آپ کے پسندیدہ اشعار!

[وقار..]

: وہ ڈھونڈے مجھے نگر نگر،،
میری خاک بھی نہ ملے اسے !!

 

[فرقان احمد]

حسابِ عمر کا اتنا سا ۔۔۔۔۔۔۔۔۔۔۔۔۔۔ گوشوارہ ہے
تمہیں نکال کے دیکھا تو ۔۔۔۔۔ سب خسارہ ہے

کسی چراغ میں ہم ہیں ،کسی کنول میں تم
کہیں جمال ہمارا ۔۔۔۔۔۔۔۔۔۔۔۔۔۔۔۔۔ کہیں تمہارا ہے

ہر اک صدا جو ہمیں ۔۔۔۔۔۔۔ باز گشت لگتی ہے
نجانے ہم ہیں دو بارہ کہ ۔۔۔۔۔۔۔۔۔۔۔ یہ دوبارہ ہے

وہ منکشف مِری آنکھوں میں ہو کہ جلوے میں
ہر ایک حُسن کسی ۔۔۔۔۔۔ حُسن کا اشارا ہے

کہیں پہ ہے کوئی خوشبو کہ جِس کے ہونے کا
تمام عالمِ موجود ۔۔۔۔۔۔۔۔۔۔۔۔۔۔۔۔۔۔۔۔۔۔۔ استعارا ہے

وہ کیا وصال کا لمحہ تھا، جس کے نشے میں
تمام عمر کی فرقت ہمیں ۔۔۔۔۔۔۔۔۔۔۔۔۔۔۔۔ گوارا ہے

نجانے کب تھا! کہاں تھا! ۔۔۔۔۔۔ مگر یہ لگتا ہے
یہ وقت پہلے بھی ہم نے ۔۔۔ کبھی گزارا ہے

عجب اصول ہیں ۔۔۔۔۔۔۔۔۔۔۔۔ اس کاروبار دنیا کے
کسی کا قرض ۔۔۔۔۔۔۔۔۔۔۔۔کسی اور نے اتارا ہے

یہ دو کنارے تو دریا کے ہوگئے ۔۔۔۔۔۔۔۔۔۔۔ ہم تم
مگر وہ کون ہے جو ۔۔۔۔۔۔۔۔۔۔۔۔۔ تیسرا کنارہ ہے

 

[فرقان احمد]

کہاں تک تاب لائے ناتواں دل
کہ صدمے اب مسلسل ہو گئے ہیں
جنہیں ہم دیکھ کر جیتے تھے ناصر
وہ لوگ آنکھوں سے اوجھل ہو گئے ہیں

 

[فرقان احمد]

حیرت غرورِ حسن سے ، شوخی سے اضطراب
دل نے بھی تیرے سیکھ لئے ہیں چلن تمام

 

[فرقان احمد]

عرضِ نیازعشق کے قابل نہیں رہا​

جس دل پہ ناز تھا مجھے وہ دل نہیں رہا​

 

[فرحان محمد خان]

اس لیے چل نہ سکا کوئی بھی خنجر مجھ پر
میری شہ رگ پہ مری ماں کی دعا رکھی تھی
نظیر باقری​

 

[فرقان احمد]

رہبر کی ضرورت نہیں یہ ایسا سفر ہے
منزل کا پتہ دیتے ہیں کچھ نقشِ قدم بھی

 

[فرقان احمد]

چلنے کا حوصلہ نہیں، رُکنا مُحال کردِیا
عِشق کے اِس سفر نے تو مُجھ کو ۔۔۔ نِڈھال کردِیا

مُمکنہ فیصلوں میں ایک ہجر کا فیصلہ بھی تھا
ہم نے تو ایک بات کی، اُس نے ۔۔۔۔۔۔۔۔۔۔ کمال کردِیا

چہرہ و نام ایک ساتھ ، آج نہ یاد آ سکے
وقت نے کِس شبیہ کو ۔۔۔۔۔۔۔۔۔۔۔ خواب و خیال کردیا

مُدّتوں بعد اُس نے آج، مجھ سے کوئی گِلہ کِیا
منصبِ دلبری پہ کیا، مجھ کو ۔۔۔۔۔۔۔۔۔۔۔۔ بحال کردیا

 

[فرقان احمد]

برسوں کے بعد دیکھا ایک شخص دل ربا سا
اب ذہن میں نہیں ہے ۔۔۔ پر نام تھا بھلا سا

 

[وقار..]

تیرے جانے سے بھی بہت پہلے
ہجر میں مبتلا رہی ہوں میں

 

[فرقان احمد]

خاک بھی سر پر ڈالنے کو نہیں
کس خرابے میں ہم ہوئے آباد

 

[فرقان احمد]

اِس کا انجام بھی کچھ سوچ لِيا ہے حسرت!
تُو نے ربط اُن سے جو اِس درجہ بڑھا رکھّا ہے

 

[فرقان احمد]

بہت ضروری ہے عہد نو کو جواب دینا
سو تیکھے لہجے میں بولتا ہوں خفا نہیں ہوں

 

[فرقان احمد]

آخرِ شب وہ کسی یاد کی آہستہ روی
جیسے رگ رگ میں اترتا چلا جائے کوئی

 

[فرقان احمد]

اِس سمت سمیٹو تو بکھرتا ہے اُدھر سے
دُکھ دیتے ہوئے یار نے دامن نہیں دیکھا
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔

شاعر: نا معلوم ، اگر کسی دوست کو علم ہو تو برائے مہربانی رسید کر دیں۔ جزاک اللہ !

وہ تن کا تماشائی رہا، مَن نہیں دیکھا
دہلیز تک آیا بھی تو آنگن نہیں دیکھا

چہرے پہ کھلی دھوپ میں اس درجہ مگن تھا
آنکھوں سے برستا ہوا ساون نہیں دیکھا

اِس سمت سمیٹوں تو بکھرتا ہے اُدھر سے
دُکھ دیتے ہوئے یار نے دامن نہیں دیکھا

دروازے پہ آ کر جو کسی نے بھی صدا دی
دل کھول دیا، دوست کہ دُشمن نہیں دیکھا

اک بار ہی آیا تھا وہ خسِ خانۂ دل میں
پھر میرے جہاں گرد نے یہ بَن نہیں دیکھا

کیوں میری تمنا کی طرف دیکھ رہے ہو
کیا تم نے کبھی آگ پہ خِرمن نہیں دیکھا

اُس نے بھی تبسم کا ہُنر دیکھ کے نیرؔ
آلام چھُپانے کا مرا ۔۔۔۔۔ فن نہیں دیکھا

شہزاد نیر

 

[فرقان احمد]

یوں بھی سفر گزرا ہے اکثر حیات کا
ہم تو کھڑے ہی رہ گئے، رستے گزر گئے

 

[فرقان احمد]

وہ سراپا سامنے ہے، استعارے مسترد
چاند، جگنو، پھول، خوشبو اور ستارے مسترد

 

[فرقان احمد]

ہم سہل طلب کون سے فرہاد تھے لیکن
اب شہر میں تیرے کوئی ہم سا بھی کہاں ہے
​

 

[فرقان احمد]

اک شمع بجھائی تو کئی اور جلا لیں
ہم گردشِ دوراں سے بڑی چال چلے ہیں​

 

[فرقان احمد]

بڑا عجیب یہ آوارگی کا رشتہ ہے
غبارِ راہ سہی، ہم سفر ہے، کیا کیجیے