فرقان احمد

محفلین
حیرت غرورِ حُسن سے شوخی سے اضطراب
دل نے بھی تیرے سیکھ لیے ہیں چلن تمام

دل خون ہو چکا ہے ، جگر ہو چکا ہے خاک
باقی ہوں میں مجھے بھی کر، اے تیغ زن تمام
 
آخری تدوین:

فرقان احمد

محفلین
چلنے کا حوصلہ نہیں، رُکنا مُحال کردِیا
عِشق کے اِس سفر نے تو مُجھ کو نِڈھال کردِیا

مُمکنہ فیصلوں میں ایک ہجر کا فیصلہ بھی تھا

ہم نے تو ایک بات کی، اُس نے کمال کردِیا

چہرہ و نام ایک ساتھ ، آج نہ یاد آ سکے

وقت نے کِس شبیہ کو خواب و خیال کردیا

مُدّتوں بعد اُس نے آج، مجھ سے کوئی گِلہ کِیا
منصبِ دلبری پہ کیا ۔۔۔۔ مجھ کو بحال کردیا
 

فرقان احمد

محفلین
جب تِرا حُکم مِلا ، ترکِ محبّت کردی
احمد ندیم قاسمی

جب تِرا حُکم مِلا ، ترکِ محبّت کردی
دل مگر اِس پہ وہ دھڑکا، کہ قیامت کردی

تُجھ سے کِس طرح میں اِظہارِ تمنّا کرتا
لفظ سُوجھا، تو معانی نے بغاوت کردی

میں تو سمجھا تھا، کہ لوٹ آتے ہیں جانے والے
تُو نے تو جا کے ۔۔۔جُدائی مِری قسمت کردی

مُجھ کو دشمن کے اِرادوں پہ بھی پیارآتا ہے
تیری اُلفت نے محبّت مِری عادت کردی

پُوچھ بیٹھا ہُوں میں تُجھ سے، تِرے کُوچے کا پتہ
تیرے حالات نے کیسی تِری صُورت کردی

کیا ترا جسم تِرے حُسن کی حدّت میں جَلا
راکھ کِس نے تِری سونے کی سی رنگت کر دی

 

فرقان احمد

محفلین
دل سے ہر گزُری بات گزُری ہے
کِس قیامت کی، رات گزُری ہے

چاندنی، نیم وا دریچہ، سکوت!
آنکھوں آنکھوں میں رات گزُری ہے
 
Top