میری ۔۔بلاعنوان کہانی مکمل کریں

[فرذوق احمد]

میں معذرت کے ساتھ یہاں یہ سٹوری یہاں پیش کر رہا کیونکہ ۔یہ سٹوری تو میں نےلکھی ہے ،،مگر جس پپر پر میں نے لکھی تھی وہ گم ہو گیا ہے ۔۔اور شمشاد بھائی قیصرانی بھائی کافی دنوں سے ضد کر رہے تھے ۔۔مگر میں پوری نہ کر سکا ۔ویسے بھی میٹرک کے امتحان قریب آ گئے ہیں تو اس لئے وقت بھی نہیں ملتا ۔۔کہ میں اس کہانی کو نئے سرے سے سوچ کر لکھوں ،،تو اس لئے میں یہ کہانی یہاں پوسٹ کر رہا ہوں۔کہ آپ لوگ اسے مکمل کر دیں ۔مگر یاد رہے ۔کہانی کا ردھم یہی رہے ۔۔مزاحیہ شکل اختیار نہ کرے ۔۔اور جو بندہ اس کہانی کو مناسبت سے ختم کریں گا تو اس کے لیے ایک علیدہ زمرہ کھولا جائے گا ۔جہاں آپ کو اچھا یا برا اینڈ کرنے پر مبارک بادی دی جائے گی ۔۔۔۔اور اس کے اینڈ پر اراکین اپنے تبصرے کا اظہار بھی کریں گے ۔۔آپ اس کہانی کا نام تبدیل بھی کر سکتے ہیں ،مگر سٹوری کے لحاظ سے
-----------------------------------------------------------------------------------------------------------------------------------------------بلا عنوان --------------------------------------------------------
وہ گھر میں داخل ہوئی تو یہ دیکھ کر حیران رہ گئی کہ گھر کا سارا سامان بَکھرا ہوا ہے ۔اُس نے ایک ٹھنڈی آہ بھری اور بیساکھی کو دیوار کے ساتھ لگایا ۔اور ایک بار کھڑے ہو کر اطمینان کے ساتھ گھر جائزہ لینے لگی ایک پلیٹ جس میں کچھ چاول پڑے ہوئے تھے پلیٹ کے ساتھ ہی کچھ چائے کے کپ اور چولہے پر ایک کیتلی جس میں چائے کی اثران نمایاں تھے ،اچانک اُس کی نظر زمین پر پڑے ہوئے ایک کپ پر پڑی جو شائد کسی کے پاؤں لگنے کی وجہ سے گِر گیا تھا ۔اُس نے دیکھا کہ ایک چوہا اُس کپ میں سے چائے کی رس چوسنے کی کوشش کر رہا ہے ۔اُس نے جلدی سے اپنی بیساکھی کو پکڑا جو اس نے دیوار کے ساتھ لگائی تھی ۔اور لڑکھڑاتی ہوئی چوہے کی طرف گئی ،مگر شائد چوہے نے اُس کے قدموں کی آہٹ سن لی تھی اور وہ اپنی منزل کی طرف چلا گیا ۔اُس نے اپنی بیساکھی پاس پڑی ہوئی چارپائی پر رکھی اور خود زمین پر بیٹھ کر بِکھرے ہوئے برتن اکٹھے کرنے لگی ۔کچھ برتن اُس سے کچھ دور تھے جِن کو پکڑنے کے لیئے اُسے کچھ مشقت کرنی پڑتی ،برتن اکٹھے کرتے ہوئے اُس نے پھر دیکھا کہ وہی چوہا اب گلاس میں سے پانی پینے کی کوشش کر رہا ہے ،اب کی بار اُسے غصہ آیا اور دور بیٹھی ہاتھ کے اشارے سے چوہے کو ڈرانے کی ناکام کوشش کرتی رہی ،اُسے یوں لگ رہا تھا جیسے چوہا اُس کی بے بسی کا مذاق اُڑا رہا ہو۔اسی خیال نے اُسے اندر سے بکھیر دیا۔اُس نے سارے کام چھوڑے اور چوہے کو بھی کچھ نہیں کہا اور پاس پڑی ہوئی چارپائی کے سہارے اُٹھ کھڑی ہوئی ۔ایک نظر اُس نے چوہے کی طرف دیکھا جو ابھی گلاس میں سے پانی پینے کوشش کر رہا تھا ۔۔آج اُسے اپنے گھر سے بہت وحشت محسوس ہو رہی تھی کیونکہ اس سے پہلے اُس نے اپنے گھر میں کبھی اتنا گند نہیں دیکھا تھا ،وہ اندر ہی اندر پتا نہیں کیا کچھ بڑبڑائے جا رہی تھی ۔ایک بار پھر اُسکا دھیان اُس گلاس پر گیا جہاں اب چوہا نہیں تھا ۔گلاس کو دیکھ کر اُسے پیاس کا احساس ہوا ،مگر وہ اب اُس گلاس میں پانی نہیں پینا چاہتی تھی ۔گلاس ڈھونڈنے کی غرص سے اُس نے زمین پر نظریں دوڑائی مگر اُسے کوئی بھی برتن صاف دکھائی نہ دیا سبھی برتن دھونے والے تھے ۔اُس نے زمین سے وہی گلاس اُٹھایا اور بیساکھی کے سہارے چلتے ہوئے نل کے پاس پہنچی ۔گلاس کو اچھی طرح دھونے کے بعد اُس نے اپنے اطمینان کے لئے منہ میں نہ جانے کیا پڑھا اور گلاس میں بھر کر پینے لگی ۔اب وہ اپنے آپ کو بہتر محسوس کرنے لگی ایک نظر اُس نے گھڑی پر ڈالی جس پر ابھی سوا بارہ بجے ہوئے تھے ،
سوا بارہ ہوگئے ہیں مگر ابھی تک گھر کوئی کیوں نہیں آیا؟ کہاں گئے ہو گے سب؟
یہی سوچتے ہوئے وہ چارپائی کی طرف جا رہی تھی کہ اچانک اُس کا پاؤں پھسلا اور وہ بری طرح گِر گئی اُس کے منہ سے ایک درد بھری چیخ نکلی ،مگر وہ بھی رائیگاں گئی ،گھر میں تو کوئی تھا نہیں جو اُس کی آواز سنتا اور اُسکو آکے سہارا دیتا ۔وہ دونوں ہاتھوں سے اپنے پیر کو پکڑ کر مسل رہی تھی آنکھوں میں آنسو جا ری تھے مگر کوئی نہ تھا جو اُس کو آ کے سہارا دیتا ۔
وہ اُٹھنے کے لیے بیساکھی ڈھونڈنے لگی جو اُس کے گرنے کی وجہ سے اُس سے دور جا گری تھی ۔وہ بیساکھی کو پکڑنے کی کوشش کر رہی تھی کہ اچانک اُس کو پانچ سال پہلے کہے ہوئے عرفان کے الفاظ یا آ گئے ۔
جبیں میں کب تک تمہارا ساتھ دونگا ۔میں نے تو زنگی میں بہت آگے بڑھنا ہے ،مجھے تو خود ایک مصبوط سہارے کی ضرورت ہے اور میں تمہارا ٹوٹا ہوا سہارا کیسے لے سکتا ہوں،اگر تو میں تمہارا سہارا لوں گا تو میری زندگی کی رفتار بہت مدھم ہوجائے گی اور یہ میں ہرگز نہیں چاہتا ۔
اُسے پل پل بے بسی کا احساس دلانے کے لیے عرفان کہ کہے ہوئے یہ الفاظ کافی تھے

 

[asif hameed]

بہت خوب

ایک بار پھر ٹرائی کریں اور ہمیشہ سے سچ بولیں

 

[عمار ابن ضیا]

اس نے سوچا بھی نہ تھا کہ جس پر اس نے اتنا بھروسہ کیا وہ یوں اس کا ساتھ چھوڑ جائے گا۔
“جو کچھ نظر آتا ہے، وہ حقیقت میں کیوں نہیں ہوتا؟“
اس نے مایوسی سے سوچا۔ ماضی کی ساری خوشگوار اور ناخوشگوار یادیں اس کے ذہن میں ایک ایک کرکے تازہ ہونے لگیں۔۔۔ زخموں سے خون رسنے لگا۔۔۔
“انسان اتنا بے بس کیوں ہوجاتا ہے؟“ اسے اپنی بے بسی پر شدید غصہ تھا۔۔۔۔

 

[خرم شہزاد خرم]

اس نے سوچا بھی نہ تھا کہ جس پر اس نے اتنا بھروسہ کیا وہ یوں اس کا ساتھ چھوڑ جائے گا۔
“جو کچھ نظر آتا ہے، وہ حقیقت میں کیوں نہیں ہوتا؟“
اس نے مایوسی سے سوچا۔ ماضی کی ساری خوشگوار اور ناخوشگوار یادیں اس کے ذہن میں ایک ایک کرکے تازہ ہونے لگیں۔۔۔ زخموں سے خون رسنے لگا۔۔۔
“انسان اتنا بے بس کیوں ہوجاتا ہے؟“ اسے اپنی بے بسی پر شدید غصہ تھا۔۔۔۔

اسے اپنی بے بسی پر شدید غصہ تھا لیکن وہ ایک بہت ہی دل والی لڑکی تھی اس نے اپنے آپ کو خود تسلی دی اور خاموشی سے کام کرنے لگی اس نے بہن بھائیوں کے آنے سے پہلے پہلے گھر کا سارا کام ختم کیا اور آرام کرنے لگی اس کے دل میں ایک عزم تھا جو وہ کسی کو بتاتی نہیں تھی کیوں کہ جب بھی وہ یہ بات کرتی کے میں بھی زندگی میں ایسا مقام حاصل کروں گی جو عرفان سے کم از کم زیادہ ہو گا پھر میں عرفان سے کہوں گی سہارا تو سہارا ہی ہوتا ہے چاہے وہ لڑکھڑاتا ہی کیوں نا ہو لیکن وہ دل کی بات کو دل میں ہی رکھنے کی عادی تھی اور اس کے ساتھ ساتھ وہ یہ بھی سوچتی تھی کے تعلیم مکمل کر کے اس کے بعد کوئی جاب کر لے گی لیکن تعلیم مکمل کیے ہوئے اس کو 2 سال ہو گے تھے لیکن اس کی معزوری کی وجہ سے اس کو جاب نہیں مل سکتی تھی اس لے وہ ابھی تک بہت پرشان تھی ابھی وہ یہ باتیں سوچ ہی رہی تھی کے دروازہ کھلا اور اس کے چھوٹے بہن بھائی اندر داخل ہوئے اور آتے ساتھ ہی اپنی آپی کے گلے لگ گے قسمت بھی کیا کھیل کھیلتی ہےیہ آج سے 7 سال پہلے کی بات ہے جب یہ 15 سال کی تھی اور اس کی ایک بہن 13 اور دو بھائی 11 اور 9 سال کے تھے والد صاحب ایک سرکاری نوکری کرتے تھے اور والدہ گھرداری یہ سب بہت خوشگوار زندگی گزار رہے تھے لیکن ان کو کیا پتہ کے ان کے ساتھ کیا ہونے والا ہے ایک دن جبیں اور اس کے والد جبیں کی کزن کی شادی پر جا رہے تھے کے راستہ میں ان کے ساتھ حادثہ پیش آ گیا جس کی وجہ سے جبیں کی ٹانگ ٹوٹ گی اور والد صاحب فوت ہو گے اس حادثے کا اس کے والدہ پر بہت اثر پڑھا جی کی وجہ سے وہ بیمار رہنے لگی اور کچھ عرصے بعد ہی فوت ہو گی اس دن سے ہی جبیں خود اپنی اور بہن بھائیوں کی تعلیم جارے رکھنے کے لیے کچھ نا کچھ کرتی رہتی تھی کچھ پیسے تو والد صاحب کی پینشن سے حاصل ہو جاتے اور کچھ یہ بچوں کو پڑھا کر حاصل کر لیتی ان کے ہمسائے میں ایک عورت رہتی تھی جو رشتے کرواتی تھی ایک دو دفعہ اس کے لیے رشتہ بھی لے کر آئی بہت شریف اور خدا ترس لوگوں کے لیکن اس نے اپنے بہن بھائیوں کی وجہ سے شادی نہیں کی اور شادی نا کرنے کی ایک وجہ اور بھی تھی