لا الہ دی مالا گھل وچ پا لے نی

[عبدالقیوم چوہدری]

لا الہ دی مالا گھل وچ پاء لے نی
الا اللہ دیاں ضرباں سینے لا لے نی

لا الہ دا پاء کے گہنا
حکم اللہ دا مننا پینا
نام نبیﷺ دا ہر دم لینا
تن من اودھے ناوے لا دے
اُتوں سِر دا تاج بنا لے نی

عشق دی اگ وچ سڑنا پینا
سولی اُتے چڑھنا پینا
مرن توں پہلے مرنا پینا
جے تو مر کے زندہ رہنا
تے پیار نبیﷺ نال پاء لے نی

اے تن مٹی دا حجرا تیرا
ایس حجرے وچ یار دا ڈیرا
ایدھے وچ دس کی ھن اے تیرا
اینوں ویکھن والیاں اکھاں
تو مرشد کولوں بنوا لے نی

یاد سجن وِچ روندیاں رہنا
دنیا کولوں لُک لُک بہنا
میلے دے وچ او کلیاں رہنا
بُلھے وانگوں گھنگھرو پاء کے
نچ نچ کے یار منا لے نی

اے دنیا اے حسن جوانی
چار دناں دی اے زندگانی
ایتھے بندیاں او ہر شے فانی
عشق دے رنگ وچ دل نوں رنگ لے
تے مہر محمدیﷺ لا لے نی

آپے سوہرے آپے ای پیکے
آپے ہر ہر دے وِچ ویکھے
آپے سوہنا کردا لیکھے
جے تینوں شک نظری آوے
تے میم دا پردہ چاء لے نی

احد توں ایں تے احمد توں ایں
اول توں ایں تے آخر توں ایں
ظاہر توں ایں تے باطن توں ایں
سب کچھ چھڈ کے او پیر تو اینوں
تے محرم راز بنا لے نی



​

 

[رومانہ چوہدری]

جزاک اللہ۔ عمدہ شئیرنگ

 

[عبدالقیوم چوہدری]

جزاک اللہ۔ عمدہ شئیرنگ

شکریہ جی۔

 

[جاسمن]

لا الہ دی مالا گھل وچ پاء لے نی

سبحان اللہ!

 

[عبدالقیوم چوہدری]

سبحان اللہ!

 

[ڈاکٹرعامر شہزاد]

جزا ک اللہ