پنجابی "بال شاعری" کتاب "بات بتولی"شاعرہ:منزّہ شاہد

[یوسف سلطان]

بات پاواں بتولی پاواں
بات نُوں لگے پَیر
دھوکھا دینا بات بُری اے
اپنا ہوئے یا غیر​

 

[یوسف سلطان]

بات پاواں بتولی پاواں
بات نُوں لگے پَھل
لالچ بُری بلا ہے بَچیو
گوہ نال سن لو گل

گوہ نال :غور سے​

 

[یوسف سلطان]

بات پاواں بتولی پاواں
بات نُوں لے گیا قاضی
مکر فریب نے کم نہیں آؤنا
جِت اخلاص دی بازی​

 

[یوسف سلطان]

بات پاواں بتولی پاواں
بات نُوں لے گئے موجی
بدلہ لے کے کِیہ کرنا اے
غلطی معاف کرو جی​

 

[یوسف سلطان]

بات پاواں بتولی پاواں
بات اے بڑی ضروری
ہیرا پھیری کم بُرا اے
کدی نہ پَیندی پوری​

 

[یوسف سلطان]

بات پاواں بتولی پاواں
بات نہ دینا دَب
چُغلی کرنائے مردہ کھانا
آکھے سوہنا رب​

 

[یوسف سلطان]

بات پاواں بتولی پاواں
بات اے بڑی مہان
اَٹی دے مُل وِکدے یوسف
حُسن تے کیہ گمان

اَٹی : سوتر دی اَٹی ، کم قیمت کی چیز​

 

[یوسف سلطان]

بات پاواں بتولی پاواں
بات نہ میری ٹالو
ہاویہ دوزخ وچ ٹھکانہ
حسد نہ کرنا بالو
ہاویہ دوزخ : سب سے نچلے درجے کی دوزخ ​

 

[یوسف سلطان]

بات پاواں بتولی پاواں
بات نہ مَنّے ہار
فرعون ہمیشہ ڈُوب جاندے نیں
موسیؑ لگدا پار​

 

[یوسف سلطان]

بات پاواں بتولی پاواں
بات نے پایا چَھلاّ
برے بندے دی صحبت نالوں
بہتر بیٹھ اکَلا​

 

[یوسف سلطان]

بات پاواں بتولی پاواں
بات نُوں پے گئے وٹ
تلواراں توں گہرے ہوندے
جِیبھ دے لگے پَھٹ

وٹ : شکن
جیبھ :زبان
پھٹ: زخم​

 

[یوسف سلطان]

بات پاواں بتولی پاواں
بات نُوں چڑھیا تاپ
دُوجے لئی نہ ٹویا کڈو
ڈِگ جاؤ گے آپ

ٹویا: گھڈا
کڈو: نکالو، بناؤ
ڈگ جاؤ گے: گر جاؤ گے​

 

[یوسف سلطان]

بات پاواں بتولی پاواں
بات کراں میں پُوری
محنت دے وچ عار کوئی نہ
محنت مِٹھی چُوری

عار: شرم،مہنا​

 

[یوسف سلطان]

بات پاواں بتولی پاواں
بات کرائے دنگا
احمق نُوں نہ دوست بناؤ
عاقل دشمن چنگا

دنگا:فساد​

 

[یوسف سلطان]

بات پاواں بتولی پاواں
بات نہ جاوئے مَوڑی
علم دا بُوہا کدی نہ چَھڈنا
آخری ساہواں توڑی

مَوڑی :واپس
بُوہا:دروازہ
ساہواں توڑی: سانسوں تک​

 

[یوسف سلطان]

بات پاواں بتولی پاواں
بات کھلوتی رووے
آج ای چنگے کرم کما لئو
کل ہوئے نہ ہوئے​

 

[یوسف سلطان]

بات پاواں بتولی پاواں
بات بڑی وچاری
موت گھڑی نہ مہلت دیوے
کر لئو کجھ تیاری​

 

[یوسف سلطان]

بات پاواں بتولی پاواں
بات پائے پواڑے
دُنیا دُنیا نہ کر بِیبا
دنیا چار دیہاڑے

پواڑے : جھیڑے ، گڑ بڑھ (جھگڑے)​

 

[یوسف سلطان]

بات پاواں بتولی پاواں
بات نے کِیتا راضی
وقت دا پابند نہ ہوئے
اوہ نہیں جِتدا بازی

*******
​

 

[محمد تابش صدیقی]

سبحان اللہ۔
بہت ودھیا۔