آپ کے پسندیدہ اشعار!

[فرقان احمد]

ساری دُنیا ہمیں پہچانتی ہے
کوئی ہم سا بھی نہ تنہا ہوگا

 

[عبد الرحمٰن]

اس کا سوچا بھی نہ تھا اب کے جو تنہا گزری
وہ قیامت ہی غنیمت تھی جو یکجا گزری​

آ گلے تجھ کو لگا لوں میرے پیارے دشمن
اک مری بات نہیں تجھ پہ بھی کیا کیا گزری
احمد فراز​

 

[عبد الرحمٰن]

طلسم ٹوٹ گیا شب کا میں بھی گھر کو چلوں
رکا تھا جس کے لیے وہ بھی گھر گیا کب کا​

 

[عندلیب]

کچھ بھی باقی نہیں رہا مجھ میں جانے ٹوٹا ہے ایسا کچھ مجھ میں

 

[فرقان احمد]

کچھ بھی باقی نہیں رہا مجھ میں جانے ٹوٹا ہے ایسا کچھ مجھ میں

ہم نے تو یہ شعر اس طرح سے پڑھا تھا،

کچھ بھی باقی نہیں رہا مجھ میں
جانے ٹوٹا ہے ایسا کیا مجھ میں

 

[عندلیب]

کہیں پر یہ شعر ایسے پڑھا تھا،
کچھ بھی باقی نہیں رہا مجھ میں
جانے ٹوٹا ہے ایسا کیا مجھ میں

آپ نے پڑھا ہے تو درست ہی پڑھا ہوگا

 

[فرقان احمد]

تم سلسلہء غم کو مرے سہل نہ جانو
منسوب کئی درد کے رشتے ہیں مرے ساتھ

 

[فرقان احمد]

پوچھیے فلسفہء موت کا حاصل اُن سے
اپنی ہستی کو جو ہر سانس عدم دیکھتے ہیں

 

[فرقان احمد]

آئینہ خانے میں کیا رکھا ہے حیرت کے سوا
جو نظر آتا ہے ۔۔۔۔ عکسِ آرزو ہے دوستو

 

[عبد الرحمٰن]

حالات کہہ رہے ہیں وہ اب نہیں یاد کریں گے
امید کہہ رہی ہے ، بس تھوڑا اور انتظار

 

[عبد الرحمٰن]

آنکھوں سے حیا ٹپکے ہے انداز تو دیکھو
ہے بو الہوسوں پر بھی ستم ناز تو دیکھو
مومن خان مومن

شعار بن کے نکلیں جو سینہء جگر سے
سب حسن یار کی تھیں،بے ساختہ ادائیں
جگر مرادآبادی

 

[فہد اشرف]

یہی تھوڑی سی مے ہے اور یہی چھوٹا سا پیمانہ
اسی سے رند راز گنبد مینا سمجھتے ہیں
نا معلوم

 

[فہد اشرف]

یہ تردّد، یہ فکرِ اہل و عیال
تم تو پروردگار بن بیٹھے!
نا معلوم

 

[فرحان محمد خان]

چُھپاؤ لاکھ بے چینی کو خاموشی کے پردے میں
تمہارے رُخ سے دل کی ترجمانی اب بھی ہوتی ہے
شکیب جلالی

 

[فرحان محمد خان]

اُمید سحر بھی تو وراثت میں ہے شامل
شاید کہ دیا اب کے جلائے گا کوئی اور
آنس معین

 

[فرقان احمد]

انا کی جنگ ہم جیت تو گئے لیکن
پھر اس کے بعد بہت دیر تک نڈھال رہے

 

[فرحان محمد خان]

نمی دانم کہ آخر چوں دمِ دیدار می رقصم
مگر نازم بہ ایں ذوقے کہ پیشِ یار می رقصم
عثمان مروندی

 

[فرقان احمد]

پھولوں کے ساتھ ساتھ نمودِ شرر بھی ہے
ہونے کو دل فریب بہت ۔۔۔ رنگ و بُو سہی!

 

[فہد اشرف]

یہی تھوڑی سی مے ہے اور یہی چھوٹا سا پیمانہ
اسی سے رند راز گنبد مینا سمجھتے ہیں
نا معلوم

اصغر گونڈوی

 

[فرقان احمد]

ہائے لوگوں کی کرم فرمائیاں
تہمتیں ۔۔۔۔۔ بدنامیاں ۔۔۔۔۔۔ رسوائیاں

زندگی شاید اسی کا نام ہے
دوریاں ۔۔۔۔۔۔ مجبوریاں ۔۔۔۔۔۔۔ تنہائیاں

کیا زمانے میں یوں ہی کٹتی ہے رات
کروٹیں ۔۔۔۔۔۔۔ بے تابیاں ۔۔۔۔۔۔۔ انگڑائیاں

کیا یہی ہوتی ہے شام انتظار
آہٹیں ۔۔۔۔ گھبراہٹیں ۔۔۔۔۔ پرچھائیاں

میرے دل کی دھڑکنوں میں رہ گئں
چوڑیاں ۔۔۔۔۔۔ موسیقیاں ۔۔۔۔۔۔ شہنائیاں

دیدہ و دانستہ ان کے سامنے
لغزشیں ۔۔۔۔۔ ناکامیاں ۔۔۔۔۔۔ پسپائیاں

رہ گئیں اک طفل مکتب کے حضور
حکمتیں ۔۔۔۔۔ آگاہیاں ۔۔۔۔۔۔۔ دانائیاں

زخم دل کے پھر ہرے کرنے لگیں
بدلیاں ۔۔۔۔۔۔ برکھا رتیں ۔۔۔۔۔۔۔ پروائیاں

کیفؔ، پیدا کر سمندر کی طرح
وسعتیں ۔۔۔۔۔ خاموشیاں ۔۔۔۔۔۔ گہرائیاں