پیامی نستعلیق

قربان

محفلین
مبارکپور(اعظم گڑھ) انفارمیشن ٹیکنالوجی میں اردو کا دائرہ مسلسل بڑھ رہا ہے۔ اردو انٹر نیٹ پر استعمال ہونے والی بڑی زبانوں میں سے ایک اہم زبان کی حیثیت رکھتی ہے۔ اس اعتبار سے دیکھا جائے تو اردو کا مستقبل انتہائی تاب ناک ہے۔کچھ عرصہ پہلے تک اردو کے نام پر صرف ایک سافٹ ویئر ان پیج ہوا کرتا تھا، انپیج متعدد خوبیوں کا حامل ہونے کے ساتھ ساتھ متعدد خرابیوں کا مجموعہ بھی ہے۔ لیکن اس کے بالمقابل کوئی ایسا سافٹ ویئر نہیں تھا، جس میں اردو لکھی جا سکے۔اس لیے انپیج کے علاوہ کسی اور سافٹ ویئر میں اردو لکھنا محال تھا، دوسرے سوفٹ ویئر میں اردو متن شامل کرنے کے لیے کئی پیچیدہ طریقے اپنائے جاتے تھے۔ مگر یونیکوڈ سپورٹ والے سافٹ ویئرز کی آمد کے ساتھ ہی کمپیوٹر پر اردو کا دائرہ بھی وسیع ہونے لگا۔ اردو پورٹلز، بلاگز،اردو ویب سائٹس کا ایک جہانِ نو آباد ہونے لگا۔ اس کے ساتھ ہی اردو یونیکوڈ فونٹس کی ایک لا محدود دنیا بھی انٹر نیٹ پر آباد ہوگئی۔ اب اردو لکھنے کے لیے صرف انپیج کی محتاجی نہ رہی، بلکہ تمام ایسے سوفٹ ویئر ز میں، جن میں یونیکوڈ سپورٹ موجود ہے،اردو آسانی کے ساتھ لکھی جانے لگی۔ لیکن یہ تمام ترقیاں ایک ایسے مقام پر آکر رک گئیں جسے کمپیوٹر کی زبان میں کرننگ کہا جاتا ہے۔ اس معاملے میں اردو انپیج کی بادشاہت برقرار رہی، بہت سے یونیکوڈ اردو نستعلیق فانٹ منظرِ عام پر آئے مثلاً جمیل نوری نستعلیق، علوی نستعلیق، لاہوری نستعلیق، ایران نستعلیق، اردو عماد نستعلیق ، پاک نستعلیق وغیرہ، لیکن کسی فونٹ میں اس خرابی پر قابو نہ پایا جا سکا۔ جس کی وجہ سے یونیکوڈ سہولت ہونے کے باوجود دوسرے سافٹ ویئرز میں براہِ راست اردو لکھنا ایک دشوار امر ثابت ہوا۔الجامعۃ الاشرفیہ کے شعبۂ کمپیوٹر کے ٹیچر مہتاب پیامی نے مذکورہ جانکاریاں دیتے ہوئے بتایا کہ انھوں نے جمیل نوری نستعلیق فونٹ کی بنیاد پر ایک نیا نستعلیق فانٹ ترتیب دیا ہے جس میں کرننگ کی مکمل سپورٹ دی گئی ہے، ساتھ ہی ساتھ متعدد نئے لگیچرز کا اضافہ بھی کیا ہے۔ انھوں نے مزید بتایا کہ اردو انپیج کے نستعلیق فونٹ، علوی نستعلیق فانٹ اور جمیل نوری نستعلیق فانٹ میں فنِ خطاطی کے اعتبار سے بہت سی خرابیاں تھی جن کو دور کیا گیا ہے اور فونٹ کو خوبصورت بنانے کے لیے تقریباً ۱۷۰۰۰لگیچرز پر از سرِ نو کام کیا گیا ہے۔مہتاب پیامی نے اخباری نمائندوں سے گفتگو کرتے ہوئے بتایا کہ یہ فونٹ تقریباً ۲۶۰۰۰لگیچرز پر مبنی ہے لیکن سائز میں جمیل نوری نستعلیق کے مقابلے ۲۰؍ فی صد کم جگہ گھیرتا ہے۔ یہ فونٹ ”پیامی نستعلیق ورژن ۲۰۱۳ء“ یکم جنوری ۲۰۱۳ ء سے انٹر نیٹ کے ذریعہ ڈاؤن لوڈ کیا جا سکتا ہے۔ ”پیامی نستعلیق“ فونٹ محبانِ اردو کے لیے بالکل مفت ہے اور ایم ایس ورڈ ۲۰۰۷، ۲۰۱۰، ۲۰۱۳، کورل ڈرا ایکس تھری، ایکس فور، ایکس فائیو، ایکس سکس، ایڈوب سی ایس فور اور سی ایس فائیو میں آزمودہ ہے۔ وقتِ ضرورت اس فونٹ کو انپیج تھری میں بھی استعمال کیا جا سکتا ہے، لیکن اصل میں یہ فونٹ کورل ڈرا اور ایم.ایس.ورڈ کو مدِ نظر رکھتے ہوئے تیارکیا گیا ہے۔انھوں نے محبانِ اردو سے گزارش کی کہ اس فونٹ کو استعمال کریں، کسی قسم کی خرابی کی اطلاع یا اپنے مشورے [ای میل پتہ محذوف] پر براہِ راست میل کر سکتے ہیں۔انھوں نے بتایا کہ پیامی نستعلیق کا مکمل ورژن ۲۰۱۴ ء میں جاری کیا جائے گا جو پچاس ہزار لگیچرز پر مبنی ہوگا۔
یہاں سے ڈاؤن لوڈ کریں۔
 
مدیر کی آخری تدوین:

علوی امجد

محفلین
Piyami%20Nastaleeq.gif

ماشااللہ!
نظر آرہا ہے کہ کافی محنت کی گئی ہے۔
 

arifkarim

معطل
PN-1.gif


نستعلیق میں کرننگ کی سب سے بڑی رکاوٹ "ک" ہے۔ خصوصاجب وہ نئی لائن کے شروع مٰیں آجائے۔
اسکا حل تو ہمنے پچھلے سال ہی ڈھونڈ لیا تھا۔ فی الحال ابن سعید کا انتظار ہو رہا ہے تاکہ امیج پراسیسنگ کے ذریعہ ترسیمہ جات کی کرننگ ویلیوز خودکار طور پر معلوم کی جا سکیں۔ جمیل نوری نستعلیق میں انپیج جیسی مینول کرننگ کے چند نمونے یہاں موجود ہیں۔آپکی ماہرانہ رائے کا انتظار رہے گا :)
 

فیصل حسن

محفلین
یہ فونٹ تاج نستعلیق اور جمیل نوری نستعلیق سے کہیں بہتر ہے، بلکہ سارے ہی یونی کوڈ فونٹز سے بہتر ہے۔لیکن اس فونٹ کی اتنی کم پذیرائی یہاں دیکھ کر حیرانی ہوئی۔
 

arifkarim

معطل
یہ فونٹ تاج نستعلیق اور جمیل نوری نستعلیق سے کہیں بہتر ہے، بلکہ سارے ہی یونی کوڈ فونٹز سے بہتر ہے۔لیکن اس فونٹ کی اتنی کم پذیرائی یہاں دیکھ کر حیرانی ہوئی۔
کیونکہ یہ جمیل نوری نستعلیق سے بہتر نہیں ہے۔ اوپر علوی امجد کی پوسٹ دیکھیں۔
 
میری مہتاب پیامی صاحب سے بات ہوئی تھی انہوں نے تو ناقابل یقین خلاصہ کیا تھا کہ وہ بغیر وولٹ ورک کے لگیچرز کا اضافہ کر رہے ہیں ;)
کرننگ کا پتہ نہیں۔ بیرنگ ہٹا بچا کے کر رہے ہیں یا کوئی اور طریقہ ہے۔۔۔۔
 

متلاشی

محفلین
میری مہتاب پیامی صاحب سے بات ہوئی تھی انہوں نے تو ناقابل یقین خلاصہ کیا تھا کہ وہ بغیر وولٹ ورک کے لگیچرز کا اضافہ کر رہے ہیں ;)
کرننگ کا پتہ نہیں۔ بیرنگ ہٹا بچا کے کر رہے ہیں یا کوئی اور طریقہ ہے۔۔۔۔
جی کرننگ انہوں نے بیئرنگز کی ہی مدد سے کی ہے ۔۔ شاید ان کے پاس جمیل کا وولٹ موجود نہیں اس لیے ان کا فونٹ زیادہ پذیرائی حاصل نہیں کر سکا ۔۔۔ ورنہ بیئرنگز کی مدد سے کرننگ کا آئیڈیا اتنا برا بھی نہیں مزید تھوڑا وولٹ ورک کر کے فونٹ کی سپیڈ کو زیادہ متاثر کیے بنا کافی اچھا رزلٹ حاصل کیا جا سکتا ہے
 

متلاشی

محفلین
میری مہتاب پیامی صاحب سے بات ہوئی تھی انہوں نے تو ناقابل یقین خلاصہ کیا تھا کہ وہ بغیر وولٹ ورک کے لگیچرز کا اضافہ کر رہے ہیں ;)
کرننگ کا پتہ نہیں۔ بیرنگ ہٹا بچا کے کر رہے ہیں یا کوئی اور طریقہ ہے۔۔۔۔
اور وولٹ کے بنا نئے لگیچرز شامل کرنے سے فونٹ اوپن ٹائپ تو کسی صورت نہیں رہے گا
 

arifkarim

معطل
میری مہتاب پیامی صاحب سے بات ہوئی تھی انہوں نے تو ناقابل یقین خلاصہ کیا تھا کہ وہ بغیر وولٹ ورک کے لگیچرز کا اضافہ کر رہے ہیں ;)
کرننگ کا پتہ نہیں۔ بیرنگ ہٹا بچا کے کر رہے ہیں یا کوئی اور طریقہ ہے۔۔۔۔
وولٹ ورک کے بغیر لگیچر کا اضافہ ایسے ہی ہے جیسے پانی پر موٹر کار چلانا۔ ;)
اور یہ ترسیموں کی بیرنگ کیساتھ کھلواڑ کو کرننگ کہنا فانٹ سازی کیساتھ ایک اچھا مذاق ہے۔ :ROFLMAO:

جی کرننگ انہوں نے بیئرنگز کی ہی مدد سے کی ہے ۔۔ شاید ان کے پاس جمیل کا وولٹ موجود نہیں اس لیے ان کا فونٹ زیادہ پذیرائی حاصل نہیں کر سکا ۔۔۔ ورنہ بیئرنگز کی مدد سے کرننگ کا آئیڈیا اتنا برا بھی نہیں مزید تھوڑا وولٹ ورک کر کے فونٹ کی سپیڈ کو زیادہ متاثر کیے بنا کافی اچھا رزلٹ حاصل کیا جا سکتا ہے
ترسیموں کی بیرنگز کیساتھ چھیڑ چھاڑ سے پورا فانٹ خراب ہو جاتا ہے۔ ایک ڈاکومنٹ میں ترسیمے دائیں بائیں سے کٹ جاتے ہیں۔ اسے کہیں سے بھی کرننگ نہیں کہا جا سکتا۔ یہ محض ایک جگاڑ ہے جب آپ کو فانٹ میں درست کرننگ مہیا نہ ہو۔
باقی جہاں تک فانٹ کی اسپیڈ کا سوال ہے تو وہ کوئی اتنا بڑا مسئلہ نہیں۔ آپ بہتر کمپیوٹر لے لیں۔ :)
 

متلاشی

محفلین
اور یہ ترسیموں کی بیرنگ کیساتھ کھلواڑ کو کرننگ کہنا فانٹ سازی کیساتھ ایک اچھا مذاق ہے۔
عارف بھائی کرننگ کی اصطلاح کا وولٹ کے ساتھ کوئی تعلق نہیں کرننگ کا مطلب فصل و وصل یعنی دو ترسیموں کا درمیانی فاصلہ یا نزدیکی ہے ۔۔۔ اب اگر یہ ترسیموں کی بیئرنگز کیساتھ کھلواڑ کر کے حاصل کیا جائے یا وولٹ ورک سے بات ایک ہی ہے ۔۔۔ اگر کوئی دوسرا نیا کام کرے تو اس کو اس کا کریڈٹ دینا چاہیے نہ کہ اس کا مذاق اڑانا چاہیے
ترسیموں کی بیرنگز کیساتھ چھیڑ چھاڑ سے پورا فانٹ خراب ہو جاتا ہے۔ ایک ڈاکومنٹ میں ترسیمے دائیں بائیں سے کٹ جاتے ہیں۔ اسے کہیں سے بھی کرننگ نہیں کہا جا سکتا۔ یہ محض ایک جگاڑ ہے جب آپ کو فانٹ میں درست کرننگ مہیا نہ ہو۔
پیامی نستعلیق کے ڈیویلپر نے بیئرنگز کے ساتھ چھیڑ چھاڑ کی ہے ان کا فونٹ تو خراب نہیں ہوا ؟؟؟؟؟؟؟؟؟؟؟؟؟ سارے کا سارا صحیح چل رہا ہے۔۔۔۔:cool: رہا ترسیموں کا دائیں بائیں کٹ جانے کا مسئلہ تھا وہ تھوڑا سا وولٹ ورک کرکے ٹھیک کیا جا سکتا ہے ۔۔
باقی جہاں تک فانٹ کی اسپیڈ کا سوال ہے تو وہ کوئی اتنا بڑا مسئلہ نہیں۔ آپ بہتر کمپیوٹر لے لیں۔
شاید آپ کو علم نہیں پاکستان میں ابھی تک عام یوزر پی 4 کمپیوٹر استعمال کرتے ہیں ۔۔۔ یا اگر کوئی زیادہ کر لے تو کور ٹو ڈو تک چلا جائے گا ۔۔۔ میرے پاس کور آئی 3 اور کور آئی 5 ہے دونوں پرآپ کا فونٹ ٹیسٹ کر کے دیکھ چکا ہوں ۔۔ سپیڈ کافی متاثر ہوتی ہے ۔۔ آپ نے محنت کی اور اوپن ٹائپ فونٹ میں ہی قابلِ استعمال حد تک بہترین کرننگ لگائی جو کہ ایک بہت بڑی اچیومینٹ ہے ۔۔ لیکن اگر کوئی دوسرا کوئی اور تیکنیک استعمال کرے تو اس کی حوصلہ شکنی کرنے کی بجائے اس کی حوصلہ افزائی کرنی چاہیے
 

arifkarim

معطل
عارف بھائی کرننگ کی اصطلاح کا وولٹ کے ساتھ کوئی تعلق نہیں کرننگ کا مطلب فصل و وصل یعنی دو ترسیموں کا درمیانی فاصلہ یا نزدیکی ہے ۔۔۔ اب اگر یہ ترسیموں کی بیئرنگز کیساتھ کھلواڑ کر کے حاصل کیا جائے یا وولٹ ورک سے بات ایک ہی ہے ۔۔۔ اگر کوئی دوسرا نیا کام کرے تو اس کو اس کا کریڈٹ دینا چاہیے نہ کہ اس کا مذاق اڑانا چاہیے
ہم نے مذاق کہاں اڑایا۔ بلکہ کرننگ لگانے کی ٹیکنیک کی وضاحت کی ہے۔ آپ شاید بھول رہے ہیں کہ جمیل نوری نستعلیق ورژن 1 اور 2 میں بھی اسی قسم کے جگاڑوں سے کام چلایا گیا تھا۔ جسکا نقصان یہی ہوتا تھا کہ زیادہ اونچائی اورگہرائی والے ترسیمے ڈاکومنٹ میں دائیں اور بائیں جانب سے کٹ جاتے تھے۔ انہی مسائل کی وجہ سے ہم بہت بہتر اور درست اوپن ٹائپ کرننگ کی طرف آئے تھے۔اسوقت بھی جمیل نوری نستعلیق کے بیس فانٹ جوہر نستعلیق میں یہی جگاڑ چل رہے ہیں، جسکی وجہ سے زیادہ بیرنگ والے ترسیمے دیگر نکتوں اور کشتیوں کیساتھ جا ٹکراتے ہیں۔

پیامی نستعلیق کے ڈیویلپر نے بیئرنگز کے ساتھ چھیڑ چھاڑ کی ہے ان کا فونٹ تو خراب نہیں ہوا ؟؟؟؟؟؟؟؟؟؟؟؟؟ سارے کا سارا صحیح چل رہا ہے۔۔۔۔:cool: رہا ترسیموں کا دائیں بائیں کٹ جانے کا مسئلہ تھا وہ تھوڑا سا وولٹ ورک کرکے ٹھیک کیا جا سکتا ہے ۔۔
آپ وولٹ ورک میں کسی بھی جملے کی ابتداء کوکیسے ڈیفائن کریں گے؟ مثلاً ک سے شروع ہونے والے تمام ترسیموں کو لائن اسٹارٹ سے اتنا اتنا آگے کر دو؟ آپ جانتے ہیں کہ ایسا ممکن نہیں ہے۔

شاید آپ کو علم نہیں پاکستان میں ابھی تک عام یوزر پی 4 کمپیوٹر استعمال کرتے ہیں ۔۔۔ یا اگر کوئی زیادہ کر لے تو کور ٹو ڈو تک چلا جائے گا ۔۔۔ میرے پاس کور آئی 3 اور کور آئی 5 ہے دونوں پرآپ کا فونٹ ٹیسٹ کر کے دیکھ چکا ہوں ۔۔ سپیڈ کافی متاثر ہوتی ہے ۔۔ آپ نے محنت کی اور اوپن ٹائپ فونٹ میں ہی قابلِ استعمال حد تک بہترین کرننگ لگائی جو کہ ایک بہت بڑی اچیومینٹ ہے ۔۔ لیکن اگر کوئی دوسرا کوئی اور تیکنیک استعمال کرے تو اس کی حوصلہ شکنی کرنے کی بجائے اس کی حوصلہ افزائی کرنی چاہیے
پتا نہیں آپکو حوصلہ شکنی کہاں نظر آرہی ہے۔ ہم نے تو صرف یہ عرض کی تھی کہ بیرنگز کیساتھ کھلواڑ کو کرننگ کہنا غلط ہے۔ فانٹ میں کرننگ، کرننگ ٹیبلز سے ڈالی جاتی ہے۔ بیرنگز کو آگے پیچھے کر کے نہیں۔ ہاں ا س سے بظاہر کرننگ کا ایک تاثر ضرور پیدا ہوگا، لیکن بہرحال وہ کرننگ ہوگی نہیں۔
نیز یہاں ہم اپنے فانٹ کا یہاں موازنہ نہیں کر رہے۔ اگر کسی کو یہ فانٹ سست لگتا ہے تو انپیج کا نوری نستعلیق بطور متبادل موجود ہے۔
 

متلاشی

محفلین
آپ وولٹ ورک میں کسی بھی جملے کی ابتداء کوکیسے ڈیفائن کریں گے؟ مثلاً ک سے شروع ہونے والے تمام ترسیموں کو لائن اسٹارٹ سے اتنا اتنا آگے کر دو؟ آپ جانتے ہیں کہ ایسا ممکن نہیں ہے۔
میرے لگیچر بیس فونٹ ایسا بآسانی ممکن ہے
 
Top