس خریدی اس کی قیمت اور ماہانہ انتہائی پرکشش تھے 2550 پہلی مرتبہ اور پھر 750 روپے ایک سال تک۔ اس وقت ڈاونلوڈ لمٹ 30GBایڈروٹائز کی گئی تھی لیکن پروموشن ختم ہوتے ہی یہ لمٹ گھٹا کر صرف 20GB کر دی گئی اور اب کوئی یہ بتا نے کو تیار نہیں کہ جن سادہ لوح افراد نے ڈاونلوڈ لمٹ کومدنظر رکھتے ہوئے یہ ڈیوائس خریدی تھیں وہ اب کہاں جائیں

PTCL فائبر آپٹک براڈبینڈ فراڈ
فائبر آپٹک فون لائن اور براڈبینڈ انٹرنیت کا آرڈر دیتے ہوئے دو باتیں ذہن میں رکھیے ایک تو یہ کی اگر آرڈر دینے کے ۔ بعد آپ کو آرڈر کینسل کرنے کا خیال آجاٰے تو آپ کی اطلاع کے لیے عرض ہے یہ آرڈر اب صرف فون پر1236 کےذریعےکینسل نہیں ہو سکتا اس کے لیے آپ کو قریبی ایکسچینج کے چکر کاٹنے پڑیں گے اس لیے سوچ سمجھ کر آرڈر دیں ہم نے آرڈر دینے کےتقریبا سات دن بعد جبکہ ابھی تک ہمیں فون کا کنکشن بھی فراہم نہیں کیا گیا تھا آرڈر کینسل کرنے کے لیے 1236 پر کال کی انہوں نے قریبی اکسچینج سے رابطہ کرنے کو کہا ایکسینج میں کئی کمروں سے پوچھ گچھ کے بعد جب اصل کمرے میں پہنچے تو کچھ انسان نما حیوانوں نے کہا صاحب آب آپ کا آرڈر کینسل نہیں ہو سکتا لیکن خیر ان کی بدتمیزی اور طنزیا فقرے سہنے اور کافی تو تو میں میں کے بعد بلآخرہمیں کہا گیا چلیے آپ جائیے ہم آپ کا آرڈر کینسل کر دیتے ہیں لیکن ایک ماہ بعد ہمیں مبلغ تین ہزار کا بل موصول ہو گیا جسے ہم نے ادا نہیں کیا اور انتظار کر رہے ہیں کہ کب PTCLوالے ہمارے گھر پر اس کا تقاضا کرنے آتے ہیں
دوسری اور سب سے اہم بات کہ فائبر آپٹک کی پرفارمینس سب کے لیے یکساں نہیں اس کا انحصار اس بات پر ہے کہ فائبر آپٹک آپ کے گھر تک کس طرح پہنچائی گئی ہے کیا یہ فائبر آپٹک کیبنٹ سے براہ راست آپ تک پہنچی ہے یا پرانی کاپر ڈی پی سے ہوتے ہوٰے مذید وضاحت کے لیے مندرجہ بالا تصویر ملاحضہ کریں
fiber.jpg

لہذا آرڈر دینے سے پہلے اپنے مطعلقہ لائن مین سے مل کر اس بات کی مکمل تسلی کر لیں کے آپ کو فائبر کنکشن براہ راست ہی دیا جا رہا ہے بصورت دیگر پرانےکاپر کیبنٹ کے ذریعے ملنے والا کنکشن کہنے کو تو PTCL والوں کی زبان میں فائبر ہی کہلائے گا لیکن اپنے اندر بہت سے نقائص سموئے ہوئےہو گا۔اس سرکٹ کے ذریعے ملنے والے انٹرنیٹ کنکشن کی بہتر پرفارمینس کا انحصار بہت سی باتوں ہے مثال کے طور پر فائبر کیبنٹ کا فاصلہ کاپرکیبنٹ سے کتنا ہے اور پھر فائبر کیبنٹ اور کاپر کیبنٹ سے ہوتے ہوئے آپ کے گھر تک مجموعی فاصلہ کتنا بنتا ہے اس کے علاوہ پرانے کاپر سرکٹ کی صحت کیسی ہے یہ کتنا پرانا سرکٹ ہے لائن مین نے کنکشن کتنی مضبوطی سے کئے یہ تمام باتیں آپ کو PTCL والے نہیں بتائیں گے اس کا پتہ آپ کو خود لگانا ہے ورنہ ہزاروں روپے خرچ کرنے کے باوجود آپ آئے دن انٹرنیٹ کی کم سپیڈ اور ڈسکنکشن کی تکالیف سے مبرا ہوتے رہیں گے جبکہ ہیلپ لائن پر آپ کو مسلسل مبارک باد دی جائے گی صاحب مبارک ہو آپ جدید صدی سے ہم آہنگ فائبر آپٹک کنکشن پرشفٹ ہو چکے ہیں آب بجلی کی تیزی سے چلنے والے انٹرنیٹ کے مزے لیں :atwitsend:
مذید براں کاپر سرکٹ کی صحت اگر بہترین بھی ہو تو بھی اس کی پرفارمینس کا موازنہ کسی بھی طرح فائبر کے براہ راست کنکشن سے نہیں کیا جاسکتا دراصل PTCL کے چند خبیث النسل مشیروں نے پیسے بچانے کے لیے یہ مشورہ دیا ہے کہ زیادہ تر اور خاص طور پر پرانے گنجان آباد علاقوں میں بجائے فائبرکیبنٹ سےلاتعداد نئی تاریں بچھانے کے پرانے زیرزمین کاپر سرکٹ کو ہی استعمال کیا جائے اس صورت میں صرف ایک زیرزمین تار فائبر کیبنٹ سے کاپر کیبنٹ تک پہنچانی ہو گی اور عوام کو مذید بے وقوف بنانے کے لیے ان علاقوں میں چند کنکشن فائبر کیبنٹ سے براہ راست بھی دے دئیے گئے ہیں اب بظاہر تو لوگ اپنے علاقے میں لگنے والی فائبر کیبنٹ کو دیکھ کر اور جن چند خوش نصیب لوگوں کو براہ راست فائبر کا کنکشن ملاان سے اس کی تعریفیں سن سن کر خوش ہو رہے ہیں کہ ان کے علاقے میں بھی جدید ٹیکنالوجی آگئی لیکن وہ یہ نہیں جانتے کہ یہ جدید ٹیکنالوجی ان کے علاقے کے زیادہ تر لوگوں کو اسی سو سالہ پرانی کاپرٹیکنالوجی کے ذریعے ہی فراہم کی جائے گی
مذید تفصیلات کے لیے مندرجہ بالا بلاگ کو وذٹ کیا جاسکتا ہے
http://ptclscam.blogspot.com/

 
آخری تدوین:

جمال خان

محفلین
مارکیٹنگ کے غلط حربے کہہ سکتے ہیں اسے :)

کیوں جناب فراڈ کیوں نہیں کہہ سکتے پہلے 75GB کا جھانسا دے کر مال بیچنا اور بعد میں لمٹ آدھے سے بھی کم کر دینا اور فائبر آپٹک کا سراب دکھا کر کنکشن پھر کاپر سرکٹ کے تحت ہی دینا کیا یہ سیدھا سیدھا فراڈ کا کیس نہیں؟۔
 
آخری تدوین:

قیصرانی

لائبریرین
کیوں جناب فراڈ کیوں نہیں کہہ سکتے پہلے 75GB کا جھانسا دے کر مال بیچنا اور بعد میں لمٹ آدھے سے بھی کم کر دینا اور فائبر آپٹک کا سراب دکھا کر کنکشن پھر کاپر سرکٹ کے تحت ہی دینا کیا یہ سیدھا سیدھا فراڈ کا کیس نہیں؟۔
اسے فراڈ نہیں کہیں گے، کہ یہ ہمارا اجتماعی رویہ ہے۔ تاہم چونکہ پھر بات اس طرف بڑھ جائے گی کہ ہم پاکستان سے باہر رہنے والے پاکستانیوں کو ہرگز یہ حق نہیں ہے کہ ہم پاکستان پر طنز یا تنقید کریں، اس لئے بہتر ہے کہ میں یہیں چپ کر جاؤں :)
 

قیصرانی

لائبریرین
کیوں جناب فراڈ کیوں نہیں کہہ سکتے پہلے 75GB کا جھانسا دے کر مال بیچنا اور بعد میں لمٹ آدھے سے بھی کم کر دینا اور فائبر آپٹک کا سراب دکھا کر کنکشن پھر کاپر سرکٹ کے تحت ہی دینا کیا یہ سیدھا سیدھا فراڈ کا کیس نہیں؟۔
اگر آپ برا نہ مانیں تو یہ بتائیے گا کہ 30 جی بی، 20 جی بی یا 75 جی بی استعمال میں آپ یا ایک عام فرد کرتا کیا ہے؟
جہاں تک میرا علم کام کرتا ہے، 90 فیصد سے زیادہ احباب چوری شدہ فلمیں اور پائیرٹیڈ سافٹ وئیر ڈاؤن لوڈ کرنے کے لئے استعمال کرتے ہیں، جس کے لئے 100 جی بی مہینہ بھی کم ہوگی۔ تاہم یہ آپ کی پوسٹ کے موضوع سے متعلق نہیں ہے، اس لئے چاہیں تو اس سوال کو گول کر سکتے ہیں :)
 
جو کچھ بھی ہے، جیسا بھی ہے، مجبوری یہ ہے کہ ہمارے پاس اور کوئی آپشن بھی نہیں ہے۔
دیگر ذرائع اتنے مہنگے ہیں کہ بس ۔۔۔ کچھ نہ پوچھئے!
انٹرنیٹ کا مثبت منفی استعمال اپنی جگہ، فی زمانہ یہ ضرورت بن چکا ہے۔
 

جمال خان

محفلین
اگر آپ برا نہ مانیں تو یہ بتائیے گا کہ 30 جی بی، 20 جی بی یا 75 جی بی استعمال میں آپ یا ایک عام فرد کرتا کیا ہے؟
جہاں تک میرا علم کام کرتا ہے، 90 فیصد سے زیادہ احباب چوری شدہ فلمیں اور پائیرٹیڈ سافٹ وئیر ڈاؤن لوڈ کرنے کے لئے استعمال کرتے ہیں، جس کے لئے 100 جی بی مہینہ بھی کم ہوگی۔ تاہم یہ آپ کی پوسٹ کے موضوع سے متعلق نہیں ہے، اس لئے چاہیں تو اس سوال کو گول کر سکتے ہیں :)

آپ کی غیر سنجیدہ گفتگو کا جواب دینا ضروری بھی نہیں سمجھتا ۔۔۔۔۔
 
آخری تدوین:

سید ذیشان

محفلین
اصولاً اس کو فراڈ نہیں کہا جا سکتا کیونکہ جب آپ چیز خریدتے ہیں اور فارم پر سائن کرتے ہیں تو اس میں لکھا ہوتا ہے کمپنی ان میں سے کسی شق کو بھی کسی وقت بغیر نوٹس کے تبدیل کر سکتی ہے۔ اگرچہ اخلاقی طور پر یہ کافی معیوب ہے۔

اس پر ایک واقعہ یاد آ گیا۔ میرے ایک دوست نے ایک موبائل فون خریدا۔ دوست جلدی میں تھا تو پہلی دکان جو نظر آئی اس سے خرید لیا۔ جب کام نمٹا لیا تو مارکیٹ کا دوبارہ چکر لگایا اور معلوم ہوا کہ یہ موبائل تو باقی دکانوں پر کافی سستا دستیاب ہے۔ اسی دکاندار سے پوچھا کہ اتنا مہنگا کیوں بیچا۔ تو اس نے کہا کہ اب تو بیچ دیا اب کچھ نہیں کیا جا سکتا۔ بات کچھ اور بڑھی تو کہتا ہے کہ میں بہت بڑا نوسرباز ہوں اور میرا بھائی، جس کی ساتھ والی دکان ہے، وہ مجھ سے بھی بڑا نوسر باز ہے۔ ہم نے سوچا کہ پولیس کی مدد لی جائے لیکن معلوم ہوا کہ جب چیزوں کی حکومت نے قیمت فکس نہ کی ہو وہ دکاندار منہ مانگی قیمت پر بیچ سکتے ہیں اور اگر گاہک ٹھگ لیا گیا تو اس کی قسمت۔ اسی لئے پہلے مارکیٹ میں گھوم پھر کر قیمت معلوم کرنی چاہیے۔
 

نایاب

لائبریرین
اپنا پاکستان ہے ۔ ہم جیسے ہی سرکاری ملازم وزیر شان ہیں اس کی ۔ کیا کہیں پاکستان کے سرکاری اداروں بارے ۔۔۔۔
تین ماہ سے بھی زیادہ کا عرصہ ہو رہا ہے ۔ گاؤں کے 95 پرسنٹ فون بند ہیں ۔ سبب یہ کہ اک نالہ تعمیر ہو رہا ہے اور کیبل کٹ گئی ہے ۔
ہر ماہ نیٹ پیکج کے بل سمیت لائن رینٹ اور ٹیکسز کا حامل بل منہ اٹھائے چلا آتا ہے ۔ کبھی ناغہ نہیں کرتا ۔
ہم بھی امید کے چراغ روشن رکھتے ادا کر دیتے ہیں کہ کبھی تو آئے گی صدائے جرس ،،،،،،،،،،،،،،
 

محمد امین

لائبریرین
پی ٹی سی ایل نے فائبر ٹو ہوم کبھی مشتہر کیا ہے کیا؟ اگر نہیں کیا تو او این یو سے گھر تک کوپر کے ذریعے پہنچانا دھوکے بازی میں شمار نہیں ہوسکتا اور نہ ہی فائبر کے پی ٹی سی ایل الگ پیسے چارج کرتا ہے۔

دراصل۔ پرانے کوپر لوپ میں مسائل صرف اور صرف پورٹ کے ہوتے ہیں۔ پورٹ تبدیل کروانا بہت مسئلہ ہوتا ہے میں نے اس سلسلے میں کئی مہینوں تک ایکسچینچ کی خواریاں اٹھائی ہیں۔ حتیٰ کہ ان لوگوں کو میری شکل تک یاد ہوگئی تھی۔ پھر میں نے کہہ کہہ کر اپنا کنیکشن فائبر پر کروا لیا اور اب سال سے زیادہ ہوگیا ہے اور کبھی لائن کا مسئلہ نہیں ہوا حالانکہ میرا کنیکشن او این یو سے گھر تک کوپر پر آرہا ہے۔
 
آپ کی غیر سنجیدہ گفتگو کا جواب دینا ضروری بھی نہیں سمجھتا ۔۔۔۔۔
جمال خان
بہت بری بات قیصرانی جی ھمارے بہت سینئر ساتھی ھیں اور ان کی بہت عزت ھے ھم سب کے دلوں میں. آپ کے الفاظ کافی سخت ھیں.
ویسے انھوں نے ایسا کچھ نھیں جواب دیا جس پر آپ سیخ پا ھوں یا چراغ پا.
یه فورم ھماری بہت اچھی اخلاقی تربیت کا بھی زریعه ھے.
گذارش ھے که آپ بھی اس سے مستفید ضرور ھوں.
 

naeem subhani

محفلین
ایک بھائی صاحب کہ رہے ہے اپ اتنی GB کا کیا کرتے ہو. بھائی کچھ بھی کرتا ہو لیکن جو بات PTCL والوں نے کنکشن لگوانے سے پہلے کی تھی اسی پر قایم تو رہے. ویسےبھی میں نے تو PTCL کنکشن کٹوا دیا ہے. سپیڈ اتی ہے کوئی نہیں ور اپر سے BILL اللہ معافی ابھی میں نے زونگ کا کنکشن لے لیا ہے بوہت اچھا ہیں. ویسے میں نے سب آزماے ہویے ہے. زونگ ابھی تک ٹھیک جا رہا ہے
 

محمد وارث

لائبریرین
پی ٹی سی ایل نے اپنی چار جی ایو سروس ایک دو شہروں کے علاوہ پورے پاکستان میں بند کر دی ہے۔ تین ہزار کی ڈیوائس خریدی تھی میں نے اور ابھی ایکٹیویٹ بھی نہیں کروائی تھی کہ سروس بند ہو گئی۔ شکایت کرنے پر کہتے ہیں، واپس کر دیں اور آ کر ایک لینڈ لائن کنکشن اور ایک موڈیم فری حاصل کر لیں، میرے پاس پہلے ہی دونوں موجود ہیں، لعنت ہے ایسی سروس پر۔
 
Top