وحشت ہے، فراق ہے، جنوں ہے

[La Alma]

وحشت ہے ، فراق ہے ، جنوں ہے
پیہم کوئی غم مرے دروں ہے

یہ بےخبری کہ عالمِ ہوش؟
معلوم نہیں، کہاں سکوں ہے

یارانِ سخن! غرور کیسا
خامہ بھی ورق پہ سرنگوں ہے

کیوں وسعت ِ کائنات ناپوں
نیرنگِ نظر کا سب فسوں ہے

پابند ازل سے ہے حقیقت
آزاد منش خیال کیوں ہے

المٰی کروں کیا! غضب خدا کا
حالِ دلِ زار جوں کا توں ہے​

 

[محمدظہیر]

ماشاءاللہ بہت خوب۔
ویسے آپ کی شاعری میں زیر زیادہ پائے جاتے ہیں

حالِ دلِ زار

سمپل سی لکھیے نا تاکہ مجھ جیسوں کو سمجھ آئے

 

[محمد وارث]

کیا اچھے اشعار ہیں، لاجواب!

 

[الف عین]

اچھی غزل ہے۔ استادانہ، لیکن
پیہم کوئی غم مرے دروں ہے
میں ’غم مرے‘ میں ’م‘ کی تکرار اچھی نہیں۔ اسے تنافر کا عیب کہتے ہیں،

یہ بےخبری کہ عالمِ ہوش؟
اگر یوں ہو
ہو بے خبری۔۔۔۔
تو بات زیادہ بہتر لگتی ہے میرے خیال میں۔ ویسے کوئی غلطی نہیں ہے۔

 

[ڈاکٹرعامر شہزاد]

کیوں وسعت ِ کائنات ناپوں
نیرنگِ نظر کا سب فسوں ہے

المٰی کروں کیا! غضب خدا کا
حالِ دلِ زار جوں کا توں ہے

بہت زبردست اور لاجواب ۔ ایک بار پھر چھوٹی بحر میں کمال کی شاعری ۔
اب تو حسرت ہی ہے کہ کاش ۔۔۔

 

[محمد عدنان اکبری نقیبی]

ماشاءاللہ بہت اعلی۔

 

[اکمل زیدی]

بہت اچھی ۔ ۔ ۔ مگر اس سے متفق نہیں ۔ ۔ ۔

کیوں وسعت ِ کائنات ناپوں
نیرنگِ نظر کا سب فسوں ہے

 

[حماد علی]

بہت خوب لکھا ہے!!

 

[حماد علی]

المٰی

اس لفظ کا معنی بتا دیجیے ! مہربانی ہو گی!!!

 

[La Alma]

ماشاءاللہ بہت خوب۔
ویسے آپ کی شاعری میں زیر زیادہ پائے جاتے ہیں

شکریہ۔
کیونکہ ہمیں " زبر " سے چڑ ہو گئی ہے .

 

[اَبُو مدین]

حالِ دلِ زار جوں کا توں ہے​

واہ۔ بہت خوب۔ خوش رہیں۔

 

[La Alma]

کیا اچھے اشعار ہیں، لاجواب!

قدر افزائی کے لیے بہت شکریہ . آپ جیسے سخن شناس احباب کے تبصرہ جات کی کسوٹی پر ہی ہمیں اپنی شاعری کو پرکھنے کا موقع ملتا ہے . اصلاح کے ضمن میں تجاویز بھی دیتے رہا کریں .

 

[La Alma]

اچھی غزل ہے۔ استادانہ، لیکن
پیہم کوئی غم مرے دروں ہے
میں ’غم مرے‘ میں ’م‘ کی تکرار اچھی نہیں۔ اسے تنافر کا عیب کہتے ہیں،

یہ بےخبری کہ عالمِ ہوش؟
اگر یوں ہو
ہو بے خبری۔۔۔۔
تو بات زیادہ بہتر لگتی ہے میرے خیال میں۔ ویسے کوئی غلطی نہیں ہے۔

شکریہ سر ، آپ کی دی جانے والی آرا سے وقتًا فوقتًا ہمارے ذوق کی تربیت بھی ہوتی رہتی ہے . عیب تنافر سے میں آگاہ تھی اور مبتدیانہ سطح پر ایسے اسقام سے بچنا ہی بہتر ہے .

" ہو بےخبری کہ عالمِ ہوش "، شعر کی بنت کے لحاظ سے تو بہتر ہی معلوم ہو رہا ہے . مفہوم بھی قریب قریب وہی رہتا ہے .

 

[محمد تابش صدیقی]

بہت خوب

یارانِ سخن! غرور کیسا
خامہ بھی ورق پہ سرنگوں ہے

پابند ازل سے ہے حقیقت
آزاد منش خیال کیوں ہے

 

[La Alma]

بہت زبردست اور لاجواب ۔ ایک بار پھر چھوٹی بحر میں کمال کی شاعری ۔
اب تو حسرت ہی ہے کہ کاش ۔۔۔

آداب !!
مجھے لگتا ہے یہ حسرت، حسرت ہی رہے گی کیونکہ ہم شاعری نہیں چھوڑنے والے ...آپ سب کو ہمیں مزید جھیلنا ہی ہو گا .

 

[La Alma]

ماشاءاللہ بہت اعلی۔

بہت شکریہ .

 

[La Alma]

بہت اچھی ۔ ۔ ۔ مگر اس سے متفق نہیں ۔ ۔ ۔

عقائد کی رو سے تو مجھے بھی اس سوچ سے اختلاف ہے ، لیکن خیال کا کیا ہے بھٹکتا ہی رہتا ہے . کسی شاعر نے کیا خوب کہا ہے کہ
"پابند ازل سے ہے حقیقت
آزاد منش خیال کیوں ہے"

 

[La Alma]

بہت خوب لکھا ہے!!

مہربانی !!

اس لفظ کا معنی بتا دیجیے ! مہربانی ہو گی!!!

روح ...وہ بھی عورت کی ...آسان لفظوں میں بد روح

 

[La Alma]

واہ۔ بہت خوب۔ خوش رہیں۔

بہت نوازش . جزاک اللہ .

 

[La Alma]

بہت خوب

بہت شکریہ .