پنجابی "بال شاعری" کتاب "بات بتولی"شاعرہ:منزّہ شاہد

[یوسف سلطان]

بات پاواں بتولی پاواں
بات گئی اے منگی
پہلے تولو، مگروں بولو
وادھو گل نہیں چنگی

وادھو گل: فالتو بات ،فضول بات​

 

[یوسف سلطان]

بات پاواں بتولی پاواں
بات اے اینی کافی
جے کوئی غلطی ہو جائے
فوراََ منگ لئو معافی​

 

[یوسف سلطان]

بات پاواں بتولی پاواں
بات کراندی کچا
جھوٹے دا منہ کالا ہوندا
اَنت نُوں جِتے سچا

اَنت : آخرکار​

 

[یوسف سلطان]

بات پاواں بتولی پاواں
بات اے بڑی اَٹل
جیہڑی ٹہنی بوہتا جھکدی
اوہنوں لگدا بوہتا پَھل

جیہڑی ٹہنی بوہتا جُھکدی :
جو شاخ زیادہ جُھکتی ہےمراد عاجزی اور
انکساری رکھنے والے کو رب نوازتا ہے​

 

[یوسف سلطان]

بات پاواں بتولی پاواں
بات نُوں لگے تارے
چارے پاسے پُھل کھلارو
پیار محبت والے​

 

[یوسف سلطان]

بات پاواں بتولی پاواں
بات نُوں لگے پَھندے
نہ وڈا نہ چھوٹا کوئی
سارے رب دے بندے

وڈا :بڑا​

 

[یوسف سلطان]

بات پاواں بتولی پاواں
بات سناوے گانا
مسجد ڈھاون نالوں مَندا
دل کِسے دا ڈَھانا

مندا :برا
ڈھانا: گرانا،دُکھانا​

 

[یوسف سلطان]

بات پاواں بتولی پاواں
بات بڑی انمول
کوڑے تُمے تُھو تُھو
بولئیے مِٹھے بول

تُما:انتہائی کڑوا پَھل​

 

[یوسف سلطان]

بات پاواں بتولی پاواں
بات توں واری جاں
خلق دی خدمت کر کے لے لئو
جنت دے وِچ تھاں​

 

[یوسف سلطان]

بات پاواں بتولی پاواں
بات نُوں لگے بیر
تھوڑے نال گزارا کر لئو
کیہ کرنا جے ڈھیر​

 

[یوسف سلطان]

بات پاواں بتولی پاواں
بات دے وچ نہیں رَلا
کر بھلا سو ہو بھلا
اَنت بَھلے دا بَھلا​

 

[یوسف سلطان]

بات پاواں بتولی پاواں
بات نُوں لگے ہار
بُرے نال وی چنگا ورتو
صبر دا بیڑا پار

بُرے نال وی چنگا ورتو:
برے بندے کے ساتھ بھی اچھا سلوک کرو ​

 

[یوسف سلطان]

بات پاواں بتولی پاواں
بات نوں موتی لگے
ہر حالت وچ شکر ادا کر
رب سوہنے دے اگے​

 

[یوسف سلطان]

بات پاواں بتولی پاواں
بات نے دسیا راہ
ساری شاہی سوہنے رب دی
اوہ شاواں دا شاہ​

 

[یوسف سلطان]

بات پاواں بتولی پاواں
بات نُوں لے گئے ماسی
داتری دے اک پاسےدندے
دنیا دے دو پاسی

داتری : درانتی
اک پاسے :ایک طرف ​

 

[یوسف سلطان]

بات پاواں بتولی پاواں
بات نے کھاہدی چوری
چمکن نوں نہ سونا سمجھو
پرکھ اے بہت ضروری​

 

[یوسف سلطان]

بات پاواں بتولی پاواں
بات سنو جی میری
سوچ سمجھ کے دوست بناؤ
دوست پچھان اے تیری​

 

[یوسف سلطان]

بات پاواں بتولی پاواں
بات نہ میری چھنڈو
دُکھ وچ بیلی نوں نہ چَھڈنا
بَھاویں سُکھ نہ وَنڈو

چھنڈو:جھٹکو ،پھینکو
وَنڈو:بانٹو
​

 

[یوسف سلطان]

بات پاواں بتولی پاواں
بات سُناوے حال
لوڑ کِسے دی پوری کر دو
جے وادُھو اے مال

لوڑ : ضرورت
وادھو : فالتو ، ضرورت سے زائد​

 

[یوسف سلطان]

بات پاواں بتولی پاواں
بات اے نویں نکور
چوراں نُوں پئے مور اَ تے
موراں نُوں پئے ہور

نویں نکور : نئی، تازہ تازہ ​