بارہویں سالگرہ محفل فورم کی بارہویں سالگرہ کے موقعے پر

نبیل

تکنیکی معاون
عزیز دوستان محفل، السلام علیکم
آپ سب کو محفل فورم کی بارہویں سالگرہ مبارک ہو۔ ہر سال سالگرہ پر ہمیں گزشتہ سال کی کارگزاری کا جائزہ لینے اور آئندہ کا لائحہ عمل طے کرنے کا موقع ملتا ہے۔ اردو ویب اور اردو محفل فورم نے اردو کمپیوٹنگ پر انمٹ نقش ثبت کیے ہیں۔ اردو محفل فورم کے قیام سے نہ صرف انٹرنیٹ میں اردو ویب سائٹس کو ایک نئی جہت ملی بلکہ اردو ویب اور اردو محفل فورم انٹرنیٹ پر اردو کمپیوٹنگ کا ہب بن گئے۔ یہ کہنا مبالغہ آرائی نہ ہوگی کہ آج اردو کی بیشتر ویب سائٹس میں اردو ویب کی کوئی نہ کوئی کاوش جھلکتی ہے۔ اردو محفل فورم نہ صرف انٹرنیٹ پر حقیقی معنوں میں تحریری اردو پر مبنی پہلی فورم ہے، بلکہ گزشتہ بارہ سالوں میں یہ سب سے زیادہ تبدیلی کے عمل سے گزری ہے۔ محفل فورم کو خوب سے خوب تر بنانے کی جستجو میں اس کو مختلف سوفٹویر پلیٹ فارمز پر منتقل کیا جاتا رہا اور اسے اپگریڈ کے مراحل سے گزارا جاتا رہا۔ یہ سب کچھ یقینا نہایت محنت طلب کام تھا اور ہمیں جانگسل انتظار کے مراحل سے گزرنا پڑا۔ اکثر ہمیں اپگریڈ اور مائیگریشن کے لیے خود سے ٹول ڈیویلپ کرنا پڑتے کیونکہ کوئی آفیشل ٹول دستیاب نہیں ہوتے تھے۔ لیکن اللہ کے فضل سے ہمیں ہر مرحلے پر کامیابی نصیب ہوئی۔ سعود اور زیک کی تکنیکی مہارت کی بدولت ہر مشکل کا کوئی نہ کوئی حل نکل آتا تھا۔

انٹرنیٹ کے زمانے میں بارہ سال نوری سالوں کی مسافت کے مترادف ہیں۔ گزشتہ بارہ سالوں میں بار ہا محفل فورم کو بہتر بنانے کی خاطر اس کے سوفٹویر پلیٹ فارم میں تبدیلی لائی جاتی رہی ہے، لیکن اس کا بنیادی ڈھانچہ وہی پرانا رہا ہے۔ جب محفل فورم کا قیام آج سے بارہ سال پہلے عمل میں لایا گیا تھا تو اس وقت زیادہ تر زمرہ جات پروف آف کانسپٹ کے طور پر سیٹ اپ کیے گئے تھے اور ان کا مقصد صارفین کو تحریری اردو کے استعمال سے روشناس کروانا تھا۔ آج کا دور نہ صرف ایک نئے سوفٹویر پلیٹ فارم کا متقاضی ہے بلکہ اردو محفل فورم کو بطور کمیونٹی ازسرنو مرتب کرنے کی بھی ضرورت ہے۔ اب تک اردو محفل فورم کے لیے جتنے سوفٹویر کا استعمال کیا گیا ہے ان کا فوکس بطور ایک ویب اپلیکیشن کے استعمال کے ہے۔ موجودہ دور میں سمارٹ ڈیوائسز کی انٹرنیٹ ٹریفک ڈیسک ٹاپ اور نوٹ بک کمپیوٹر سے کہیں زیادہ بڑھ چکی ہے۔ ٹوئٹر اور فیس بک وغیرہ سے جیسے سوشل میڈیا کی موجودگی میں پرانی فرسودہ ٹیکنالوجیز اور پرانے سٹرکچرز سے جان چھڑانے اور بہتر حل اپنانے کی ضرورت بڑھ گئی ہے۔ فورم کی سالگرہ کے موقعے پر جہاں دوسرے اہداف کا ذکر کیا جائے گا وہاں اس موقعے کا فائدہ اٹھاتے ہوئے ہمیں محفل فورم کے لیے آئندہ کا لائحہ عمل بھی طے کر لینا چاہیے۔ اس لڑی میں میں صرف اس بارے میں کچھ ہنٹ کرا رہا ہوں۔ اس پر تفصیلی گفتگو کے لیے انشاءاللہ میں جلد ہی ایک علیحدہ لڑی کا آغاز کروں گا۔ اس بارے میں چند ماہرین سے ہماری مشاورت کچھ عرصے سے جاری ہے۔ اب وقت آ گیا ہے کہ اسے پبلک فورم پر سب کے ساتھ ڈسکس کر لیا جائے۔

ہر سال کی طرح اس بار بھی فورم کی سالگرہ تجدید عہد کا موقع ہے۔ اردو کی ترویج کا سفر اسی طرح جاری و ساری رہنا چاہیے۔ اردو کی ترقی میں ہماری ترقی ہے۔ میں سب کو دعوت دیتا ہوں کہ محفل فورم کی سالگرہ میں بھرپور حصہ لیں۔ اس سلسلے میں مختلف نوعیت کے تعمیری اور تفریحی سلسلے شروع کیے جا سکتے ہیں۔ گزشتہ برسوں کے سلسلوں سے بھی کچھ سیکھا جا سکتا ہے۔ میں بھی اپنی بساط کے مطابق اس میں اپنا حصہ ڈالنے کی کوشش کروں گا۔
والسلام
 

نبیل

تکنیکی معاون
بالا میں میری گزشتہ سالوں کی محفل فورم کی سالگرہ کے موقعے پر تحاریر کے روابط ہیں۔ گیارہویں سالگرہ کے موقعے پر میں بوجوہ شریک نہیں ہو سکا تھا۔
 

عثمان

محفلین
محفل سمیت وہ تمام محفلین جن کی انتھک محنت نے محفل کو کامیابی سے یہاں تک پہنچایا مبارکباد کے مستحق ہیں۔
اللہ کرے یہ محفل ہمیشہ اسی طرح قائم رہے اور ترقی کے زینے طے کرتی رہے۔ آمین!
 

رانا

محفلین
اردو محفل کو کو یہ بارہواں سنگ میل بہت بہت مبارک ہو۔ بلاشبہ اردو محفل اس وقت انٹرنیٹ پر اردو کے حوالے سے سب سے بڑی چوپال ہے جہاں مختلف شعبوں سے تعلق رکھنے والےاور مختلف خیال و نظریات رکھنے والے احباب صرف اردو کی محبت میں جمع ہیں۔ اللہ تعالیٰ اردو محفل کے لئے مزید ترقیات کا راستہ کھولتا چلا جائے۔
 
اللہ کریم آپ حضرات کی انتھک محنت اور جدوجہد کا بہترین ثمر عطا فرمائے۔اردو زبان اور اردو محفل فورم کو کامیابی اور کامرانیاں عطا فرمائے۔آمین
بلا شبہ یہ فورم ایک بہترین فورم ہے۔جہاں مختلف مکتب فکر کے لوگ دن رات فورم سے وابستہ رہتے ہیں۔اردو کے مختلف شبعہ جات میں اپنی کاوشیں پیش کرتے ہیں۔محفلین ایک دوسرے کی خوشی ،دکھ درد میں سنگی ساتھی ہیں۔میں اس محفل کا حصہ ہو یہ میرےلیے قابل فخر بات ہے۔
 

محمداحمد

لائبریرین
ماشاءاللہ۔۔۔!

"اردو محفل" کا تو نام ہی کافی ہے۔

اردو محفل کے بانی اور منتظمین بے تحاشہ داد اور مبارکباد کے مستحق ہیں۔

اُمید ہے یہ محفل ایسے ہی قائم دائم اور اس کے اراکین شاد آباد رہیں گے۔ :) :) :)

محفل کی سالگرہ کے موقعے پر ہماری جانب سے ڈھیروں مبارکباد! :)
 

الف عین

لائبریرین
یقیناً اردو محفل انٹر نیٹ پر اردو کے لیے ایک سنگ میل ثابت ہوا ہے، اور میں یہی بات ہر پلیٹ فارم پر کہتا رہا ہوں۔ امید ہے کہ محفل انہیں خطوط پر گامزن رہے گی۔ چاہے زین فورو ہو یا کوئی اور پلیٹ فارم جو موبائل فرینڈلی ہو۔
بارھویں سالگرہ بہت مبارک ہو نبیل اور سب محفلینس کو
 

رانا

محفلین
کوئی چھ ماہ قبل ایک خیال دل میں آیا تھا کہ محفل کے لئے اینڈرائیڈ ایپ بنائی جائے لیکن اس میں مسئلہ یہ تھا کہ ڈیٹا بیس تک رسائی نہ تھی۔ پھر ایک آسان حل یہ ملا کہ محفل کے اہم لنکس کی مدد سے ہی سادہ سی ایپ بنادی جائے۔ اس کا مقصد صرف اور صرف اردو محفل کی بارہویں سالگرہ پر ایک تحفہ پیش کرنا تھا ورنہ صرف لنکس کی مدد سے بہت اچھی ایپ تو ظاہر ہے نہیں بنائی جاسکتی تھی۔ خیال یہ تھا کہ جیسے فورم کا ایک بٹن دے دیا جائے جس پر کلک کرنے سے فورم کھل جائے۔ اسی طرح تازہ ترین کا ایک بٹن ہو جس پر کلک کرنے سے تازہ ترین مراسلے ویب ویو میں کھل جائیں۔ اسی طرح مختلف بٹن مختلف لنکس کو اوپن کردیں۔ یعنی بنیادی طور پر ویب ویو ہی ہوتا بس یہ ہوتا کہ ایپ تمام کی تمام محفل پر مشتمل ہوتی۔ لیکن اس پر کام اس لئے نہ ہوسکا کہ میری ونڈوز میں کچھ ایسا مسئلہ آیا کہ میرا موبائل ڈیٹیکٹ ہونا بند ہوگیا اور ایمولیٹر میری ونڈوز پر چلتا نہیں تھا۔ لہذا یہ منصوبہ ختم ہوگیا۔:)
 
کوئی چھ ماہ قبل ایک خیال دل میں آیا تھا کہ محفل کے لئے اینڈرائیڈ ایپ بنائی جائے لیکن اس میں مسئلہ یہ تھا کہ ڈیٹا بیس تک رسائی نہ تھی۔ پھر ایک آسان حل یہ ملا کہ محفل کے اہم لنکس کی مدد سے ہی سادہ سی ایپ بنادی جائے۔ اس کا مقصد صرف اور صرف اردو محفل کی بارہویں سالگرہ پر ایک تحفہ پیش کرنا تھا ورنہ صرف لنکس کی مدد سے بہت اچھی ایپ تو ظاہر ہے نہیں بنائی جاسکتی تھی۔ خیال یہ تھا کہ جیسے فورم کا ایک بٹن دے دیا جائے جس پر کلک کرنے سے فورم کھل جائے۔ اسی طرح تازہ ترین کا ایک بٹن ہو جس پر کلک کرنے سے تازہ ترین مراسلے ویب ویو میں کھل جائیں۔ اسی طرح مختلف بٹن مختلف لنکس کو اوپن کردیں۔ یعنی بنیادی طور پر ویب ویو ہی ہوتا بس یہ ہوتا کہ ایپ تمام کی تمام محفل پر مشتمل ہوتی۔ لیکن اس پر کام اس لئے نہ ہوسکا کہ میری ونڈوز میں کچھ ایسا مسئلہ آیا کہ میرا موبائل ڈیٹیکٹ ہونا بند ہوگیا اور ایمولیٹر میری ونڈوز پر چلتا نہیں تھا۔ لہذا یہ منصوبہ ختم ہوگیا۔:)
اینڈرائڈ ایمولیٹرز کے بجائے جینی موشن ڈاؤنلوڈ کر لیں۔ پرفارمنس کے اعتبار سے بہت بہتر ہے۔
 
میں سوچ رہی تھی کہ جس طرح رمضان ایک ماہ کا ہوتا ہے ایسے اگلا ایک ماہ عید ہونی چاہئیے۔ یہ خیال اِس بار ہی زیادہ قوی ہوا اور آج! محسوس ہو رہا ہے کہ واقعی اب ایک ماہ 'عید' ہوگی!
محفل میرے لیے ویسے ہی ایک بہت پیاری جگہ ہے۔ اپنے اندر ایک دنیا رکھتی ہے! میری زندگی میں بہت سے حوالوں سے بہت اثر رکھتی ہے۔ ہاں! یہاں میری کم مداخلت کہ وجہ میری کم علمی یا کسی حد تک کم گوئی رہی ہے مگر اس سے غیر حاضر کبھی نہیں ہوئی اور ہمیشہ ہی یہ بہت محبوب جگہ ہوتی ہے مگر ظاہر ہے اپنی سالگرہ کے دنوں میں یہاں پر یقیناََ عید کا سماں ہوتا ہے اور ہوگا!
نبیل بھائی کا خطبہ سب نے محفل کی گیارہویں سالگرہ کے موقع پر بہت مِس کِیا تھا۔ اللہ کا شکر ہے کہ مزید ایسا کچھ نہیں ہوا۔ اردو محفل کا انٹرنیٹ پر دنیائے اردو میں ایک خاص مقام ہے اور انٹرنیٹ پر اردو میں جتنا مواد موجود ہے اس میں ایک خاصی قابلِ ذکر پرسنٹیج بھی اردو محفل کی ہے۔ خیر۔۔۔نبیل بھائی نے بہتری کی بات کی تو میری ایک ادنٰی سی تجویز اس حوالے سے یہ بھی ہے کہ اردو محفل کی اینڈرائڈ ایپ بنائی جائے۔ اس حوالے سے سال بھر سے بھی زیادہ پہلے سعود بھائی سے بھی بات ہوئی تھی۔ لیکن انہوں نے کہا کہ اس کی کبھی ضرورت محسوس نہیں کی گئی۔ اب بہتری کے ضمن میں یہ قصہ چل نکلا اور بہتری ہر شے میں وقت کے ساتھ ساتھ ضروری ہے۔ جس طرح Evolution۔۔۔ اگر کوئی سپیشز ارتقا کے عمل سے نہیں گزرتی تو رفتہ رفتہ اس سے زندہ رہنے کا حق چھین لیا جاتا ہے۔۔۔ خیر مجھے علم نہیں کہ کتنے لوگ اس سے اتفاق کریں گے مگر میرا بہت سٹرونگ ووٹ اس حوالے سے ہے کہ اردو محفل کی ایپ ہونی چاہئیے۔
میری طرف سے تمام محفلین کو اردو محفل کی بارہویں سالگرہ مبارک۔
نیز یہ بھی بتایا جائے کہ بارہ سال کی ہوگئی ہے، محفل کو سکول کب داخل کرانا ہے بھئی؟ :dancing::daydreaming::cool2:
 
آخری تدوین:

نبیل

تکنیکی معاون
کچھ دوستوں نے فورم کی ایپ کی ضرورت کا ذکر کیا ہے۔ اس کے بارے میں چند گزارشات پیش کرنا چاہتا ہوں۔
میں اس بات سے بالکل متفق ہوں کہ محفل فورم کی ایک ایپ یقینا محفلین کے لیے فائدہ مند ثابت ہو سکتی ہے۔ لیکن ایسی ایپ کی ان ہاؤس ڈیویلپمنٹ اور maintenance کافی وقت اور محنت طلب کام ثابت ہوگا۔ کسی تھرڈ پارٹی سروس کا استعمال ابھی ہمارے بجٹ میں پورا نہیں آتا۔ لیکن کچھ عرصہ انتظار کر لیا جائے تو کچھ بہتر حل دستیاب ہونے کا امکان ہے۔ اگر براؤزر نوٹفیکیشن کا سسٹم سیٹ اپ ہو جائے تو یہ بڑی حد تک ایپ کا متبادل ثابت ہو سکتا ہے۔ اس کے لیے ایس ایس ایل سرٹیفیکیٹ کی ضرورت پڑے گی۔ یہ کتنی آسانی سے دستیاب ہو سکتا ہے، اس کے بارے میں معلومات کے لیے @زیک، ابن سعید یا سعادت بہتر بتا سکتے ہیں۔ ایک اور امکان یہ بھی ہو سکتا ہے کہ کسی ایسے سوفٹویر پلیٹ فارم پر مائیگریٹ کیا جائے جس میں ایپ بھی دستیاب ہو۔ ایسے کچھ سوفٹویر موجود ضرور ہیں لیکن محفل فورم کو اس پر منتقل کرنے کے لیے کافی محنت کی ضرورت پیش آ سکتی ہے۔ اس موضوع پر میں جلد ہی علیحدہ بات کروں گا۔ ہمیں اس بات کا بھی خیال رکھنا ہوگا کہ ایپ کی maintenance کا مطلب سالانہ اخراجات میں اضافہ بھی ہوگا، کیونکہ اس کے لیے گوگل اور ایپل کے ڈیویلوپر اکاؤنٹ کے سالانہ چارجز بھی ادا کرنے کی ضرورت پیش آئے گی۔
 

محمدظہیر

محفلین
اردو محفل کی اینڈرائڈ ایپ بنائی جائے
صرف اینڈرائڈ کیوں، ایپل والوں کا بھی سوچنا پڑے گا نا. اور پھر ونڈوز موبائل والوں کا کیا قصور جو انہیں شامل نہ کیا جائے. اور پھر ایپس بنانا اور مینٹین کرنے کے متعلق نبیل بھائی نے بتایا کتنا رسورس درکار ہے.
کیا ہی اچھا ہو اگر ویب ایپ بن جائے جو ہر موبائل براؤزر سے چل جائے، جس کی نوٹیفکیشن بھی موصول ہوں :)
 

نبیل

تکنیکی معاون
صرف اینڈرائڈ کیوں، ایپل والوں کا بھی سوچنا پڑے گا نا. اور پھر ونڈوز موبائل والوں کا کیا قصور جو انہیں شامل نہ کیا جائے. اور پھر ایپس بنانا اور مینٹین کرنے کے متعلق نبیل بھائی نے بتایا کتنا رسورس درکار ہے.
کیا ہی اچھا ہو اگر ویب ایپ بن جائے جو ہر موبائل براؤزر سے چل جائے، جس کی نوٹیفکیشن بھی موصول ہوں :)

دراصل محفل فورم کی سائٹ پہلے ہی رسپانسو ہے، یعنی موبائل فون اور ٹیبلٹ کے لحاظ سے یہ خود کو ایڈجسٹ کر لیتی ہے۔ اب اگر براؤزر نوٹیفیکیشن کا بندوبست بھی ہو جائے تو بڑی حد تک ایپ کی ضروریات پوری ہو سکتی ہیں۔
 

محمدظہیر

محفلین
دراصل محفل فورم کی سائٹ پہلے ہی رسپانسو ہے، یعنی موبائل فون اور ٹیبلٹ کے لحاظ سے یہ خود کو ایڈجسٹ کر لیتی ہے۔ اب اگر براؤزر نوٹیفیکیشن کا بندوبست بھی ہو جائے تو بڑی حد تک ایپ کی ضروریات پوری ہو سکتی ہیں۔
جی بھیا مجھے بھی محفل موبائل فرینڈلی لگتی ہے. :)
 

زیک

مسافر
نبیل آپ کے سٹیٹ آف دا محفل خطاب کو اب نے پچھلے سال مس کیا تھا۔ اچھا ہوا اس بار وقت پر آ گیا
 
Top