آپ کے پسندیدہ اشعار!

[La Alma]

گل پوش تیری وادیاں
فرحت نشاں راحت رساں
تیرے چمن زاروں پہ ہے
گلزار جنت کا گماں
ہر شاخ پھولوں کی چھڑی
ہر نخل طوبیٰ ہے یہاں
کوثر کے چشمے جا بجا
تسنیم ہر آب رواں
ہر برگ روح تازگی
ہر پھول جان گلستاں
ہر باغ باغ دلکشی
ہر باغ باغ بے خزاں
دل کش چراگاہیں تری
ڈھوروں کے جن میں کارواں
انجم صفت گلہائے نو
ہر تختۂ گل آسماں
نقش ثریا جا بجا
ہر ہر روش اک کہکشاں
تیری بہاریں دائمی
تیری بہاریں جاوداں
تجھ میں ہے روح زندگی
پیہم رواں پیہم دواں
دریا وہ تیرے تند خو
جھیلیں وہ تیری بے کراں
میرے وطن پیارے وطن

 

[محمد وارث]

چلتا ہوں تھوڑی دُور ہر اک تیز رَو کے ساتھ
پہچانتا نہیں ہُوں ابھی راہبر کو میں
غالب

 

[فرقان احمد]

آثارِ یک خرابہء آباد ہو کے ہم
سینوں میں رہ نہ پائے تو پتھر میں رہ گئے

روؤف خیر

 

[محمد وارث]

دیکھو تو دل فریبیِ اندازِ نقشِ پا
موجِ خرامِ یار بھی کیا گُل کتر گئی
غالب

 

[ام اویس]

دل دے تو اس مزاج کا پرور دگار دے
جو رنج کی گھڑی بھی خوشی سے گزار دے

 

[سید عمران]

شب ظلمت میں گزاری ہے
اٹھ وقت بیداری ہے
جنگ شجاعت جاری ہے
آتش و آہن سے لڑ جا
پاکستان کا مطلب کیا
لا الٰہ الا اللہ

 

[La Alma]

صفِ زاہداں ہے تو بے یقیں، صفِ مے کشاں ہے تو بے طلب
نہ وہ صبح ورد و وضو کی ہے، نہ وہ شام جام و سبو کی ہے

 

[عرفان سعید]

دیکھو تو دل فریبیِ اندازِ نقشِ پا
موجِ خرامِ یار بھی کیا گُل کتر گئی
غالب

کیا ہی کہنے قبلہ حضرت غالب کے!

 

[محمد وارث]

وہ چیز جس کے لئے ہم کو ہو بہشت عزیز
سوائے بادۂ گُلفامِ مُشک بُو، کیا ہے؟
غالب

 

[ام اویس]

بے کوشش و بے جہد ثمر کس کو ملا ہے
بے غوطہ زنی گنجِ گہر کس کو ملا ہے

بے خون پیے لقمۂ تر کس کو ملا ہے
بے جور کشی تاجِ ظفر کس کو ملا ہے

بے خاک کے چھانے ہوئے زر کس کو ملا ہے
بے کاوشِ جاں علم و ہنر کس کو ملا ہے

جو رُتبہ والا کے سزاوار ہوئے ہیں
وہ پہلے مصیبت کے طلبگار ہوئے ہیں

 

[پراچہ]

بہت خوب

 

[عائشہ صدیقہ]

عکس کس چیز کا آئینۂ حیرت میں نہیں
تیری صورت میں ہے کیا جو میری صورت میں نہیں
اصغر گونڈوی

 

[عرفان سعید]

ستائش گر ہے زاہد ، اس قدر جس باغِ رضواں کا
وہ اک گلدستہ ہے ہم بے خودوں کے طاقِ نسیاں کا

غالب

 

[محمد وارث]

رات دن گردش میں ہیں سات آسماں
ہو رہے گا کچھ نہ کچھ گھبرائیں کیا
غالب

 

[عائشہ صدیقہ]

آنکھوں سے پلاتے رھو , ساغر میں نہ ڈالو
اب ھم سے کوئی جام ، اٹھایا نہیں جاتا
بولے کوئی ھنس کر تو , چھڑک دیتے ھیں جاں بھی
لیکن کوئی رُوٹھے تو ، منایا نہیں جاتا

”عبد الحمّید عدمؔ“

 

[ام اویس]

وہ تیرا ساتھ گھڑی بھر کا
کیوں ستاتا ہے عادتوں کی طرح

 

[لاریب مرزا]

رات دن گردش میں ہیں سات آسماں
ہو رہے گا کچھ نہ کچھ گھبرائیں کیا
غالب

ہو رہے گا کچھ نہ کچھ گھبرائیں کیا

واہ!! بہت عمدہ!!

 

[ام اویس]

غم فروزاں ہوگئے ہیں ہر خوشی لُٹنے کے بعد
کتنی دلکش ہوگئی ہے زندگی لُٹنے کے بعد

ساغر صدیقی

 

[محمد وارث]

کیوں گردشِ مدام سے گھبرا نہ جائے دل
انسان ہوں پیالہ و ساغر نہیں ہُوں میں
غالب

 

[محمد عدنان اکبری نقیبی]

کیوں گردشِ مدام سے گھبرا نہ جائے دل
انسان ہوں پیالہ و ساغر نہیں ہُوں میں
غالب

بہت خوب سر ۔